Rəhbərliklə aşkar münaqişəyə başlamayın

Rəhbərliklə aşkar münaqişəyə başlamayın
01:28
24.06.2018
5052
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - çoxdan başladığınız işi bu gün başa vura bilərsiniz. Layihələri yarımçıq qoymayın. Yaşamınıza əhəmiyyətli dərəcədə təsir edə biləcək qərar istisna deyil. Yaşam və iş yerini dəyişmək, kollektiv fəaliyyəti intensivləşdirmək üçün münasib zamandır.

Günün ikinci yarısında iş yerində rəhbərliklə aşkar münaqişəyə başlamayın. Həmkarlarla münasibətləri ayırd etməyin zamanı deyil. Münasibətlərinə önəm verdiyiniz insanın istəklərinə diqqətlə yanaşın.

Axşam saatları romantik macəra üçün əlverişli vaxt deyil.

Buğa - işgüzar danışıqlar, müzakirələr, bacarıqların nümayişi üçün əlverişli zamandır. Emosional fonu kontrolda saxlayın. Mübahisələrin konstruktiv məcrada olmasına çalışın.

Gün bol sürprizlər vəd edir. Hadisələrin axarı pozitiv və ya mənfi ola bilər. Hər şey sizdən asılıdır. Çalışdığınız insanların məramlarına fikir verin. Münasibətləri balanslaşdırın. Yollarda ehtiyatlı olun. Axşam saatlarında sakit istirahət edin.

Maliyyə məsələləri xüsusi diqqət tələb edir. İmpulsa aldanaraq itkilər verməyin, mənasız xərclər etməyin. Problemlərin uğurlu həllini tapmaq olar.

Əkizlər - ağır işə, genişmiqyaslı layihəyə başlamağın zamanı deyil. Qüvvələrinizi bərabər paylaşdırmasanız, potensialınızı dürüst qiymətləndirməsəniz, uğursuzluğa düçar ola bilərsiniz. İfrat yorğunluğa mübtəla olmayın.

Günün ikinci yarısında sayıq və diqqətli olun. Ətrafınızdakı insanlarla birbaşa qarşıdurmadan yayının. Bütün mübahisəli məsələləri sülh yolu ilə, danışıqlarla həll etmək olar. Təhqir, təhdid, zor tətbiqi yolverilməzdir.
Ailə üzvləri daha çox diqqət tələb edirlər. Sizə ehtiyacı olan insanların qayğısına qalın.

Xərçəng - günün ilk yarısındakı qeyri-müəyyənlik ciddi narahatlıq yarada bilər. Ailə işləri və məişət qayğıları ilə bağlı durumdakı çətinlikləri aradan qaldırın. Yaşam arealında qayda yaradın. Resurs və ehtiyatlarınızı dəyərləndirin. Alış-veriş etmək olar.

Günün ikinci yarısında məşğuliyyətinizi və ünsiyyət çevrənizi təftişə uğrada bilərsiniz. Münaqişəli situsiyaların, sizi asılı duruma salmaq istəyən insanların iradlarının az olduğu durumu seçin. Təmkinli olun. Kobudluğa kobudluqla, aqressiya ilə cavab verməyin. Estetikaya, gözəlliyə tələbat arta bilər. Qarderob və aksessuarların yenilənməsi üçün münasib zamandır.

Axşam saatlarında yaxşı bələd olmadığınız yerdə istirahət etməyin.

Şir - maliyyə məsələlərində diqqətli davranın. Pullarınızın qədrini bilin, bədxərclik etməyin. Əks halda borca düşə bilərsiniz. Yaxın ətrafınızdakı insanlardan birinin yardıma ehtiyacı var.

Çılğın olmayın, emosiyalarınızı idarə edin.

Günün ikinci yarısında tanış və dostlardan dəstəyi əsirgəməyin. Sifarişçi, müştəri, tərəfdaş və ya şəriklə görüşdə mümkün qədər diqqətli davranın. Eşitməklə yanaşı, deyilənin məğzini anlayın. Sözlərin fərqli mənalarını qulaqardına vurmayın.

