Hərbi pilot Rəşad Atakişiyevlə vida mərasimi başa çatdı — YENİLƏNİB -5 (FOTO / VİDEO)

Hərbi pilot Rəşad Atakişiyevlə vida mərasimi başa çatdı
11:26
21.08.2019
11195
Ölkə
A

Təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Rəşad Atakişiyevin Silahlı Qüvvələrin Təlim və Tədris Mərkəzində keçirilən vida mərasimi başa çatıb.

"Ölkə.Az"ın report-a istinadən xəbərinə görə, R.Atakişiyevin nəşi II Fəxri xiyabanda torpağa tapşırılacaq.

***

Hərbi pilot Rəşad Atakişiyevlə vida mərasimi keçirilir.

Bununla bağlı Müdafiə Nazirliyi məlumat yayıb.

Plana uyğun olaraq gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Rəşad Atakişiyevin Silahlı Qüvvələrin Təlim və Tədris Mərkəzində vida mərasimi keçirilir.

***

Azərbaycan Hərbi Hava Qüvvələrinin peşəkar pilotu, polkovnik leytenant Rəşad Atakişiyevlə yaşadığı evdə vida mərasimi keçirilir.

"Ölkə.Az" publika.az-a istinadən xəbər verir ki, Yasamal rayonu Dadaş Bünyadzadə küçəsində keçirilən mərasimə hərbçilər, yerli icra qurumlarının nümayəndələri, mərhumun pilot dostları qatılıb.

Yaşadığı ünvandan götürülən Rəşad Atakişiyevin cənazəsi rəsmi vida mərasiminin keçirilməsi üçün Müdafiə Nazirliyinin Təlim Tədris Mərkəzinə aparılacaq.

Qeyd edək ki, təlim-məşq uçuşu zamanı qəzaya düşən Azərbaycan Hərbi Hava Qüvvələrinin MiQ-29 qırıcısının pilotu polkovnik-leytenant Rəşad Atakişiyevin dünən nəşi tapılıb.

Ölkə.Az

ŞƏRH YAZ
0

Türkiyənin Naxçıvanla sərhəd-keçid məntəqəsində hərəkət məhdudlaşdırılacaq

Türkiyənin Naxçıvanla sərhəd-keçid məntəqəsində hərəkət məhdudlaşdırılacaq
18:46
Bu gün
1375
Ölkə
A
Türkiyə İranda koronavirus təhlükəsi ilə əlaqədar Naxçıvan Muxtar Respublikası ilə sərhəddə Dilucu sərhəd-keçid məntəqəsində də hərəkəti məhdudlaşdıracaq.

"Ölkə.Az" APA-ya istinadən xəbər verir ki, bunu bu gün Türkiyə Səhiyyə naziri Fəxrəddin Qoca bildirib.  

F. Qoca deyib ki, İranla sərhəddəki Ağrı-Gürbulaq, Hakkari-Esendere ve Van-Kapıköy sərhəd keçid məntəqələrinin müvəqqəti bağlanması ilə yanaşı, İğdırdan Naxçıvan bölgəsinə açılan Dilucu sərhəd-keçid məntəqəsində də hərəkət məhdudlaşdırılacaq.

ŞƏRH YAZ
0

Magistraturaya qəbul imtahanı keçirilib

Magistraturaya qəbul imtahanı keçirilib
16:48
Bu gün
3061
Ölkə
A
Magistratura səviyyəsinə qəbul imtahanı respublikanın 5 şəhərində - Bakı, Naxçıvan, Gəncə, Mingəçevir və Lənkəran şəhərlərində, ümumilikdə 49 imtahan binasında aparılıb.

Dövlət İmtahan Mərkəzindən "Ölkə.Az"a verilən məlumata görə, ki, imtahanda iştirak üçün 15 738 bakalavr ərizə təqdim edib.

İmtahan bütün binalarda eyni vaxtda başlanıb və 3 saat davam edib.

İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahan prosesinin gedişi nəzarətdə olub. Bütün binalarda imtahan təlimata uyğun şəkildə keçirilib, bakalavrların öz bilik səviyyələrini nümayiş etdirmələri üçün zəruri şərait yaradılıb.

İlkin məlumatlara əsasən 1 nəfərdə mobil telefon, 1 nəfərdə isə çoxfunksiyalı “ağıllı” saat aşkarlandığı üçün imtahandan xaric ediliblər.

Əvvəlcədən məlumat verildiyi və imtahan iştirakçılarının yaddaş kitabçasında qeyd olunduğu kimi saat 10:45-dən sonra imtahana gələn şəxslər imtahan binasına buraxılmayıblar. Təlimata əsasən imtahan binasına buraxılış rejimi imtahanın başlanmasına 15 dəqiqə qalmış başa çatır. Bundan sonra gələn namizədlər imtahana buraxılmır. DİM tərəfindən keçirilən imtahanlarda iştirak edən şəxslər bunu nəzərə almalıdırlar.

DİM imtahanlarda sağlamlıq imkanları məhdud namizədlərin iştirakının təmin edilməsi məqsədilə daim əlverişli şərait yaradır. Lakin sağlamlıq imkanları məhdud olan şəxslər vaxtında DİM-ə müraciət etməlidirlər. İmtahana az müddət qalmış və ya imtahan günü belə müraciətlər olduqda onların təmin olunması çətinləşir və bəzən mümkün olmur

Fevralın 24-dən etibarən DİM-də imtahan protokollarının və cavab kartlarının emalı aparılacaq. İmtahan nəticələrinin yaxın 2-3 gün ərzində elan edilməsi nəzərdə tutulur.

Qeyd edək ki, magistraturaya qəbul imtahanı ilə əlaqədar müraciətlərə baxılması üçün Apelyasiya komissiyası yaradılıb. Bakalavrlar Apelyasiya komissiyasına 24-26 fevral 2020-ci il tarixlərində saat 10:00-dan 17:00-dək şəxsiyyəti təsdiq edən sənədin əslini və surətini təqdim etməklə şəxsən müraciət edə bilərlər. Apelyasiya Komissiyası DİM-in Bakı şəhəri, Abdulvahab Salamzadə küçəsi, 28 ünvanında (keçmiş Bakı Asiya Universitetinin binasında) fəaliyyət göstərəcək.

ŞƏRH YAZ
0
BAĞLA