“Rəşad Atakişiyeva şəhidlik statusu verilməlidir”

“Rəşad Atakişiyeva şəhidlik statusu verilməlidir”
22:40
12.09.2019
7213
Ölkə
A
“Rəşad Atakişiyev döyüş tapşırığını yerinə yetirərkən həlak olub. Buna görə də ona şəhidlik statusu verilməlidir”.

“Ölkə.Az” xəbər verir ki, bunu Azvision.az -a açıqlamasında MiQ-29 hərbi təyyarəsi ilə qəzaya düşərək həlak olan pilot Rəşad Atakişiyevin qayınatası, politoloq Qabil Hüseynli deyib.

Onun sözlərinə görə, mərhum pilotun ailəsi dövlətdən bununla bağlı müvafiq addımların atılmasını gözləyir:

“Adətən istintaq işi yekunlaşdıqdan və qəti qərar qəbul edildikdən sonra təltif edilmə həyata keçirilir. Rəşad döyüş şəraitinə yaxınlaşdırılmış taktiki hərəkəti yerinə yetirərkən həlak olduğuna görə təltif olunmalıdır. Hərbi Hava Qüvvələrinin komandanlığı bununla bağlı təşəbbüs irəli sürməlidir. Şəhidlik zirvəsinin ona verilməsi ilə bağlı şübhəmiz yoxdur”.

Xatırladaq ki, iyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən Hərbi Hava Qüvvələrinin MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev həlak olub. 34 yaşında dünyasını dəyişən hərbi pilotun nəşi avqustun 21-də torpağa tapşırılıb.

Ölkə.Az

ŞƏRH YAZ
0

"Qaydanı pozan sürücü işdən çıxarılıb, avtobus isə xətdən kənarlaşdırılıb" — BNA

21:23
Bu gün
141
Ölkə
A
Sosial şəbəkələrdə 40 və 204 nömrəli müntəzəm marşrut xətləri üzrə avtobus sürücülərinin yol hərəkəti qaydalarını kobud pozaraq sərnişinlər və digər hərəkət iştirakçılarının həyatı üçün təhlükə yaratması ilə bağlı yayılan video dərhal nəzarətə götürülüb.

"Ölkə.Az" bildirir ki, bu barədə Bakı Nəqliyyat Agentliyi məlumat yayıb. 

Məlumata görə, araşdırma zamanı 204 nömrəli müntəzəm marşrut xətti üzrə 10-TG-775 dövlət qeydiyyatı nişanlı avtobusun sürücüsünün Ələkbərov Asəf Musa olduğu müəyyən edilib: "Dərhal daşıyıcı və sürücü BNA-ya çağırılaraq izahatının alınması təmin edilib. Nəqliyyat vasitəsi müvəqqəti olaraq xətdən kənarlaşdırılıb. Sürücü yol verdiyi kobud qayda pozuntusuna görə daşıyıcının müvafiq əmri ilə işdən azad edilib. 40 nömrəli avtobusun dövlət qeydiyyatı nişanının görüntülərdən müəyyən edilməsi mümkün olmayıb. Hazırda digər vasitələrlə sürücünün şəxsiyyətinin müəyyənləşdirilməsi istiqamətində iş aparılır. Bir daha qeyd edirik ki, sərnişindaşımada qoyulan tələblərə, o cümlədən təhlükəsizliklə bağlı qaydalara əməl etməyənlərə qarşı ciddi tədbir görüləcək".

Ölkə.Az

ŞƏRH YAZ
0

Sükan arxasında yuxuya gedən sürücü qəzada öldü — VİDEO

Sükan arxasında yuxuya gedən sürücü qəzada öldü
19:31
Bu gün
1461
Ölkə
A
Biləsuvarda ölümlə nəticələnən yol-nəqliyyat hadisəsi baş verib.

"Ölkə.Az" oxu.az-a istinadən xəbər verir ki, Bakı-Astara magistral yolunda qeydə alınan qəzada avtomobil dərəyə aşıb. 

Hadisə şahidlərinin dediyinə görə, qəzaya səbəb sürücünün sükan arxasında yatması olub.

Nəticədə, sürücü hadisə yerində ölüb.

Ölkə.Az

ŞƏRH YAZ
0
BAĞLA