Rezidentlərin yekun attestasiyasının vaxtı açıqlandı

Rezidentlərin yekun attestasiyasının vaxtı açıqlandı
11:35
13.10.2017
58
Ölkə
A
Rezidentlərin yekun attestasiyası Səhiyyə Nazirliyinin əmri ilə təsdiq edilmiş Attestasiya Komissiyası tərəfindən aparılacaq.

 Səhiyyə Nazirliyindən "Ölkə.Az"a verilən məlumata görə, Naxçıvan Dövlət Universitetinin rezidentlərinin yekun attestasiyası həmin universitetdə, digər klinik bazaların rezidentlərinin yekun attestasiyası Azərbaycan Tibb Universitetində keçiriləcək.
 
Yekun attestasiya iki mərhələdə (test və praktiki) aparılacaq.
 
Yekun attestasiyanın istənilən mərhələsində iştirak etmək üçün rezidentlər mütləq şəxsiyyət vəsiqələrini təqdim etməlidirlər.
 
Yekun attestasiyanın test mərhələsi oktyabrın 25-də Azərbaycan Tibb Universitetinin Virtual Test Mərkəzində (VTM) keçiriləcək. İmtahan rezidenturada təhsil müddəti iki və üç il olan ixtisasların məzunları üçün saat 12.00-da, təhsil müddəti dörd və beş il olan ixtisasların məzunları üçün saat 13:00-da başlayacaq. Oktyabrın 14-dən rezidentlər şəxsiyyət vəsiqələrini təqdim etməklə VTM-də istifadəçi şifrəsini əldə edə bilərlər. 23-24 oktyabr tarixlərində saat 14:00-da VTM-də yekun attestasiyanın test mərhələsi ilə əlaqədar rezidentlər üçün treninq keçiriləcək.
 
Yekun attestasiyanın praktiki mərhələsi 27-30 oktyabr tarixlərində saat 09.00-da baş tutacaq. Rezidentlərin göstərilən günlərdə saat 08.45-də şəxsiyyət vəsiqələri ilə ixtisas üzrə yekun attestasiyanın keçirildiyi müəssisədə olmaları tələb olunur. Rezidentlərin yekun attestasiyanın praktiki mərhələsində iştirakının qrafiki aşağıda verilib:

27 oktyabr 2017-ci il, saat 9:00
Psixiatriya
Narkologiya
Bakı şəhəri 2 nömrəli Psixiatriya Xəstəxanası

Ümumi cərrahiyyə
Azərbaycan Tibb Universitetinin Tədris Cərrahiyyə  Klinikası,   X mərtəbə

Neyrocərrahiyyə
Azərbaycan Tibb Universitetinin Tədris  Cərrahiyyə  Klinikası,  IX mərtəbə

Plastik cərrahiyyə
Azərbaycan Tibb Universitetinin Tədris  Cərrahiyyə  Klinikası, VIII mərtəbə

Urologiya
Azərbaycan Tibb Universitetinin Tədris  Cərrahiyyə  Klinikası,  XII mərtəbə   

Nefrologiya
Azərbaycan Tibb Universitetinin  Tədris  Terapiya  Klinikası, IV mərtəbə

Revmatologiya
Azərbaycan Tibb Universitetinin  Tədris  Terapiya  Klinikası,  XI  mərtəbə

İmmunologiya
 Azərbaycan Tibb Universitetinin 5  nömrəli tədris binası, I mərtəbə

Ftiziatriya
 Elmi-Tədqiqat  Ağçiyər Xəstəlikləri  İnstitutu (Azərbaycan Tibb Universitetinin  Ftiziatriya  kafedrası)

Gigiyena
 Azərbaycan Tibb Universitetinin 1 nömrəli tədris binası,  IV mərtəbə

Mikrobiologiya
 Azərbaycan Tibb Universitetinin 4 nömrəli  tədris binası,  III mərtəbə

Laboratoriya işi
 Azərbaycan Tibb Universitetinin 4 nömrəli tədris binası  Biokimyəvi  laboratoriya

Genetika
 Azərbaycan Tibb Universitetinin 4 nömrəli tədris binası,   III mərtəbə

Epidemiologiya
 Azərbaycan Tibb Universitetinin 5 nömrəli  tədris binası,  VII mərtəbə

