Rəsmi Moskva ABŞ və Şimali Koreyanı birbaşa dialoqlara çağırır

"Ölkə.Az" xəbər verir ki, bu barədə məlumatı Rusiyanın diplomatik mənbələri verib.

Mənbənin məlumatına əsasən, Şimali Koreyada ölkələr arasında gərginliyi azaltmaq üçün dialoqun vacibliyinə əmindirlər. Amma ABŞ Şimali Koreya hökuməti ilə "Şimali Koreyada insan hüquqları və demokratiya yoxur" ittihamı ilə danışıqlar aparmaqdan imtina edir.

Rəsmi Vaşinqton Şimali Koreya nüvə proqramını dondurduqdan sonra danışıqlar apara bilər.

Rusiya diplomatik dairəsindən deyirlər: " "Altılıq"ın digər üzvləri kimi biz də amerikalılar və Şimali koreyalılar arasında birbaşa dialoqu təşkil etməyə çalışırıq. Rəsmi Pxenyan vasitəçisiz dialoqa təkid edir. Amma hazırda Şimali Koreya bir, ABŞ isə digər tərəfə baxır. Bir tərəf nüvə sınaqlarına davam edir, digər tərəf isə demokratiya və insan haqlarının olmadığını deyir".

Digər mənbənin sözlərinə görə rəsmi Vaşinqton son vaxtlar güc tətbiqinə meyl edir. Bu isə Moskvanın narahatçılığına səbəb olub.

Hikmət Həsənov
Ölkə.Az