Rəşad Sadıqov Çempionlar Liqasının tarixinə düşdü

Rəşad Sadıqov Çempionlar Liqasının tarixinə düşdü
10:26
13.09.2017
52
İdman
A
"Qarabağ" futbol komandasının kapitanı Rəşad Sadıqov Çempionlar Liqasının tarixinə düşüb.

"Ölkə.Az"-ın məlumatına görə, Sadıqov ÇL-də eyni gündə həm məşqçi, həm də oyunçu kimi iştirak edən yeganə şəxsdir.

Qeyd edək ki, ötən gün keçirilən oyunlarda R.Sadıqovun baş məşqçisi olduğu "Qarabağ"ın U-19 komandası londonlu həmyaşıdlarına 5:0 məğlub olmuşdu.

Qurban Qurbanovun komandası isə Antonio Kontenin yetirmələrinə 6:0 hesabı ilə məğlub oldu.

İntiqam VALEHOĞLU
Ölkə.Az

ŞƏRH YAZ
0

Stiven Jozef-Monroz: "Artıq "Qəbələ"nin əsas heyətində daha çox oynayacam"

Stiven Jozef-Monroz:
21:59
19.11.2017
105
İdman
A
"Yaxşı oyun alındı. Bu, həm də "Neftçi"nin yaxşı komanda olmasından irəli gəlirdi. Rəqib də layiqli çıxış etdi, amma matçın müəyyən bölümlərində biz daha yaxşı mübarizə apararaq, əzmkar qələbə qazanmağı bacardıq. Artıq əsas heyətdə daha çox oynaya biləcəyimə inanıram".

Ölkə.Az Report-a istinadən xəbər verir ki, bunu "Qəbələ"nin futbolçusu Stiven Jozef-Monroz səfərdə "Neftçi"ni 3:2 hesabı ilə yendikləri Topaz Premyer Liqasının XII tur matçından sonra deyib.

Fransalı hücumçu artıq zədəsini tam bərpa etdiyini bildirib: "Ötən tur "Səbail"ə 3:1 hesabı ilə qalib gəldiyimiz oyun zamanı ayağımda ağrı hiss etdim. Bu vaxt matçın sonlarına 15 dəqiqə qalırdı. Zədəm ötən həftə sağaldı. Bundan sonra daha çox işləməyə başladım. Hər gün səylə çalışıram ki, əsas heyətdə yer alım".

27 yaşlı forvard komandasının qələbə topu barədə də danışıb: "Həmin epizodda arxamda rəqibin 2 oyunçusu var idi. Daha sonra önümə 1-i keçdi. Onu da keçəndən sonra qol vurdum. Məncə, bu qol həm də ona görə yaxşı oldu ki, hesab 2:2 olduğu vaxt qol vurdum və komandama qələbə qazandırdım".

Sonda Jozef-Monroz 2 aylıq qış fasiləsini ailəsinə həsr edəcəyini vurğulayıb.

ŞƏRH YAZ
0

““Qarabağ”a qalib gəlsəydik...” — “Atletiko"nun futbolçusu

““Qarabağ”a qalib gəlsəydik...”
14:50
19.11.2017
450
İdman
A
“Atletiko”nun müdafiəçisi Xuanfran fransalı komanda yoldaşı Antuan Qrizmanna dəstək olub.

Ölkə.Az Sport24-ə istinadən xəbər verir ki, ispan futbolçu XII turunda “Real Madrid”lə 0:0 bitən matçdan sonra jurnalistlərə açıqlama verib.

O, son vaxtlar tez-tez tənqid edilən hücumçuya dəstək vermək lazım olduğunu bildirib:

“Qrizmann “Atletiko”ya çox kömək edib. Son vaxtlar qol vura bilmirsə, deməli, biz komanda yoldaşları ona kömək etməliyik. “Vilyarreal” və “Qarabağ”a qalib gəlsəydik, Antunanın başının üzərində qara buludlar dolanmaz, tənqid edilməzdi”.

Xuanfran Çempionlar Liqasındakı qrupdan çıxmaq şanslarına da toxunub:

“Növbəti həftə “Roma”ya qalib gəlsək, şanslarımız hələ də qalacaq. Son turda isə səfərdə “Çelsi” ilə qarşılaşacağıq. Qalib gəlməkdən başqa çarəmiz yoxdur”.

ŞƏRH YAZ
0
BAĞLA