Reks Tillerson Türkiyəyə səfər edəcək
ABŞ xarici işlər naziri Reks Tillerson 30 mart tarixində Türkiyəyə səfər edəcək.
"Ölkə.Az" xəbər verir ki, Tillerson Türkiyə prezidenti Ərdoğanla və digər rəsmilərlə görüşəcək. Bu barədə ABŞ xarici işlər nazirliyi məlumat yayıb. Nazirliyin mətbuat katibi Mark Toner bildirib ki, bu səfər iki NATO müttəfiqi arasında əlaqələrin daha da güclənməsinə səbəb olacaq.
Tonerin açıqlamasında deyilir: "Tillerson bölgədə sabitliyin təmin edilməsində Türkiyənin önəmli rolunu bir daha vurğulayacaq və Suriya ilə İraqda İŞİD-i məğlub etmək üçün müzakirələr aparacaq".
Tillerson 31 mart tarixində isə Belçikanın paytaxtı Brüsseldə NATO baş qərargahını ziyarət edəcək.
Hikmət
Ölkə.Az