“Rəqibdən asılı olaraq, heyət dəyişə bilər” — Qurbanov

“Rəqibdən asılı olaraq, heyət dəyişə bilər”
23:13
09.06.2018
1243
İdman
A
"On gün ərzində 3 oyun keçirdik. Qazaxıstana məğlubiyyətdən sonra istəyirdik ki, komanda tam hazır olsun. Çox hərəkətli yığmaya qarşı oynadıq. Futbolçularımın oyunundan, göstərdikləri xarakterdən razı qaldım".

"Ölkə.Az" "Report"a istinadən xəbər verir ki, bunu Azərbaycan milli komandasının baş məşqçisi Qurban Qurbanov səfərdə Latviya yığmasına 3:1 hesabı ilə qalib gəldikləri yoldaşlıq görüşündən sonra deyib.

46 yaşlı mütəxəssis buraxılan qolu arxayınlıqla əlaqələndirib:

"Hesab 3:0 olanda bir çox futbolçularda adətən bir qədər arxayınlıq ola bilər. Bu, daha çox texniki səhv oldu. Son dəqiqələrdə rəqib də hücumda çoxaldı. Amma istəməzdim ki, son anlarda qol buraxaq".

Qurbanov keçirilən yoldaşlıq görüşlərindən sonra təxmini start heyəti müəyyənləşdirdiyini də açıqlayıb:

"Komandanın start heyəti təxmini var. Heç bir görüşdə tam heyətlə oynamamışıq. Çünki futbolçuların formasından da çox şey asılı olacaq. Rəqibdən asılı olaraq, heyət dəyişə bilər. Yoxlama görüşlərində futbolçuları yoxlamaq mənim üçün çox vacib idi. Komandada müsbətə doğru çox dəyişiklik gördüm".

Baş məşqçi UEFA Millətlər Liqasında milli komandanı çətin mübarizəni gözlədiyini və Kosovo, Malta və Farer adaları ilə görüşlərədək tam hazır olmalarını istədiyini diqqətə çatdırıb: "Bizi həmin turnirdə maraqlı qarşılaşmalar gözləyir".

Ölkə.Az

ŞƏRH YAZ
0

“Mançester Yunayted”də iki ciddi itki

“Mançester Yunayted”də iki ciddi itki
01:17
Bu gün
136
İdman
A
İngiltərənin “Mançester Yunayted” klubunun futbolçuları Antonio Marsyal və Cessi Linqard 2-3 həftə yaşıl meydanlardan kənarda qalacaq.

“Ölkə.Az” xəbər verir ki, bu barədə “qırmızı şeytanların” baş məşqçisi Ole-Qunnar Sulşer məlumat verib.

Onun sözlərinə əsasən, hər iki futbolçu İngiltərə kubokunun 1/8 finalında “Çelsi”,  Premyer Liqanın 27-ci turunda “Liverpul”la oyunları dəqiq buraxacaqlar.

Onlar Çempionlar Liqasının 1/8 finalında PSJ ilə cavab matçında da iştirak etməyə bilərlər.

Qeyd edək ki, hər iki oyunçu PSJ ilə ilk qarşılaşmada zədələnib.

Ölkə.Az

ŞƏRH YAZ
0

Arvadını döyən dünya çempionu həbs edildi

Arvadını döyən dünya çempionu həbs edildi
14:16
15.02.2019
2297
İdman
A
Azərbaycanın kikboks üzrə dörd qat dünya çempionu Anar Süleymanov həbs olunub.

"Ölkə.Az" xəbər verir ki, bu barədə “Qafqazinfo” məlumat yayıb.

A.Süleymanov arvadı Ş.-nı döyməkdə ittiham olunur. İttihama görə, idmançı 2018-ci il noyabrın 5-də Nərimanov rayonunda yaşadığı evdə arvadını döyüb. Əvvəllər tələbəsi olmuş həyat yoldaşı da kikboks üzrə dünya çempionudur. 

Xanım polisə izahatında göstərib ki, A.Süleymanovla cəmi iki ay evli olub:

“Həmin müddət ərzində də məni qapalı yerdə saxlayıb, dəfələrlə döyüb. Məni boğaraq dilimi ağzımdan çıxarıb öldürmək istəyirdi. Sonuncu dəfə döyüldükdən sonra qayınanamın evdə olmasından istifadə edib qapını açıb qaçaraq atam evinə qayıtdım. Lakin Anar məni və ailə üzvlərimi ölümlə hədələyirdi. Evli olduğumuz vaxt mənə deyirdi ki, “kriminal aləmin üzvləriyik, biz heç kimdən qorxmuruq”. Üzümə yumruqla vururdu, saçımdan tutub evdə sürüyürdü, təpikləyirdi”. 

Zərərçəkmiş Ş. 17-ci Polis Bölməsinə şikayət edib və A.Süleymanov barəsində İnzibati Xətalar Məcəlləsinin 157-ci (döymə) maddəsi ilə protokol tərtib olunub. Nərimanov rayon Məhkəməsinin hakimi Vüsal Qurbanov protokol üzrə qərarını elan edib və A.Süleymanov fevralın 13-dən etibarən 20 gün müddətinə inzibati qaydada həbs olunub. 

A.Süleymanov Azərbaycan Kikboks Federasiyasının qızlardan ibarət milli komandanın baş məşqçisi olub.

ŞƏRH YAZ
0
BAĞLA