Restoranda ofisiant müştərini bıçaqladı
Bakıda işlədiyi restoranda müştərini bıçaqlamaqda təqsirləndirilən Elşən Seyidzadənin cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işi baxılması üçün Bakı Ağır Cinayətlər Məhkəməsində hakim Rahib Salmanovun icraatına verilib.
Qeyd edək ki, hadisə paytaxtın Xətai rayonu ərazisində yerləşən şadlıq evlərinin birində baş verib.
Şadlıq sarayında ofisiant işləyən 22 yaşlı Elşən Coşqun oğlu Seyidzadə aralarında yaranan mübahisə zamanı müştəri 38 yaşlı Rəcəb Baba oğlu Muradovu bıçaqlayıb.
Yaralı xəstəxanaya yerləşdirilib.
Həkimlərin səyi nəticəsində onun həyatını xilas etmək mümkün olub.
Hadisəni törədən E. Seyidzadə isə polis tərəfindən saxlanılıb.
Natiq Allahverdiyev
Ölkə.Az
