“Rəvan Sığorta” ilə müştərisi arasında — 43 MİN MANATLIQ MÜBAHİSƏ

“Rəvan Sığorta” ilə müştərisi arasında
17:08
18.04.2017
15
İqtisadiyyat
A
Yerli sığorta şirkəti ilə müştərisi arasında ödənişlə bağlı mübahisə yaranıb.

"Ölkə.Az" Fins.az-ın məlumatına istinadən xəbər verir ki, söhbət “Rəvan Sığorta” şirkəti ilə qəzaya uğrayan avtomobil sahibindən gedir. Ələt qəsəbə sakini Müşfiq Haşımov avtomobilinin qəzaya uğramasından 8 ay keçsə də, sığorta ödənişini ala bilmədiyini deyir. Sığorta şirkəti isə baş verən qəzaya görə zərərçəkən müştəriyə sığorta ödənişi düşmədiyini bildirir.

Velosipedçini vurmamaq üçün qəza törətdi

Şikayətçi M. Haşımov məsələ ilə bağlı fins.az-a müraciət edib. O bildirir ki, “NBC Lizinq” şirkətindən “Nissan Qashqai” avtomobili alıb və avtomobil “Rəvan Sığorta” şirkətində kasko sığorta olunub. Ötən il avqust ayının 11-də qəzaya düşüb. M. Haşımov Ələt qəsəbəsində dəmiryol xəttini keçərkən torpaq yoldan asfalt yola çıxan velosipedçini vurmamaq üçün avtomobili sola istiqamətləndirərək ötmə əməliyyatı ilə qəzadan yayınmağa çalışıb. Amma avtomobilin sürüşməsi sürücünün idarəetməni itirməsinə səbəb olub. Sürücü qarşı yola keçərək avtomobili yolun kənarında yol nişanına vurub. Bu zaman özünü itirən sürücü ayağını əyləc yerinə qaza basıb. Nəticədə avtomobil torpaq ərazidə bir neçə dəfə aşaraq tamamilə yararsız hala düşüb. Hadisə ilə bağlı sığorta şirkətinə dərhal məlumat verilib. Özü isə Salyan Rayon xəstəxanasında müayinə olunduqdan sonra evə buraxılıb.

“8 aydır ki, avtomobilə dəyən ziyan ödənilmir”

M. Haşımov bildirib ki, qəza nəticəsində ona 43 343 manat ziyan dəyib. Dəymiş zərəri məhkəmə də təsdiq edib. Problem isə ondan ibarətdir ki, 8 ay keçməsinə baxmayaraq zərərçəkən müştəri nəinki sığorta ödənişi, sığorta şirkətindən hər hansı cavab da ala bilməyib.

“Rəvan Sığorta” süründürməçiliklə məşğuldur”

Sığortalı vətəndaşın nümayəndəsi Qismət Əsədov fins.az-a bildirib ki, sığorta şirkəti süründürməçilik edərək ödənişdən yayınmağa çalışır. Burada sığorta məsələsi ilə bağlı aiddiyyatı dövlət qurumlarına, o cümlədən Maliyyə Bazarlarına Nəzarət Palatasına müraciət edilib: “Aidiyyatı qurumlar məsələ ilə bağlı tədbir görməzlərsə, “Rəvan Sığorta”nı məhkəməyə verəcəyik”.

“Rəvan Sığorta”: “Sığorta ödənişindən imtina üçün əlimizdə faktlar var”

“Rəvan Sığorta” şirkətindən müştərinin şikayəti ilə bağlı bildiriblər ki, qəza ilə bağlı sığorta ödənişinin verilməsindən imtina ediləcək. Bunun isə bir neçə əsas səbəbi var.

"Birincisi, M. Haşımov qəzadan sonra Salyan Rayon Xəstəxanasına aparılsa da, narkoloji testi təqdim edən orqan Hacıqabul Rayon Xəstəxanasıdır. Bundan əlavə, arayış oktyabr ayında təqdim edilsə də  avqust ayının 11-ə aid edilib. Məsələ ilə bağlı “Rəvan Sığorta” Səhiyyə Nazirliyinə sorğu verib və məlum olub ki, həmin tarixdə M. Haşımov narkoloji testdən keçməyib".