Qız - mümkün qədər intizamlı, məsuliyyətli olun. Əməllərinizə və sözlərinizə görə cavab verməli olduğunuzu unutmayın. Vədlərə əməl edin. Yalançı, unutqan insan təsiri bağışlamayın.

Günün ikinci yarısında dostların, qohumların təkliflərini nəzərə alın. Başqalarının fikirlərinə sayğı ilə yanaşın. Təxribatlara uymayın, səbrli və təmkinli davranın. Mövqelərinizdən əsla geri çəkilməyin. 
Vicdansız insanların yalanlarının qurbanı olmayın.

Tərəzi - situasiyalarda qəfil, əsla nəzərdə tutulmamış dəyişikliklər ola bilər. Kölgəyə çəkilin, bir qədər sakit davranın. Ətrafınızda baş verənləri diqqətlə müşahidə edin. Maraqlandığınız işdə uğurlar əldə edə bilərsiniz.

Günün ikinci yarısında yeni layihəyə başlamayın. İti və kəsici alətlərlə ehtiyatlı davranın. Yaxın ətrafınızdakı insanlarla təmaslarda gərginlik, qarşılıqlı iradlar olacaq. Fikir ayrılıqlarını normal şəkildə nizamlayın. Günün təmayüllərini nəzərə alaraq problemləri dərhal aradan qaldırın. Axşam saatlarında yeni ideyalar istisna deyil.

Əqrəb - yaxın ətrafınızdakı insanlarla münasibətlərinizdə gərginlik yaranacaq. Kənardan təsirlərin artmasına hazır olun. Mühüm informasiyanı, xəbərləri sizdən gizlədəcəklər. Situasiyanın tələb etdiyi addımların ardıcıllığını intuisiyanız sizə deyəcək.

Günün ikinci yarısında mübahisələrə qarışmayın. Ailə üzvləri ilə təmaslarda qayğıkeş və alicənab olun. Zəifə, ağır durumda çaş-baş qalmış insana yardım edin. Sevdiyiniz insandan çoxsalyı sirlər saxlamayın. Axşam saatlarında vəziyyət sakit olsa da, hansısa işi başa çatdırmaq asan deyil.

Oxatan - məşğul olduğunuz işə bütün diqqətinizi və vaxtınızı ayırsanız, ciddi uğurlara nail ola bilərsiniz. Başladığınız işi əsla yarımçıq qoymayın. Məqsədə doğru inadla, qətiyyətlə irəliləyin.

Günün ikinci yarısında məqsədə aparan yoldan sapmayın. Hədəfi "vurmaq" üçün yardımlara ehtiyacınız var. Etibar etdiyiniz insanın, inandığınız yoldaşın köməyindən bəhrələnə bilərsiniz. Dedi-qodulara aldanmayın.
Axşam saatlarında çevik və hətta hiyləgər olun.

Oğlaq - bütün diqqəti əsas məsələnin həllinə yönəldin. Cari işləri uğurla başa vurun, axşamalara və ləngimələrə şərait yaratmayın. Aktiv olun, rəqiblərinizi üstələmək üçün bütün gərəkli metod və vasitələrdən yararlanın. Təsadüfi maneələr və kənar təsirlər sizi yolunuzdan döndərməməlidir.

Günün ikinci yarısında yaxın ətrafınızdakı insanlarla qarşıdurmaya zəmin yaratmayın. Axşam saatlarını ailə üzvlərinə həsr edin. Qarşılıqlı anlaşma və səmimiyyətə ehtiyac duyulur.

Dolça - şəxsi münasibətlər və karyeranızla bağlı durum motivasiyadan asılıdır. Qətiyyətli olun, kiçik problemlərə görə ruhdan düşməyin. Peşəkar fəaliyyət müstəvisində kənar təsirlərin güclənməsinə imkan verməyin. Yeni işə başlamaq, gəlir mənbələrini artırmaq olar.

Günün ikinci yarısında rəqiblərlə tərəfdaşları ayırd etməyi bacarın.
Yaxınlarınız və qohumlarınızla qarşılıqlı anlaşmanın güclənməsi sizdən asılıdır. Peşəkar məziyyətlərinizdən yararlanın, uğurlarınızı artırın. Yeni iş yeri və ya gəlir mənbəyini əldə etmək üçün adekvat addımlar atın. 

