Rəsul Quliyev Cəmil Həsənlini təhqir etdi

Rəsul Quliyev Cəmil Həsənlini təhqir etdi
13:10
19.03.2017
34
Siyasət
A
ABŞ -da yaşayan eks-spiker Rəsul Quliyevlə Milli Şura rəhbəri Cəmil Həsənli arasında günlərdir, davam edən söz atışması dayanmır.

Ölkə.Az musavat.com-a istinadən xəbər verir ki, Rəsul Quliyev Cəmil Həsənliyə xitabən "Bütün həyatı boyu heç bir xeyirli işlə məşğul olmayan, bu gün xalqa xidmət edən bir tələbə belə yetirməmiş, heç kimin oxumadığı, sifarişlə yazılmış kitablarına görə özünü ''professor'' adlandıran psixikası pozulmuş şəxs yeni çızma-qarasında bir daha daxili əxlaqsızlığını nümayiş etdirir" deyə, vurğulayıb: "Elə bil prezident seçkilərindən sonra 6 ay "prezident mənəm, 65 faizlə udmuşam" deyən təlxək mən olmuşam, bu yox. "Oğurlayanı oğurla" bədnam şüarının müəllifi elə bil bu deyil, kimsə başqasıdır. Saxta sənədlərlə "invalidlik" statusu alan və vaxtından qabaq özünə pensiya təşkil edən (çox ehtimal kimlərəsə rüşvət verib) insan bu şərəfsiz deyilmiş.

Mənim onu Londana dəvət etdiyimi iddia edən bu yazıq dediyini sübut edə bilərmi, əsla yox. Əgər az da olsa insanlıq keyfiyyətinə maliksə kimin vasitəsilə mənim bu işi gördüyümü desin. Əgər deyə bilmirsə, utanıb xəcalət çəksin.

Mən bu insanı birinci dəfə Vaşinqtonda kiminsə vasitəçiliyi ilə Türk restoranında görmüşəm. Ona qədər və ondan sonra yəni 2013-cü ilə qədər belə bir adamın olduğunadan belə xəbərim olmayıb. Vaşinqtonda onun mənə verdiyi kitabla tanış olmuşdum və orada M.Bağırovla əlaqədar yazdıqlarının səhv olduğunu demişdim. Bu insan hələ də yalan danışmağın nə qədər Azərbaycan xalqının imicinə ziyan vurduğunu anlamır və bu yalanları deməkdə davam edir. Bu adama "30 milyard pul olan yerdə 100 milyard oğurlamaq mümkün deyildir"i başa salmaq mümkün deyildir. Və belə bir insan prezident olmaq arzusuna düşmüşdü".

Rəsul Quliyev daha sonra qeyd edib: "Kimdir bu professor? "Azadlq" qəzetində ağzına gələni yazan və bu qəzetdə heç bir cavab ala bilməyəcəyinə əmin olan bədbaxt. Adam Simiti mənim mazut satmağımla eyniləşdirən bir bədbaxtın özünü ''professor'' adlandırması azad bazar iqtisadiyyatına təhqirdən başqa bir şey deyildir. Bu adam Şanxayda olduğundan, orada fəaliyyətindən fəxrlə danışır. Bu insan Cində komunist diktaturasının hökm sürdüyündən xəbərdardır, görəsən.

Mən əminəm ki, onun növbəti çızma-qarası Cin diktaturasının şəninə həsr olunacaq. Bir sözlə, bundan sonra bu insana cavab verməyi özüm üçün təhqir qəbul etdiyimdəm xahiş edirəm, yazılarını davam etdirsin. Mən həyatımda onlarla akademik (sovet ittifaqı və respublikada) və yüzlərlə normal professorlarla işləmişəm. Bu özünü professor adlandıran "aşağı problu adam"la polemikaya girmək istəmirəm. Çünki o səviyyəli adamların məni anlamaq şansı yoxdur".

ŞƏRH YAZ
0

Müdafiə Nazirliyində kollegiya iclası keçirildi

Müdafiə Nazirliyində kollegiya iclası keçirildi
17:20
Bu gün
197
Siyasət
A
Bu gün Müdafiə Nazirliyində general-polkovnik Zakir Həsənovun rəhbərliyi və kollegiya üzvlərinin iştirakı ilə 2017-ci tədris ilində qoşunların hazırlığı üzrə yekunlara dair geniş tərkibdə iclas keçirilib.

Bu barədə "Ölkə.Az"- a nazirliyin mətbuat xidmətindən məlumat verilib.

Tədbirdə Azərbaycan Prezidentinin Hüquq mühafizə orqanları ilə iş və hərbi məsələlər üzrə köməkçisi Fuad Ələsgərov iştirak edib.

Azərbaycan xalqının ümummilli lideri Heydər Əliyevin və ölkəmizin ərazi bütövlüyü uğrunda həlak olanların xatirəsi bir dəqiqəlik sükutla yad edilib.

İclasda hesabat dövründə ordu quruculuğu sahəsində görülən işlər və əsas istiqamətlər üzrə yerinə yetirilən tapşırıqlarla bağlı məruzə dinlənilib, son dövrlərdə həyata keçirilən islahatlar, qoşunların döyüş hazırlığının vəziyyəti, xidməti və digər məsələlər müzakirə olunub.

Müdafiə naziri 2017-ci ildə xidməti döyüş hazırlığının yekunları və 2018-ci tədris ilində qarşıda duran vəzifələr haqqında geniş məruzə ilə çıxış edib.

Azərbaycan Respublikasının Prezidenti İlham Əliyevin Azərbaycan ordusuna verdiyi qiyməti, göstərdiyi diqqət və qayğını xüsusi qeyd edən müdafiə naziri Ali Baş Komandanın rəhbərliyi ilə son illər ərzində əldə edilən nailiyyətlərdən danışıb. Z.Həsənov cari ildə görülən tədbirlərin təhlilini apararaq döyüş hazırlığı və mənəvi-psixoloji vəziyyət, müdafiə sistemi və onun hərtərəfli təminatı məsələlərini diqqətə çatdırıb, qoşunların döyüş qabiliyyətinin artırılması məqsədilə 2018-ci tədris ilində qarşıda duran əsas vəzifələrin icrası ilə əlaqədar komandir-rəis heyəti qarşısında tapşırıqlar qoyub.

Müdafiə nazirinin əmrinə əsasən, 2017-ci tədris ilində döyüş hazırlığının yekunlarına görə xidmətdə fərqlənən hərbi qulluqçular təltif edilib və qiymətli hədiyyələrlə mükafatlandırılıb.

Sonda kollegiya iclasının qərar layihəsi müzakirə edilərək qəbul olunub.

ŞƏRH YAZ
0

Mehriban Əliyeva ordenlə təltif olundu

Mehriban Əliyeva ordenlə təltif olundu
17:05
Bu gün
280
Siyasət
A
Birinci vitse-prezident Mehriban Əliyeva mükafata layiq görülüb.

"Ölkə.Az" xəbər verir ki, Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva II dərəcəli Knyaginya Olqa ordeni ilə təltif olunub.

ŞƏRH YAZ
0
BAĞLA