Rəşad Sadıqov haqqında müdhiş xəbər yayıldı

Rəşad Sadıqov haqqında müdhiş xəbər yayıldı
22:36
07.10.2017
747
İdman
A
Sabah Azərbaycan millisi DÇ-2018-in seçmə mərhələsi çərçivəsində Almaniya millisinin qonağı olacaq.

Bu, yığmamızın baş məşqçisi Robert Prosineçkinin Azərbaycan millisində son matçı olacaq.

Belə ki, AFFA rəhbərliyi dekabrın 3-də müqaviləsinin müddəti başa çatacaq xorvatiyalı mütəxəssislə sözləşməni yeniləməyəcək. Heç Prosineçkinin özü də bu postda qalmaqda maraqlı deyil. O, daha sərfəli təklifləri gözdən keçirəcək.

Assosiasiya rəhbərliyi artıq yeni baş məşqçi axtarışlarına da başlayıb. Maraqlıdır ki, namizədlər arasında Çexiya ilə matçda milli karyerasını başa vuran Rəşad Sadıqovun da adı var. Mənbə bildirilir ki, "Qarabağ”ın U-19 komandasının baş məşqçisi olan sabiq kapitan namizədlər arasında ən şanslı olandır.

Qeyd edək ki, cari tsikldə millimiz Prosineçkinin rəhbərliyində 10 xal qazanıb. Bu xallardan 6-ı da "cırtan” San-Marino üzərində səfərdə və evdə qazanılan qələbərə görədir. Digər 4 xala gəlincə, millimiz evdə Norveçi məğlub edib, Çexiya ilə isə səfərdə qolsuz bərabərə qalıb.
///Yenicag.az

ŞƏRH YAZ
0

Çempionlar Liqasının pley-off mərhələsinin ilk oyunları keçirildi

Çempionlar Liqasının pley-off mərhələsinin ilk oyunları keçirildi
09:29
Bu gün
61
İdman
A
UEFA Çempionlar Liqasının pley-off mərhələsinin ilk oyunları keçirilib.

"Ölkə.Az" xəbər verir ki, turun ilk oyun günündə üç görüş olub. Qitənin ən nüfuzlu klub turnirində “Qarabağ”ı mübarizədən kənarlaşdıran Belarusun BATE komandası Hollandiya təmsilçisi PSV-ni qəbul edib. Hesabı meydan sahibləri açsalar da, qonaqlar 3:2 hesablı qələbəyə nail olublar.

Portuqaliyada “Benfika” Yunanıstanın PAOK klubu üzərində qələbəni əldən verib. Tərəflər hərəyə bir dəfə fərqləniblər.

Serbiyada "Srvena Zvezda” ilə Avstriyanın “Zaltsburq”u arasındakı görüşdə isə hesab açılmayıb.

Mərhələnin digər üç qarşılaşması - “Ayaks” - “Dinamo Kiyev”, “Vidi” - AEK, “Yanq Boyz” - “Dinamo Zaqreb” avqustun 22-də baş tutacaq.

Qeyd edək ki, UEFA Çempionlar Liqasının pley-off mərhələsinin cavab görüşləri avqustun 28-də və 29-da keçiriləcək.

ŞƏRH YAZ
0

Şəhriyar Məmmədyarov Levon Aronyanla xalları bölüb

Şəhriyar Məmmədyarov Levon Aronyanla xalları bölüb
00:48
Bu gün
319
İdman
A
ABŞ-ın Sent-Luis şəhərində keçirilən "Sinquefield Cup" turnirinin IV turunda Azərbaycan şahmatçısı Şəhriyar Məmmədyarov ağ fiqurlarla ermənistanlı Levon Aronyanla qarşılaşıb.

"Ölkə.Az" xəbər verir ki, oyun 24-cü gedişdən sonra heç-heçə ilə yekunlaşıb - 0,5:0,5.

Bununla da Məmmədyarov xallarını 2,5-ə çatdırıb.

Turun digər görüşlərinə gəldikdə, rusiyalı Aleksandr Qrişuk fransalı Maksim Vaşye-Laqravla heç-heçə edib. Hazırda hindistanlı keçmiş dünya çempionu Vişvanatan Anandla norveçli hazırkı dünya çempionu Maqnus Karlsen qarşılaşır. Eyni zamanda Uesli So (ABŞ) - Sergey Karyakin (Rusiya) və Fabiano Karuana (ABŞ) - Hikaru Nakamura (ABŞ) görüşləri keçirilir.

On şahmatçının mübarizə apardığı "Sinquefield Cup" 300 min dollar mükafat fonduna malikdir. Qalib 75 min dollar qazanacaq.

Ölkə.Az

ŞƏRH YAZ
0
BAĞLA