İrəvan teatrında direktorun yeni hədəfi — BAŞ REJİSSOR

İrəvan teatrında direktorun yeni hədəfi
10:35
26.01.2018
9128
Mədəniyyət
A
İrəvan Dövlət Azərbaycan Dram Teatrında direktor İftixar Piriyevlə yeni təyin edilmiş baş rejissor, əməkdar artist Sərvər Əliyev arasında "soyuq müharibə" başlayıb.

"Ölkə.Az"ın teatrdakı mənbədən əldə etdiyi məlumata görə, İftixar Piriyev özünə yaxın aktyorları baş rejissor Sərvər Əliyevlə üz-üzə qoymaqla, ona müxtəlif yollarla təzyiq göstərməyə çalışır. 

Bildirilir ki, S.Əliyevin Piriyevə yaxın olmayan aktyorlarla yaxşı münasibəti, qurduğu tamaşada onlara rol verməsi direktoru narazı salıb.

Ancaq o, bunu açıq şəkildə büruzə vermir. Əvəzində özünə yaxın aktyorlara (onların sayı təxminən 3-4 nəfərdir-İ.V.) S.Əliyevin tapşırıqlarına tabe olmamaq göstərişi verilib.

Mənbə qeyd edir ki, tanınmış aktyor Əjdər Zeynalova məhkəmədə məğlub olan İ.Piriyev bunu həzm edə bilmir. Ona görə də, Ə.Zeynalovun münasibətinin yaxşı olduğu hər kəsi sıxışdırmağa çalışır.

Mövzunu diqqətd saxlayacağıq.

İntiqam VALEHOĞLU
Ölkə.Az

ŞƏRH YAZ
1

Naxçıvanda görkəmli rəssam İbrahim Səfiyevin yubileyi keçiriləcək

Naxçıvanda görkəmli rəssam İbrahim Səfiyevin yubileyi keçiriləcək
23:28
17.10.2018
332
Mədəniyyət
A
Naxçıvan Muxtar Respublikası Ali Məclisinin sədri Vasif Talıbov görkəmli rəssam İbrahim Səfiyevin yubileyinin keçirilməsi haqqında sərəncam imzalayıb.

"Ölkə.Az" report-a istinadla xəbər verir ki, sərəncama əsasən İ.Səfiyevin Azərbaycan və Türkiyədə rəssamlıq sənətinin inkişafındakı xidmətlərini nəzərə alaraq, görkəmli rəssam İbrahim Səfiyevin 120 illik yubileyi Naxçıvan Muxtar Respublikasında qeyd olunacaq.

Sərəncamla “Görkəmli rəssam İbrahim Səfiyevin 120 illik yubileyinin keçirilməsi ilə əlaqədar Tədbirlər Planı” təsdiq olunub.

Ölkə.Az

ŞƏRH YAZ
0

Tbilisidə sərgidə “Qarabağda itirilmişlər” kompozisiyası təqdim olunub

Tbilisidə sərgidə “Qarabağda itirilmişlər” kompozisiyası təqdim olunub
20:56
17.10.2018
362
Mədəniyyət
A
Tbilisinin “Erti” qalereyasında “Sabah dünən olacaq” (“Tomorrow will be yesterday”) adlı sərgi açılıb.

"Ölkə.Az" report-a stinadən xəbər verir ki, sərgidə Gürcüstan, Azərbaycan, Ermənistan, Rusiya və Dağıstandan olan rəssam və fotoqrafların əsərləri təqdim olunub.

Fərqli və maraqlı ekspozisiyanın mövzusu tarix, regionda mövcud geosiyasi vəziyyət və münaqişələrə həsr olunub.

Sərgidə azərbaycanlı fotoqraf Sitarə İbrahimovanın müəllifi olduğu fotoşəkillərdən ibarət “Qarabağda itirilmişlər” (“Lost in Karabakh”) adlı kompozisiya təqdim olunub.

Səkkiz fotoşəkilin yer aldığı kompozisiya Qarabağ münaqişəsinə cəlb olunmuş insanların maddi dünyasını əks etdirir.

Fotoşəkillərdə münaqişə zamanı itkin düşmüş insanların şəxsi əşyaları mavi fonda əlavə estetizasiyasız nümayiş etdirilir. Kompozisiyanın əsas mənası ondan ibarətdir ki, fotoşəkillərdə əks olunan əşyalar sahiblərinə daha heç vaxt xidmət etməyəcək.

Təqdim olunmuş kompozisiyalardan ən çox diqqət çəkəni dağıstanlı rəssam Taus Maxaçevanın “Peyzaj” adlı layihəsidir. Kompozisiya taxtadan təbii ölçüdə hazırlanmış və Qafqazda yaşayan müxtəlif xalqlara aid 40 insan burnundan ibarətdir. Rəssam layihəsi ilə Qafqaz xalqları arasında dərin tarixi əlaqələrin olduğunu göstərir.

Sərgi dekabrın 5-nə qədər davam edəcək.

Ölkə.Az

ŞƏRH YAZ
0
BAĞLA