Rekord təzminat

"Ölkə.Az" xəbər verir ki, Los-Anceles məhkəməsinin hökmü ilə "Johnson & Johnson" şirkəti xərçəng xəstəsi qadına 417 milyon dollar təzminat ödəcəyək. Qadın şirkətin məhsullarından istifadə etdikdən sonra bu xəstəliyə yoluxduğunu iddia edir.

Kaliforniya sakini Yeva Eçeverria məhkəməyə müraciət edib. Qadın 2007-ci ildən xərçəngə mübtəla olduğunu bildirib. Onun fikrinə görə 1950-ci ildən 2016-cı ilə qədər hər gün uşaq səpmə tozundan istifadə etdiyi üçün xərçəng şişi yaranıb. Eçeverria bəyan edib ki, şirkət müştərilərinə xəbərdarlıq etməli idi.

Məhkəmənin hökmü ilə 68 milyon dollar mənəvi təzminat kimi ödənəcək. 340 milyon dollar isə cərimə şəklində ödənəcək. Şirkətin nümayəndəsi Kerol Qudriç bildirib ki, şirkət bu qərardan şikayət edəcək.

Qeyd edək ki, bu məbləğ rekord təzminat məbləği sayılır.

Hikmət Həsənov
Ölkə.Az