Günün ikinci yarısında yaxın ətrafınızdakı insanlarla münasibətlərinizin gərilməsiən can atmayın. Həssas, qayğıkeş olun. Münaqişə yaranarsa, səbrli və təmkinli davranın. 

Axşam saatlarında təmkinli olun.

Balıqlar - başqalarının mövqelərindən və fikirlərindən çox asılı olmayın. Öz biliklərinizə, bacarıqlarınıza güvənin. İntuisiyanız sizi aldatmayacaq. Yaxın ətrafınızdakı insanlarla ünsiyyət zamanı eşitdiyiniz hər sözə inanmayın.

Günün ikinci yarısında məqsədə doğru inamla irəliləyin. Aldığınız bəzi məlumatlar bilərəkdən təhrif olunub. Dostlarınızdan biri ilə münasibətləri bədxahlar korlamağa çalışırlar. Münaqişələri kompromis və güzəşt yolu ilə həll edin.

Neytral situasiyanın yaranması üçün təşəbbüskar olun.

Ölkə.Az

ŞƏRH YAZ
0

Alimlərdən yeni açıqlama: “Ömrü uzatmağın 5 QIZIL QAYDASI

Alimlərdən yeni açıqlama: “Ömrü uzatmağın 5 QIZIL QAYDASI
13:33
Bu gün
1066
Maraqlı
A
Alimlər hər il qocalma prosesi ilə bağlı yeni genlər kəşf edirlər.

“Ölkə.Az” xəbər verir ki, tədqiqatlar sübut edib ki, insan ömrünün uzanması təkcə genetika ilə bağlı deyil. Düzgün qidalanma və həyat tərzi də buna təsir edən faktorlardandır.

Az ye, çox yaşa

30 il əvvəl ABŞ-da alimlərdən ibarət iki qrup bir sıra tədqiqatlara start verdilər. İyirmi il davam edən müşahidə öz nəticəsini verdi. Az kalorili pəhrizdə oturan meymun digər qrupa nisbətən daha uzun müddət yaşadı. İkinci qrupdakı meymunlar isə şəkər, xərçəng və ürək-damar sistemi xəstəliklərindən dünyasını dəyişdi. Alimlər qrupu birlikdə işləmək qərarına gəldilər. Yeni tədqiqat zamanı məlum oldu ki, orta yaş dövründə aşağı kalorili pəhrizə oturan meymunlar daha uzun müddət yaşayıb. Tədqiqatçılar düşünürlər ki, nəticələri insana da tətbiq etmək mümkündür.


Müalicəvi aclıq

Harvardlı alimlər müntəzəm olaraq ac qalmağı məsləhət görürlər. Bu yaxınlarda aparılan tədqiqatın nəticələrinə əsasən, müvəqqəti olaraq qidadan imtina etmək hüceyrələrdə enerji mübadiləsi prosesini yaxşılaşdırır. Başqa sözlə, müntəzəm olaraq ac qalmaq qocalma prosesini yavaşladır.

150 dəqiqə idman

Uzunömürlü olmaq üçün aktiv həyat tərzi sürmək, daha çox piyada gəzmək lazımdır. Bu nəticəyə isə Kanadanın Makmaster universitetinin alimləri gəliblər. Alimlər uzun müddət 17 ölkənin 130 min sakinini müşahidə ediblər. 7 il sonra məlum olub ki, gündə yarım saat fiziki hərəkət edənlər ürək-damar sistemi xəstəliklərindən 20%, erkən ölümdən isə 28% daha az əziyyət çəkiblər.

Həftədə 750 dəqiqə idmanla məşğul olanlarda isə bu nəticə daha yaxşı, yəni 36% təşkil edib.

Elm həyatdır

2017-ci ildə britaniyalı bioloqlar müəyyən ediblər ki, insan ömrü genetik və sosial faktorlardan asılıdır.