Anesteziologiya-reanimatologiya
Azərbaycan Tibb Universitetinin Tədris  Terapiya  Klinikası,  IV  mərtəbə

Oftalmologiya
 Azərbaycan Tibb Universitetinin Tədris  Cərrahiyyə  Klinikası,  VI mərtəbə

Allerqologiya
 Azərbaycan Tibb Universitetinin Tədris  Terapevtik  Klinikası,  I mərtəbə

Yoluxucu xəstəliklər
 Azərbaycan Tibb Universitetinin Tədris Terapiya  Klinikası, I mərtəbə

Patoloji anatomiya, məhkəmə-tibbi ekspertiza
Məhkəmə  Tibbi  Ekspertiza  və  Patoloji  Anatomiya  Birliyi

Şüa terapiyası
Azərbaycan Tibb Universitetinin Tədris  Terapiya  Klinikası,  II  mərtəbə

Stomatologiya
 Azərbaycan Tibb Universitetinin Stomatoloji Klinikasının Tədris  mərkəzi

Sosial gigiyena və səhiyyənin təşkili
Azərbaycan Tibb Universitetinin 5 nömrəli tədris binası,  IV  mərtəbə
 
30 oktyabr 2017-ci il, saat 9:00

Ürək-damar cərrahiyyəsi
Azərbaycan Tibb Universitetinin Tədris  Cərrahiyyə  Klinikası,  X mərtəbə

Uşaq cərrahiyyəsi
Azərbaycan Tibb Universitetinin Tədris Cərrahiyyə  Klinikası, IV  mərtəbə

Travmatologiya-ortopediya
Azərbaycan Tibb UniversitetininTədris  Cərrahiyyə  Klinikası,  IX mərtəbə

Onkologiya
Azərbaycan Tibb Universitetinin Onkologiya Klinikası

Mamalıq-ginekologiya
Azərbaycan Tibb Universitetinin Tədris Cərrahiyyə  Klinikası, VI mərtəbə

Fizioterapiya və tibbi bərpa
Azərbaycan Tibb Universitetinin Tədris  Terapiya  Klinikası,  VII mərtəbə

Üz-çənə cərrahiyyəsi
Azərbaycan Tibb Universitetinin Tədris Cərrahiyyə  Klinikası,  VIII mərtəbə
Otorinolarinqologiya
 Azərbaycan Tibb Universitetinin Tədris Cərrahiyyə  Klinikası, VIII mərtəbə

Nevrologiya
 Azərbaycan Tibb Universitetinin Tədris Terapiya   Klinikası,  VII mərtəbə

Terapiya
 Azərbaycan Tibb Universitetinin Tədris Terapiya  Klinikası, VIII mərtəbə

Kardiologiya
 Azərbaycan Tibb Universitetinin Tədris Terapiya  Klinikasının Kardiologiya  şöbəsi,  I mərtəbə

Ftiziatriya
 Elmi-Tədqiqat  Ağciyər Xəstəlikləri  İnstitutu (Azərbaycan Tibb Universitetinin  Ftiziatriya  kafedrası)

Qastroenterologiya
 Azərbaycan Tibb Universitetinin Tədris Terapiya  Klinikası, XI mərtəbə

Hematologiya
 Azərbaycan Tibb Universitetinin Tədris Terapiya  Klinikasının Hematologiya   şöbəsi, XIII mərtəbə

Dermatovenerologiya
Azərbaycan Tibb Universitetinin Tədris Terapiya  Klinikası, I mərtəbə

Endokrinologiya
 Azərbaycan Tibb Universitetinin Tədris Terapiya  Klinikası,  IX mərtəbə

Pediatriya
 Azərbaycan Tibb Universitetinin Tədris Terapiya  Klinikası,  V mərtəbə

Şüa diaqnostikası
 Azərbaycan Tibb Universitetinin Tədris Terapiya  Klinikası,  II mərtəbə

ŞƏRH YAZ
0

Azərbaycanda qış turizminə maraq artır — QİYMƏTLƏR

Azərbaycanda qış turizminə maraq artır
21:22
Bu gün
2238
Ölkə
A
Havalar soyuduqca qış turizm mərkəzlərinə təlabat artır. Artıq bir çox turizm mərkəzlərində hazırlıqlara başlanılıb.

