\"Restoranlarda qiymət od tutub yanır\"

“Ölkə.Az” xəbər verir ki, Milli Məclisin Əmək və sosial siyasət komitəsinin bu gün keçirilən iclasında deputatlar respublikadakı  turzimin durumunun yaxşılaşdırlması istiqamətində öz təkliflərini veriblər.

 Azərbaycanda turizmin qanedici səviyyədə olmadığı qeyd edən Musa Quliyev bildirib ki, 200 mindək çinli turistin ölkəmizə gəlişi gözlənilir. “Ancaq  bu qədər tursiti qəbul etmək üçün yetərincə turizm infrastruktur mövcud deyil. Bu sahədə ciddi çatışmazlıqlar mövcudur. Ona görə də turzim sahəsi ilə dinləmələr keçirilməlidir”- M. Quliyev deyib.

Deputat Elmira Axundova da deyib ki, bu gün yetərincə otellər yoxdur: “Bundan əlavə olaraq turizm marşurutları yoxdur. Çatışmazlıqlar mövcuddur. Azərbaycanın müxtəlif istiqamətləri ilə bağlı turizm marşrutları müəyyən edilməlidir. Yaxşı gidlər olmaldır”.

Deputat Araz Əlizadə  isə restoranlardan qiymətin bahalığından və Azərbaycana ancaq ərəb turistlərinin cəlb olunmasından şikayətlənib: “Bu gün restoranlarda qiymət od tutub yanır. Gələn turist  ikinci dəfə gəlmək istəmir. Digər məqam isə  Azərbaycana daha çox rəəb turistlərin gəlişinə razı deyiləm. İstərdim ki, digər ölkələrin də turistləri gəlib Azərbaycanı daha yaxından tanısınlar”.

Deputat Rauf Əliyev isə ölkədə turizm infrastrukturunun lazımi səviyyədə olmadığından şikayətlənib. “Əgər Azərbaycan çoxsaylı turist cəlb etməyə qalxsa, onu yerləşdirməyə otellər yoxdur. Digər tərəfdən Azərbaycan gələn turistlər artıq istiqaməti dəyişib. Səbəb də bahalıqdır. Hətta Azərbaycandan dünyanın müxtəlif ölkələrinə uçanlar Gürcüstan üzərindən uçurlar. Çünki orada loukostlar, yəni ucuzbüdcəli aviauçuşlar təşkil olunur.  İnsanlar 30-40  dollara Avropa ölkələrinə uçurlar. Azərbaycanda da yetərincə  hava limanı olsa da, onlaırn rentabellyini təmin edə bilmirik.  Gürcüstan kimi biz də ucuzbüdcəli avikampaniyalar  dəvət etməlidir. Biz də loukostlar yaradılmalıdır”, - deputat bildirib.

Mürtəza
Ölkə.Az