“Rəvan Sığorta” dan bildirilib ki, imtinaya digər səbəb üfüqi yol nişanının tələbinin pozulmasıdır. Belə ki, “Yol hərəkəti haqqında” qanuna əsasən dəmiryolu xəttinə 100 metr məsafədə ötmə əməliyyatı qadağandır:

“Avtomobillərin kasko sığortasına daxil olmayan təminatlar arasında üfüqi nişanlanma xəttlərinin tələbinin pozularaq qarşı zolağa keçilməsidir. Bununla bağlı DYP-nin Siqnal İdarəsinə sorğu vermişik. Sorğunun cavabından sonra vətəndaşa sığorta ödənişinin verilməsindən imtina ediləcək”.

Ölkə.Az

ŞƏRH YAZ
0

Azərbaycanda külək və günəş elektrik stansiyalarında istehsal kəskin azalıb

Azərbaycanda külək və günəş elektrik stansiyalarında istehsal kəskin azalıb
19:45
Bu gün
1249
İqtisadiyyat
A
Azərbaycanda günəş enerjisi ilə işləyən stansiyalar 2017-cı ilin yanvar-noyabr aylarında 38,3 mln. kVt/saat elektrik enerjisi istehsal edib.

"Ölkə.Az" "Report"- a istinadən xəbər verir ki, bu, ötən ilin eyni dövrü ilə müqayisədə 30,9% azdır.

Bu ilin ilk 11 ayı ərzində külək stansiyalarında istehsal 29,4% azalaraq 11,3 mln. kVt/saata enib. İstilik elektrik stansiyalarında istehsalın həcmi ötən ilin eyni dövrü ilə müqayisədə sabit qalaraq 18 009,8 mln. kVt/saat, su elektrik stansiyalarında isə 9,6% azalaraq 1 623,8 mln. kVt/saat təşkil edib. 

Qeyd edək ki, hesabat dövründə ölkədə cəmi elektrik enerjisi istehsalı 20 557,9 mln. kVt/saat olub və bu, ötən ilin eyni dövrü ilə müqayisədə 1,2% azdır.

Məlumat üçün bildirək ki, elektrik enerjisi, qaz və buxar istehsalı, bölüşdürülməsi və təchizatı sektorunda ilk 11 ay ərzində 1 563,1 mln. manat dəyərində məhsul istehsal olunub və xidmətlər göstərilib, əvvəlki ilin yanvar-noyabr ayları ilə müqayisədə 1,6%-lik azalma müşahidə olunub.

ŞƏRH YAZ
1

"Bitcoin" 18 min dolları ötdü

19:05
Bu gün
621
İqtisadiyyat
A
Qlobal bazarda "Bitcoin"in cari məzənnəsi 18 098 ABŞ dolları səviyyəsinə yüksələrək tarixi rekordunu yeniləyib.

"Ölkə.Az" "Report"- a istinadən xəbər verir ki, buna səbəb sabah digər ABŞ fond birjası - CME-də (Chicago Mercantile Exchange) bu kriptovalyuta ilə əməliyyatların başlanılması göstərilir.

CBOE-də (Chicago Board Options Exchange) isə "Bitcoin"in yanvar fyuçerslərinin qiyməti 18 600 dollara qədər yüklsəlib. Qeyd edək ki, dekabrın 10-da "Bitcoin"lə təşkilatlanmış və dövlət nəzarəti olan CBOE birjasında əməliyatlara başlanılıb.

Maliyyə bazarlarında davranış normalarına nəzarət İdarəsi (FCA) cari ilin əvvəlində kriptovalyuta bazarının riskli olduğunu söyləsə də, "Financial Times" qəzetinin yaydığı məlumata görə, dünənki açıqlamasında qurum kriptovalyuta bazarında ilkin emissiyanın (ICO) dərindən öyrənəcəyini və təhlil edəcəyini bildirib.

FCA qeyd edib ki, bazarın təhlli, ona bir sıra tənzimləmə alətlərinin tətbiqinə kömək edəcək.

Xatırladaq ki, ilin əvvəlindən 3,7 mlrd. dollar dəyərində 234 ICO həyata keçirilib. Hazırda bazarda 1 360 valyutanın ümumi kapitallaşması 544,5 mlrd. dollar təşkil edir.

ŞƏRH YAZ
0
BAĞLA