Rəşad Sadıqov üçün ilk rəqib

Rəşad Sadıqov üçün ilk rəqib
19:24
06.01.2018
1292
İdman
A
Yanvarın 9-dan 27-dək Türkiyənin Antalya şəhərində təlim-məşq toplanışı keçirəcək 21 yaşadək futbolçulardan ibarət Azərbaycan millisinin rəqiblərindən biri bəlli olub.

"Ölkə.Az" Apasport.az-a istinadən xəbər verir ki, yığmanın baş məşqçisi kimi ilk toplanışa yollanacaq Rəşad Sadıqovun müəyyənləşən ilk rəqibi Gürcüstan millisidi.

Qonşu ölkə təmsilçisi ilə görüş yanvarın 23-də baş tutacaq. Bu oyun Antalyanın Lara bölgəsində keçiriləcək.

Bu matç Rəşdın yığmadakı debütü olmaya da bilər. Çünki sonradan dəqiqləşəcək rəqiblərlə oyunlardan biri və ya bir neçəsinin daha tez baş tutması mümkündü. Amma dəqiqləşən ilk rəqib olan Gürcüstandı ki, onun da baş məşqçisi üçün yığmada debüt Larada gerçəkləşəcək.

Rəşad kimi yığmaya yeni təyin olunub, ilk dəfə Türkiyə səfərinə çıxacaq mütəxəssis Sadıqov üçün tanış simadı. Rəqib komandanı Giya Tsetsadze çalışdırır ki, o da “Samtredia”nın baş məşqçisi kimi Sadıqovun futbolçu kimi şərəfini qoruduğu “Qarabağ”la görüşüb. 6 ay əvvəl Çempionlar Liqasında fərqli amplualarda rəqib olan cütlük bu dəfə yığmalar səviyyəsində görüşəcək.

Tsetzadze artıq yığmanın heyətini də açıqlayıb. O, Türkiyə toplanışına 24 oyunçu çağırıb:

Qapıçılar: Levan Şovnadze, Georgi Çoçişvili, Oto Qoşadze; 

Müdafiəçilər: Roman Çaçua, Ani Çiçinadze, David Kobauri, Akaki Şulaya, Quram Qiorberidze, İrakli Komaxidze, Luka Qadrani, Georgi Kantariya, Avtandil Qudjabidze, Andro Qiorqadze; 

Yarımmüdafiəçilər: David Samurkasov, Paata Quduşauri, Qabriel Saqirişvili, Nikoloz Başaleişvili, Georgi Xarebaşvili, Levan Maçaraşvili, Luka Nadiradze, İrakli Ruxadze; 

Hücumçular: Beka Mikeladze, Vato Arveladze, Beka Kavtaradze.

ŞƏRH YAZ
0

Veselin Topalov “Shamkir Chess-2018”də liderliyə yüksəlib

Veselin Topalov “Shamkir Chess-2018”də liderliyə yüksəlib
22:50
22.04.2018
247
İdman
A
Aprelin 22-də Şəmkirdə V Vüqar Həşimov Memorialında dördüncü turun görüşləri keçirilib.

"Ölkə.Az" Azərtac-a istinadən xəbər verir ki, Teymur Rəcəbov Norveç təmsilçisi Maqnus Karlsenlə, Rauf Məmmədov polşalı Radoslav Voytaşeklə, hollandiyalı Aniş Giri Çin şahmatçısı Dinq Lirenlə, Rusiya idmançısı Sergey Karyakin isə çexiyalı David Navara ilə heç-heçə edib.

Digər şahmatçımız Şəhriyar Məmmədyarov bolqarıstanlı Veselin Topalova uduzub.

Hesabında 2,5 xal olan V.Topalov birinci pillədə qərarlaşıb. M.Karlsen, T.Rəcəbov, R.Məmmədov, A.Giri, D.Liren, S.Karyakin və D.Navara, R.Voytaşek 2 xalla 2-9-cu pilləni bölüşürlər. Ş.Məmmədyarov isə 1,5 xalla sonuncu – onuncudur.

Ölkə.Az

ŞƏRH YAZ
0

"Qarabağ" ardıcıl 5-ci dəfə Azərbaycan çempionu oldu

21:33
22.04.2018
240
İdman
A
"Qarabağ" klubu Azərbaycan Premyer Liqasının bitməsinə 4 tur qalmış çempionluğunu rəsmiləşdirib.

"Ölkə.Az" xəbər verir ki, klub, "Sumqayıt"la bu gün keçirilən və 1:0 hesabı ilə qalib gəldiyi matçdan sonra bu uğura nail olub.

Bu qalibiyyətlə xallarını 59-a yüksəldən Ağdam təmsilçisi 42 xalla 2-ci pillədə qərarlaşan "Qəbələ" üçün əlçatmaz olub.

Qeyd edək ki, bu, "Qarabağ" komandasının ardıcıl 5-ci, ümumilikdə isə 6-cı çempionluğu kimi tarixə düşüb.

Ölkə.Az

ŞƏRH YAZ
0
BAĞLA