Alimlərin əlində Avropanın müxtəlif ölkələrindən olan 600 min insanın genomları haqqında böyük məlumat olub. Dəqiq analizlər zamanı məlum oldu ki, sağlamlığa ziyan vuran bütün zərərli vərdişlər təkcə DNA ilə müəyyən edilmir.

Məlum olub ki, təhsil səviyyəsi insanın ömrünün uzun olmasına kifayət qədər güclü təsir edir. Məktəb və universitetdə hər təhsil ili insan ömrünə əlavə 11 ay qazandırır. Alimlər deyir ki, ali təhsil insanlara düzgün qidalanma və pis vərdişlərdən asılı olmamağa kömək edir.

Sirli həb

Bəşəriyyət bineyi-qədimdən dirilik suyu axtarır. Alimlər artıq onun üzərində işləyirlər. Bu barədə iki elmi məqalə dərc olunub. Heyvan orqanizmində qocalma prosesini yavaşladan maddələrdən söhbət açılıb.

İyul ayında Marşall (ABŞ) universitetinin əməkdaşları laboratoriya siçanlarının ömrünü uzadan xüsusi ferment, inyeksiya barədə məlumat veriblər. Bioloqlar bir il ərzində siçanlara yağlı qida veriblər. Bununla yanaşı yuxarıda adıçəkilən iynə heyvanlara vurulub. Nəticədə isə iynə vurulan siçanlar digərlərindən daha cavan görünüblər.

Avqust ayında isə Minnesota universitetinin alimləri də qocalığa qarşı mübarizə məsələsində yeni nəaliyyətlər barədə məlumat veriblər. Onlar müəyyən ediblər ki, müəyyən məhlullar qocalan hüceyrələri məhv edir və iltihabı azaldır.

Hikmət Həsənov
Ölkə.Az

ŞƏRH YAZ
0

İlk çoxarvadlı hökmdar, qoyunların seçdiyi cariyə — TARİXİ FAKTLAR

İlk çoxarvadlı hökmdar, qoyunların seçdiyi cariyə
10:32
Bu gün
1541
Maraqlı
A
Dünya tarixində hökmdarlar, xanlar, şahlar və sultanlar hərəmxanaları ilə də məşhur olublar. Bu barədə bir çox yazılar, mənbələr günümüzə qədər gəlib çatıb.

 “Ölkə.Az” xəbər verir ki, çox az adam bilir ki, hərəmxana sistemi ilk dəfə Çində qurulub. Bu və digər maraqlı faktları tarixçi-alim Əkbər Nəcəf bizimlə bölüşüb.

Hərəm sisteminin memarı Qədim Çində hökm sürmüş Çu xanədanlığı olub. Tam 800 il Çini idarə edən (e.ə. 1054-250) bu xanədanlıq dövründə "hərəm qanunvericiliyi"nin əsasları hazırlanıb.

Buna görə, bir hökmdarın çoxlu qadınlarının və cariyələrinin olması o hökmdarın gücü və ehtişamı təmsil edirdi. Əsasında bir hökmdar 9 arvad ala bilərdi. Digərləri, sadəcə cariyə funksiyasını icra edirdilər.


Doqquz qadınlı sistem bir kainat sistemi idi. Dördü şərq, dördü qərb olmaqla bir nizam təşkil edirdilər. Beşinci sıradakı qadın balans ünsürü idi.
Ancaq ilk qadın "ağ qan" hesab olunur və ondan doğulan uşaqlar vəliəhd, yəni hökmdar nəslinin davamçısı olurdular. Əgər birinci xanımın övladı olmazda bu haqq ikinciyə ötrülürdü.

Maraqlıdır ki, Çular çinli olmayıblar və Orta Asya üzərindən indiki Monqolustana gəlib Çini ələ keçirmiş bir türk kökənli xanədanlıq idi. Onlar haqqında ilk və sanballı araşdırmalara və kimlikləri haqqındakı fikirlərə yəhudi əsilli böyük alman sinoloq V.Eberhard imza atıb. Eberhar Hitlerdən qaçıb Türkiyəyə gəlmiş və Türkiyədə sinologiyanın əsasını qoymuş bir alimdir. Bu alimin gələn il anadan olmasının 110 illiyi tamam olacaqdır. Eberhar, eyni zamanda böyük türk alim Bahaeddin Ögəlin də müəllimi olub.

