“Referendumdan sonra Türkiyə siyasəti Qərbdə izlənir”

Bu barədə politoloq İlqar Altay Ölkə.Az-a açıqlamasında bildirib. Onun sözlərinə görə, Avropa Şurasının Türkiyəyə nəzarət etmək səlahiyyəti yoxdur.

“Heç Avropa Birliyinin Türkiyəyə nəzarət etmək səlahiyyəti yoxdur. Burada söhbət çərçivə daxilində, Türkiyənin qəbul etdiyi öhdəlikləri yerinə yetirməsi baxımından nəzarət etməkdən gedir. Üzv dövlət kimi, həmin qurumun şərtlərini yerinə yetirilməsi istiqamətində nəzarət aparılacaq”, - deyə siyasətçi bildirib.

İ.Altayın fikrincə, Avropa Şurasının Türkiyə ilə bağlı hansısa məqsədləri var:

“Avropa Şurası layihə hazırlayır. Ola bilsin ki, Türkiyə ilə münasibətlərdə buna uyğun olmayan addımlar atılır. Məsələn ölüm hökmünün bərpa edilməsi kimi qərarlara nəzarət edilir. Uzaq başı Türkiyəni Avropadan çıxarıla bilər. Referendumdan sonra Ərdoğanın siyasəti Qərbdə izlənir”.

Qeyd edək ki, Avropa Şurası Parlament Assambleyası bu gün səsvermə keçirib. Səsvermə nəticəsində Türkiyəni siyasi nəzarətə götürmək barədə qərar qəbul edilib. Səsvermə nəticəsində Türkiyəni siyasi nəzarətə götürmək barədə qərar qəbul edilib.

Assambleyanın "Türkiyədə demokratik institutların işləyişi" mövzulu iclasda Türkiyə ilə bağlı son dövrlərdə ortaya atılan iddialar dəyərləndirilib. Nəticədə Türkiyənin siyasi nəzarət prosesinə yenidən qərar verilib. Türkiyə 2004-cü ildə siyasi nəzarət prosesindən çıxmışdı.

Səsvermədə iştirak edənlərdən 113 nəfər qanun layihəsinin lehinə, 45 nəfər isə əleyhinə səs verib.

Ziya Səccad
Ölkə.Az