Rəşid Behbudov haqqında sənədli film təqdim edildi

Rəşid Behbudov haqqında sənədli film təqdim edildi
22:38
04.05.2018
3937
Mədəniyyət
A
Mayın 4-də Nizami Kino Mərkəzində SSRİ Xalq Artisti, görkəmli Azərbaycan müğənnisi Rəşid Behbudova həsr edilmiş “Nəğmə dolu bir ürəyəm” sənədli filminin təqdimatı olub.

"Ölkə.Az" xəbər verir ki, təqdimat mərasimində çıxış edən Azərbaycan Bəstəkarlar İttifaqının katibi, Əməkdar İncəsənət Xadimi, professor Zemfira Qafarova müğənninin həyat və yaradıcılığından söz açıb. “Rəşid Behbudov fenomenal şəxsiyyət idi. Dünyada ikinci belə səs olmayıb. Bütün dünyada onu tanıyır və sevirdilər. “Arşın mal alan” filmindəki rolu ona ümumxalq rəğbəti qazandırdı. O, öz yaradıcılığı ilə Azərbaycan musiqi mədəniyyəti fondunu zənginləşdirdi, Mahnı Teatrının əsasını qoydu, vətənin hüdudlarından uzaqlarda musiqimizi təbliğ etdi. Rəşid Behbudovun Azərbaycan xalqı qarşısında müstəsna xidmətləri var”, - deyə Z.Qafarova qeyd edib.

Rəşid Behbudovun qızı, Əməkdar Artist Rəşidə Behbudova “Nəğmə dolu bir ürəyəm” filminə görə Mədəniyyət Nazirliyinə və “Salnaməfilm” kinostudiyasına minnətdarlığını bildirib, onun xatirəsinin əbədi yaşayacağını deyib.

Rejissor Rauf Məmmədov diqqətə çatdırıb ki, filmin çəkilişi prosesində dahi müğənninin yaradıcılığına daha çox nüfuz edib. “Rəşid Behbudov ölümsüzdür, milyonlarla insan onun istedadının pərəstişkarı olub və bu gün də belədir. Bu filmin rejissoru olmaq mənim üçün böyük şərəfdir”, - deyə R.Məmmədov vurğulayıb.

Sonda görkəmli müğənninin həyat və yaradıcılığından bəhs edən sənədli filmin nümayişi olub.

Ölkə.Az

ŞƏRH YAZ
0

Azərbaycanlı pianoçu Fransada təltif edildi — FOTO

Azərbaycanlı pianoçu Fransada təltif edildi
09:29
Bu gün
132
Mədəniyyət
A
Azərbaycanlı pianoçu Səidə Zülfüqarova Fransanın Karter-Su-Puasi şəhər meriyasının medalı ilə təltif edilib.

"Ölkə.Az" Report-a istinadən xəbər verir ki, S.Zülfüqarova Fransanın Karter-Su-Puasi şəhərinin 2019-cu ilin "fəxri qadın"ı medalına layiq görülüb.

Azərbaycanlı pianoçu bu medala öz peşə fəaliyyəti, şəhərin çıçəklənməsi, inkişafındakı rolu, qadınlar arasında nümayiş etdirdiyi yüksək fəallığı və nəhayət öz sənətinin ona açdığı imkanlardan istifadə edərək insanlar arasında sülhün bərqərar olması üçün göstərdiyi səylərinə görə layiq görülüb.

S.Zülfüqarova açıqlamasında bildirib ki, onda bu mövzuya həssaslıq doğma Vətəni Azərbaycanın bir parçası olan Qarabağın işğalı, bu münaqişənin sülh yolu ilə həlli və regionda sülhün birdəfəlik bərpa olunması üçün bəslədiyi ümid dolu istəyindən irəli gəlir.

Səidə Zülfüqarova Fransada Azərbaycanı öz yüksək peşəkarlığı, tükənməz enerjisi və Vətəninə bəslədiyi sonsuz məhəbbətilə layiqincə təmsil edən musiqiçilərimizdəndir. 

Ölkə.Az

ŞƏRH YAZ
0

Baloğlan Əşrəfovdan Firəngiz Əlizadəyə cavab: "Canım mənim, qaşım mənim..."

Baloğlan Əşrəfovdan Firəngiz Əlizadəyə cavab:
12:32
13.03.2019
10488
Mədəniyyət
A
Əməkdar artist Baloğlan Əşrəfov xalq artisti, Azərbaycan Bəstəkarlar İttifaqının sədri Firəngiz Əlizadənin "toy müğənnisi efirə çıxmamalıdır” fikrinə cavab verib.

B.Əşrəfov "Ölkə.Az"a açıqlamasında deyib:

"Firəngiz Əlizadəyə böyük hörmətim var, Allah onun canını salamat eləsin. Azərbaycanın bütün köhnə müğənniləri, tanıdığımız bütün klassik ifaçılar toylarda püxtələşib, toylarda oxuyublar. Toy istəniən ailə üçün gözəl hadisədir. Nazir də evlənir, icra başçısı da. Bəs bunların toylarını kim çalmalı, kim oxumalıdır? Müğənnilər məclislərə gedib evlənənlərə xeyir-dua verirlər, musiqilərini ifa edirlər. Axmağın biri bir axmaq mahnı oxuyubsa, hər kəsə qadağa qoymaq, eyni fikri şamil etmək olmaz axı".

Baloğlan Əşrəfov bildirib ki, hətta "Şöhrət" ordenli ifaçılarla da eyni məclislərdə olub:

"Son zamanlar ekranlarımızda oxunan mahnıların çoxunda bədii zövq korlanıb. Əlbəttə, jarqon ifadələr, məntiqə uyğun olmayan sözlərlə dolu mahnılar toylara da sirayət edib. Toydan sonra həmin ifanı ekrana çıxarmaqla mən də razı deyiləm. Allaha and olsun, toyda "Sənsiz" romansını da, xalq mahnılarımızı da oxumuşam. Yəqin ki, Firəngiz xanım həmin müsahibədə bəzi müğənniləri nəzərdə tutub. Mirzə Babayevlə toyda olmuşam. Halbuki Mirzə Babayev Azərbaycnaın ən gözəl ifaçılarından biri idi. Xalq artistləri, "Şöhrət" ordenli ifaçıların hamısı mənim yanımda toylarda olublar. İndi biz onları nə edək? Vaxtilə Bədii Şura bir sözə görə uzun müzakirələr aparırdı ki, bu söz efirdə səslənə bilməz. İndi efirə çıxarılan bəzi mahnılardan iyrənirəm. Gözünə dönüm, sevirəm səni, ürəyim mənim, canım mənim, qaşım mənim...bu sözlər ekran üçün deyil də. Yəqin ki, Firəngiz xanım bu tip mahnıları və belə mahnıları oxuyan ifaçıları nəzərdə tutub".

Qeyd edək ki, F.Əlizadə ONA-ya müsahibəsində bildirib ki,  müğənni təkcə toyda oxuyursa,  efirə çıxmamalıdır:

"Amma xalq artisti, əməkdar artistdirsə, onu biz konsert salonlarında görürüksə, o zaman efirə çıxmalıdır.   Xalq qəbul edirsə, toylarda qulaq assın, ciblərinə pul bassın. O müğənnilər televiziya kanallarında meydan sulamamalıdırlar". 

İntiqam VALEHOĞLU
Ölkə.Az

ŞƏRH YAZ
1
BAĞLA