Çində Jin xanədanlığı dövründə (265-420) hökmdarların evlənməsi qadağan edilib. Qadağanı qoyan isə dövlətin ilk imperatoru Vu Di (265-290) olub. Ancaq onun zamanında Çin hərəminə astronomik sayda cariyə cəlb olunmuşdur. Sadəcə hökmdarın cariyələrinin sayı 5.000 idi. Özündən sonra taxta çıxan Hui Vu zamanında isə cariyə sayısı 10 minə çıxmışdır.


Shi Hu zamanında isə saraydakı cariyə sayısı 30 minə yüksəldi. Bütün ölkə hökmdar üçün qız axtaran məmurlarla dolub daşırdı. Dövlət xəzinəsinin böyük hissəsi də bu sistemə və qız axtaran məmur aparatına xərclənirdi.
Hökmdarların bir-birlərinə, yaxınlarına, tabeliklərində olanlara qadın və ya cariyyə hədiyyə etməsi də qədim Çin ənənəsi olub. Çində Çu imperiyasının tənəzzül dövrü Döyüşən Dövlətlər dövrü (e.ə. 475-221) adlanır. Bu dövrdə Çində hər əyalət özünü bir dövlət elan etmişdi. Bu dövlətlərin hökmdarları dost və düşmən münasibətləri içində yaşayırdılar. Bu vaxt hökmdarların gözəl qızları bir hədiyyə vasitəsi olaraq bir-birlərinə göndərmə ənənəsi yarandı. Həmin tarixdən sonra da qadın hədiyələşmə vasitəsi olaraq qaldı və hətta Çinin sərhədlərini aşaraq geniş bir areala yayıldı.

Tarixdə ilk çoxarvadlı hökmdar Çinin mifik hökmdarı Di Shun olub. Bu adam eyni ailənin iki qızı ilə evlənmişdir. İki bacılar özləri də hökmdar ailəsindən olub hökmdar Di Yaonun qızlarıdır. Bu hadisə eyni zamanda tarixdə bir kişinin birdən artıq arvad almasını göstərən ilk tarixi faktdır. Bu hadisə e.ə. III min illikdə cərəyan edib...


Çin sarayında qadınların çoxluğu ciddi bir problemdi. Belə olan halda hökmdarın gecəni hansı qadınla keçirməsini qoyunlar təyin edirdi. Hərəmin içindəki yollar dar olduğundan hökmdarın arabasını qoyunlar çəkirdi. Qoyun arabası hansı cariyənin qapısında dayanırdısa hökmdar gecəni orada keçirirdi.
Bu vəziyyət maraqlı səhnələrə də səbəb olmuşdur. Belə ki, bəzi ağıllı cariyələr qoyunların dayanması üçün öz qapılarının ağzına ot qoyurdular. Bəziləri də qoyunun keçəcəyi yola duzlu su tökürdülər.

Bəzən də hökmdarla birlikdə olan cariyəni zər oyunları təyin edirdi.
Çinli bir imperatorun gecə həyatı, gün batmadan iki saat əvvəl başlayırdı. Artıq bu saatda onun gecəni keçirəcəyi qadın hərəmağası tərəfindən müəyyən olunurdu. Hər günə uyğun yataq otağı və tərtibatı olurdu. Burada əşyalar qədər seçilən rənglər də mühimdir.
İmeratorun səfahətilərinin isə xüsusi dəftərləri tutulurdu. Hətta buraya gecəni keçirdiyi qadınları adları və xüsusiyyətləri də yazılırdı. Hökmdarla gecəni keçirən qadınlar isə ciddi nəzarət altında tutulurdular.

Hökmdar ilə qadınlarının arasındakı məşhur səhnələrin də nizamı vardı. Kişi-qadın münasibətinin demək olar ki, çoxu səfahat nizamına ayrılmışdı...
Hikmət Həsənov
Ölkə.Az

ŞƏRH YAZ
0
BAĞLA