Reks Tillerson: “İrana layiqli cavab veriləcək”

Reks Tillerson: “İrana layiqli cavab veriləcək”
01:35
20.04.2017
76
Dünya
A
İranın nüvə proqramına dair razılaşma uğursuz nəticələnib.

“Ölkə.Az” xəbər verir ki, bu barədə ABŞ-ın dövlət katibi Reks Tillerson bildirib. Onun sözlərinə görə, Birgə Hərtərəfli Fəaliyyət Planı İranı nüvə statusundan məhrum etməyib.

“ABŞ İrana qarşı çox dözüm nümayiş etdirib. Biz onlara çox vaxt verdik. Lakin bu vaxt İranın nüvə dövləti olmaq məqsədini yalnız təxirə salıb. Artıq Amerikanın da səbri tükənib”, - deyə Tillerson bildirib.

ABŞ rəsmisi bəyan edib ki, artıq İrana layiqli cavab veriləcək:

“Biz İrana çox vaxt verdik. Onlara başa salmaq istədik ki, Amerika sülh tərəfdarıdır. Biz İranı çirkin niyyətlərindən döndərmək istədik. Görünür bu cəhdlərimiz uğursuz oldu. ABŞ İrana layiqli cavab verəcək. Artıq İranla hərbi dildə danışmağın vaxtı çatıb”.

Qeyd edək ki, İranın nüvə proqramı üzrə Birgə Hərtərəfli Fəaliyyət Planı (BHFP) 2015-ci ilin iyul ayında İran və "altılıq ölkələri" - Almaniya, Böyük Britaniya, Fransa, Çin, Rusiya və ABŞ arasında qəbul edilib. İyulun 20-də plan BMT Təhlükəsizlik Şurası tərəfindən təsdiq edilib. Qəbul edilmiş qətnamə İranın nüvə proqramı ilə bağlı sanksiyaların aradan qaldırılmasını nəzərdə tutur.

Ziya Səccad
Ölkə.Az

ŞƏRH YAZ
0

Braziliyada film kimi hadisə — Zorlanan qız 12 il sonra polis olub qisas aldı

Braziliyada film kimi hadisə
13:23
Bu gün
3558
Dünya
A
Braziliyada maraqlı hadisə qeydə alınıb.

“Ölkə.Az” xəbər verir ki, 9 yaşında zorlanan qız böyüyərək polis olub və onu zorlayan şəxsi tutaraq həbsə göndərib.

2016-cı ilin dekabr ayında Tabata və Fabrisio yenidən üz-üzə gəlib. Bu, 12 ildən sonra baş verən ikinci görüş idi. Tabatanın 9 yaşı olanda 39 yaşlı evli, ailə dostu Fabrisio iki il ərzində zorlayıb.

Amma ikinci görüşdə Fabrisionun qolu qandallı olub. Tabata onu tutaraq digər əlindəki tapancanı caniyə yönəltmişdi.

Tabata bildirir ki, Fabrisio təbiəti sevən fotoqrafdır. Ətrafındakı insanlara sahillər, çaylar və gəzdiyi yerlər haqqında danışır. Tabatanın ailəsi ilə tanış olan Fabrisio qısa müddətə qızın atası ilə dostlaşır.

İki ailə qısa müddət sonra birlikdə səfərə çıxır və Uruqvay çayı yaxınlığında düşərgə qurur.

Tabata hadisəni belə xatırlayır: “Heç kəs olmayanda yanıma gəlir, məni əlləyirdi. Amma nə olduğunu başa düşmürdüm. İnsanlardan uzaqda, ağacların arasında, çayda üzəndə mənə təcavüz edirdi.

Bir gün onunla su almağa getdik. Məni yenə əllədi, əlindəm çıxıb qaçmağa başladım. Atam və anam heç nəydən şübhələnmədilər. Çünki ona çox etibar edirdilər.

Atam çox əsəbi adam idi. Onu öldürüb həbsə girə bilərdi. Bir uşağın beynindən min fikir keçir. Həm də elə bilirdim ki, anam mənə inanmayacaq”.

Fotoqraf  Tabatanın universitet müəllimi olan bacısı olduğunu, anasının axşamlar işlədiyini, atasının da o saatda futbol oynadığını bilirmiş. Bu səbəbdən axşamlar gəlib çirkin əməllərinə davam edirmiş.

Tabata 11 yaşı olanda artıq söyüş söyərək etiraz edirmiş. O, anası xəstə olduğu üçün məsələni açıb-ağarda bilməyib. Eyni dövrdə isə atası Fabrisionun arvadı ilə intim münasibət qurub. İki dost düşmənə çevrilib.

Tabata uzun müddət baş verənləri unuda bilməyib. 16 yaşı olanda dostunun anasına məsələni danışıb. Məlum olub ki, fotoqraf başqa qızlara da təcavüz edib.

7 il sonra qız polisə şikayət edib. Amma işə baxılmayıb. Prokuror isə qıza qarşı kobud davranıb.

Fabrisio 7.5 il həbsə məhkum edilsə də, apellyasiya şikayəti ilə azadlığa buraxılıb. Bu zaman Tabatanın 24 yaşı var idi və polis akademiyasından məzun olurdu.

2016-cı ildə Tabataya xüsusi bir tapşırıq verilib. Fabrisio çay sahilindəki fermada gizlənirdi. Tabatanın polis həmkarı fotoqrafı həbs edir, onu kameraya isə qız özü göndərir...

Hikmət Həsənov
Ölkə.Az

ŞƏRH YAZ
0

İndoneziyada göldə boğulanların sayı 180-ə çatdı — FOTOLAR

İndoneziyada göldə boğulanların sayı 180-ə çatdı
11:23
Bu gün
1543
Dünya
A
İndoneziyanın Şimali Sumatra adasındakı Toba gölündə batan qayıqda ölənlərin sayır artır.

“Ölkə.Az” xəbər verir ki, xilasedicilər 180 nəfərin itkin düşdüyünü bildirirlər.

Sahilə toplaşanlar göz yaşları içində yaxınlarından xəbər almaq üçün gözləyirlər. Gölü axtaran xilasedicilərə polis və hərbçilər də kömək edir. 

Hazırda cəmi 18 nəfərin xilas edildiyi məlumdur.

Məlumata əsasən, qayıq tutumundan 3 dəfə artıq sərnişin götürdüyü üçün batıb.

Hikmət Həsənov
Ölkə.Az

ŞƏRH YAZ
0
BAĞLA