Rəsmi Bakıdan Mnatsakanyana — CAVAB

Rəsmi Bakıdan Mnatsakanyana
15:46
08.11.2019
1212
Siyasət
A
"Əslində, Ermənistan xarici işlər naziri yeni heç bir fikir söyləməyib".

"Ölkə.Az"ın xəbərinə görə, bunu Azərbaycan XİN-in mətbuat katibi Leyla Abdullayeva Ermənistanın xarici işlər naziri Zöhrab Mnatsakanyanın İsveçin Beynəlxalq Münasibətlər İnstitutunda çıxışı zamanı Dağlıq Qarabağ münaqişəsi ilə bağlı söylədiyi fikirlərə münasibət bildirərkən deyib.

"Beynəlxalq səviyyədə işğalçı kimi tanınan bir ölkə rəsmisinin Azərbaycanın beynəlxalq tanınmış sərhədləri çərçivəsindəki ərazilərini, guya, özünün işğal etməsi barədə eyni əsassız iddiaları - məsələnin beynəlxalq hüquqi tərəfini bir kənara qoyaq - bu, heç normal düşüncə çərçivəsinə belə sığmır. Təsəvvür edin ki, bir ölkə qanunsuz şəkildə digər ölkənin ərazilərini işğal edir, bu ərazilərdə tarixən yaşayan yerli azərbaycanlıları etnik təmizləməyə məruz qoyur, sonra da iddia edir ki, “bu ərazilərdə yaşayan 150 000 erməninin təhlükəsizlik problemi var”. Bu ermənilərin ailələri, evləri, adları olduğunu səsləndirən erməni naziri, görəsən, öz ölkəsinin təcavüzkar siyasəti nəticəsində 1 milyondan artıq azərbaycanlının evlərindən məhrum olduğunu, ailələrinin param-parça olduğunu, adlarının məcburi köçkün və qaçqına çevrildiyini heç düşünübmü? Əlbəttə, yox, əgər düşünsəydi, bu kimi cəfəng fikirlərlə özünü və xalqını aldatmazdı və münaqişənin həlli istiqamətində real addımlar atılardı. Mnatsakanyan anlamalıdır ki, onun dediyi kimi bizim və ya sizin həqiqət olmur; həqiqət birdir və bu həqiqət dünya ictimaiyyətinə çox yaxşı bəllidir. Sadəcə, mövcud həqiqətləri saxtalaşdıraraq onu öz maraqları naminə müxtəlif şəkillərdə təqdim etmək təcrübəsi də mövcuddur ki, bunu da ən yaxşı Ermənistan bacarır", - XİN rəsmisi vurğulayıb. 

ŞƏRH YAZ
1

MSK sədri: “Lazım olsa hər gün iclas keçirəcəyik”

MSK sədri: “Lazım olsa hər gün iclas keçirəcəyik”
12:41
Bu gün
184
Siyasət
A
Artıq seçki qanunvericiliyinin tələbinə uyğun olaraq namizədliyi irəli sürülməsinə imkan verən istənilən Azərbaycan vətəndaşı namizədliyini irəli sürə bilər.

 “Ölkə.Az” xəbər verir ki, bunu Mərkəzi Seçki Komissiyasının (MSK) sədri Məzahir Pənahov deyib.

Onun sözlərinə görə, artıq seçkilərə start verilib və namizəd olmaq istəyən şəxslər müraciət edə bilərlər. “Namizədlikləyin irəlü sürülməsi ilə bağlı qərar verdikdən sonra, həmin şəxs imza vərəqəsi götürüb imzatoplama kampaniyasına başlaya bilər”, - MSK sədri deyib.

O əlavə edib ki, bu gün keçiriləcək iclasda  təqvim planı və işçi qruoplar və seçkinin təşkili ilə bağlı digər müvafiq qərarlar qəbul ediləcək: “Seçkilərin təşkili ilə bağlı lazım olarsa MSK hər gün iclas keçirə bilər”.

Mürtəza
Ölkə.Az

ŞƏRH YAZ
0

MSK: Deputat olmaq istəyənlərin namizdəliklərini irəli sürülmə prosesi başlayıb

MSK: Deputat olmaq istəyənlərin namizdəliklərini irəli sürülmə prosesi başlayıb
11:40
Bu gün
358
Siyasət
A
Deputatlığa namizədliklərini irəli sürmək istəyən şəxslər Dairə Seçki Komissiyalarına müraciət edə bilərlər.

 Bu barədə “Ölkə.Az”a açıqlamasında Mərkəzi Seçki Komissiyasının (MSK) İctimaiyyətlə əlaqələr departamentinin rəhbəri Şahin Əsədov deyib.

 Onun sözlərinə görə,  Azərbaycan Respublikasının Prezidenti İlham Əliyevin ölkədə növbədənkənar parlament seçkiləri ilə bağlı sərəncam imzalayıb. “Seçki qanunvericiliyinə uyğun olaraq sərəncam imzalandıqdan sonra  seçki prosesinə strat verilmiş hesab olunur və namizəd olmaq istəyənlər  Dairə Seçki Komissiyasına (DSK) yaxınlaşıb bildiriş doldurub təqdim etməlidirlər. DSK- da öz növbəsində qanunvericiliyin tələbinə uyğun olaraq 5 gün müddətində namizədliyini irəli sürmək istəyən şəxsin namizədliyini irəli sürüb, sürə bilməməsi barədə  qərar verməlidir.  Namizədliyinin irəli sürlüməsi qeydə alınan şəxslər  deputatlığa namizədliyinin rəsmi qeydə alınması üçün imza vərəqələrini götürüb imzatoplama kampaniyasına başalyacaq”-Ş.Əsədov deyib.

Ş.Əsədov onu da bildirib ki, artıq dekabrın 7-dən prosesə start verilib. “Hələlik bizdə namizədlərin irəli sürülməsi ilə bağlı DSK-lara müraciət olunub-olunmaması barədə dəqiq məlumat yoxdur”- deyə, o bildirib.

Mürtəza
Ölkə.Az

ŞƏRH YAZ
0
BAĞLA