“Rəsul Quliyev və Hüseyn Abdullayevin başı eyni cür işləyir” — deputatdan AÇIQLAMA

“Rəsul Quliyev və Hüseyn Abdullayevin başı eyni cür işləyir”
15:50
13.10.2017
141
Siyasət
A
Milli Məclisin deputatı Musa Quliyev hazırda mühacirətdə yaşayan sabiq spiker Rəsul Quliyev və eks-deputat Hüseyn Abdullayevin 2018-ci ildə keçiriləcək prezident seçkilərində öz namizədliklərini elan etmələrinə münasibət bildirib.

M.Quliyev “Ölkə.Az”-a açıqlamasında deyib ki, sözügedən şəxslərin seçkilərlə bağlı nə isə fikir söyləməsi ciddi qəbul edilmir:

“Hüseyn Abdullayev partiya sədri deyil, sıravi vətəndaşdır. İndi o nə isə deyirsə, jurnalistlər bunu nə üçün tirajlamalıdır? Sabah istənilən bir adam prezidentliyə namizəd olacağını elan edə bilər. O zaman nə dəyişəcək? Azərbaycan xalqı hər kəsi yaxşı tanıyır. Ancaq bu o demək deyil ki, hər tanınan adam gəlib prezident olacaq. Xalq bu adamlar kimi, artistləri də yaxşı tanıyır”.

Deputat qeyd edib ki, Hüseyn Abdullayevin seçkilərdə iştirak etməsinə heç kəs mane olmur:

“O da bir vətəndaşdır. Əgər konstition hüququ varsa, gəlib seçkilərdə iştirak edə bilər. Amma konstition hüququ yoxdursa, təbii ki, iştirak edə bilməyəcək. 

İstənilən halda bu cür məsələləri tirajlamaq və gündəmə gətirmək düzgün deyil. Bu cür adamlara xüsusi yer ayırmaq olmaz. Bütün bunlar mənasız şeylərdir. İndi hər yerindən duran nə isə deyirsə, onları gündəmə gətirmək doğru olmaz. Kimsə deyir ki, Rəsul Quliyev və Hüseyn Abdullayev eyni mərkəzdən idarə olunur və sairə. Xeyr, onlar heç bir mərkəzdən idarə olunmur. Sadəcə olaraq, onların ikisinin də başı eyni cür işləyir”.
  
Vasif Həsənli
Ölkə.Az

ŞƏRH YAZ
0

Elmar Məmmədyarov Amerika Yəhudi Komitəsinin prezidenti ilə görüşüb

Elmar Məmmədyarov Amerika Yəhudi Komitəsinin prezidenti ilə görüşüb
21:45
25.02.2018
377
Siyasət
A
Xarici işlər naziri Elmar Məmmədyarov Amerika Yəhudi Komitəsinin prezidenti Con Şapironun başçılıq etdiyi nümayəndə heyəti ilə görüşüb.

"Ölkə.Az" xəbər verir ki, Xarici İşlər Nazirliyinin (XİN) mətbuat xidmətindən "Report"a verilən məlumata görə, Elmar Məmmədyarov Azərbaycanın müxtəlif mədəniyyətlərin və dinlərin nümayəndələrinin sülh və harmoniya şəraitində birgə yaşadığı bir məkan olduğunu bildirərək multikulturalizm və tolerantlığın Azərbaycan xalqının ən böyük mənəvi sərvəti olduğunu vurğulayıb.

Son illər Azərbaycanın dinlərarası və mədəniyyətlərarası dialoqun təşviqinə həsr edilmiş çoxsaylı qlobal tədbirlərə ev sahibliyi etdiyini söyləyən nazir Elmar Məmmədyarov bu xüsusda ölkəmizin təşəbbüsü ilə keçirilən Beynəlxalq Humanitar Forum və Mədəniyyətlərarası və Dinlərarası Dialoq Forumunun əhəmiyyətini qeyd edib.

Tərəflər bu kimi tədbirlərə ev sahibliyi edilməsini ölkəmizin dinlərarası və sivilzasiyalararası dialoqa verdiyi töfhənin təzahürü kimi qiymətləndiriblər.

Görüşdə Azərbaycanın İsrail ilə, eləcə də Amerika Yəhudi Konqresi və digər yəhudi təşkilatları ilə əməkdaşlıq əlaqələrinin inkişafından məmnunluq vurğulandı. Ölkəmizdə yəhudi icmasına göstərilən dəstək və qayğıya görə öz təşəkkürünü bildirən qonaqlar ölkəmizdəki tolerantlıq mühitini yüksək qiymətləndiriblər.

Görüşdə həmçinin, əməkdaşlıq əlaqələrinin inkişaf perspektivlərinə dair fikir mübadiləsi aparılıb.

Ölkə.Az

ŞƏRH YAZ
0

İlham Əliyev Amerika Yəhudi Komitəsinin prezidentini qəbul edib — YENİLƏNİB

İlham Əliyev Amerika Yəhudi Komitəsinin prezidentini qəbul edib
20:00
25.02.2018
493
Siyasət
A
Prezident İlham Əliyev Amerika Yəhudi Komitəsinin prezidenti Con Şapironun başçılıq etdiyi nümayəndə heyətini qəbul edib.

Amerika Yəhudi Komitəsinin prezidenti Con Şapiro Azərbaycanda yəhudi icmasının nümayəndələri üçün çox yaxşı şəraitin yaradıldığını qeyd edərək, bunun digər ölkələrə də nümunə olduğunu vurğulayıb.

Amerika Yəhudi Komitəsinin nümayəndə heyəti ilə görüşlərin ənənəvi xarakter daşıdığını bildirən Prezident İlham Əliyev bu görüşlərin səmərəli olduğunu qeyd edib. Dövlətimizin başçısı ölkəmizdə digər xalqların və icmaların nümayəndələri kimi yəhudi icmasının nümayəndələrinin də azad və firavanlıq şəraitində yaşaması üçün hər cür şəraitin təmin edildiyini bildirib.

Prezident İlham Əliyev qeyd etdi ki, yəhudi icmasının nümayəndələri Azərbaycan cəmiyyətinin fəal üzvləridirlər, öz ənənələrinə sadiqdirlər və ölkəmizin inkişafı, eləcə də Azərbaycan həqiqətlərinin dünyada yayılması işinə öz töhfələrini verirlər. Dövlətimizin başçısı bu gün Azərbaycanda multikulturalizmin və tolerantlığın hökm sürdüyünü və bu mühitin ölkəmizdə yaşayış norması olduğunu vurğulayıb. 

Söhbət zamanı Azərbaycan-ABŞ və Azərbaycan-İsrail əlaqələrinin inkişafından razılıq ifadə olunub.

***

Azərbaycan prezidenti İlham Əliyev Amerika Yəhudi Komitəsinin prezidenti Con Şapironun başçılıq etdiyi nümayəndə heyətini qəbul edib.

"Ölkə.Az"ın məlumatına görə, bu barədə prezidentin rəsmi saytı məlumat verib

Ölkə.Az

ŞƏRH YAZ
0
BAĞLA