Ölkə.Az-ın Xəzər TV-yə istinadən məlumatına görə, daha çox qış turizm mənbəyi hesab edilən Quba-Qusar və Qəbələdəki otellərdə bütün hazırlıqlar görülüb.

Həmçinin Qəbələdəki otellərdə bu il turist cəlbi üçün bəzi yeniliklər də olacaq. Qiymətlərə gəlincə isə, bu il artım çox olmayacaq.

Qəbələdən fərqli olaraq Quba və Qusardakı otellərdə mövsüm sabahdan start götürəcək və burdakı qiymətlər keçən illə müqayisədə 20-30 faiz artıb. Cənub zonasına da gələn turistlərin sayı kifayət qədərdir. Bu otellərdə bir gecə üçün gecələmək minimum 20 manatdan başlayır.

Hotel nümayəndələrinin sözlərinə görə, bura müraciət edən xarici turistlər daha çox milli mətbəxə üstünlük verir. Rezervasiyalar isə əsasən onlayn şəkildə internet üzərindən aparılır.

 

ŞƏRH YAZ
0

Bir mənzilin bir neçə nəfərə satılmasının qarşısı bu yolla alınacaq

Bir mənzilin bir neçə nəfərə satılmasının qarşısı bu yolla alınacaq
20:55
Bu gün
1666
Ölkə
A
Bu gün Milli Məclisin plenar iclasında "Azərbaycan Respublikasının Mülki Məcəlləsində dəyişiklik edilməsi haqqında" qanun layihəsi müzakirəyə çıxarılıb.

Ölkə.Az APA-ya istinadən xəbər verir ki, Milli Məclisin Hüquq siyasəti və dövlət quruculuğu komitəsinin sədri Əli Hüseynli qanun layihəsi barədə məlumat verib.

Mənzil satışı zamanı bir çox problemlərin yarandığını deyən Ə.Hüseynli bu qanuna dəyişiklik bu problemlərin həllini nəzərdə tutur.

Qanun layihəsinə əsasən Azərbaycanda tikintisi başa çatmayan binaların tərkib hissələrinin (mənzillərin) alqı-satqısı, həmin binalarda mənzil əldə edən şəxslərin mülkiyyət hüquqlarının qeydiyyatı ilə bağlı çoxlu çatışmazlıqlar, o cümlədən mənzillərin eyni zamanda bir neçə şəxsə satılması kimi sui-istifadə hallarının aradan qaldırılması üçün tam yeni bir mexanizm yaradılacaq.

Layihə daşınmaz əmlaka sərəncam verilməsi və daşınmaz əmlakın dövlət reyestrinin aparılması sahəsində fəaliyyətin təkmilləşdirilməsi, notariusla daşınmaz əmlakın dövlət reyestri arasında əlaqələrin elektron informasiya sistemləri vasitəsilə daha çevik qurulması, eləcə də tikilməkdə olan (tikintisi başa çatmayan) binaların tərkib hissələrinin (mənzillərin) alqı-satqısı prosesinin tənzimlənməsi məqsədi ilə hazırlanıb.

Layihəyə əsasən yeni mexanizmin əsas hissəsi mənzillərin vətəndaşlara satılmasına qədər olan prosedurlardan ibarətdir.

Layihədə Mülki Məcəllənin 144-cü (Daşınmaz əmlakın dövlət reyestri obyektlərinə dair sərəncam verilməsi haqqında müqavilələrin notariat qaydasında təsdiqlənməsi) maddəsinin 144.2-1-ci bəndi yeni redaksiyada verilir. Bəndə əsasən, sərəncam verən tərəfin sərəncam hüququnun və öhdəliklərinin, eləcə də əmlakın mövcud yüklülüyünün daşınmaz əmlakın dövlət reyestrində yoxlanılması məqsədilə "Notariat haqqında" qanuna uyğun olaraq notariuslarla daşınmaz əmlakın dövlət reyestri arasında məlumat və sənəd mübadiləsi imkanı, o cümlədən notariusların daşınmaz əmlakın dövlət reyestrinə elektron qaydada birbaşa çıxışı təmin edilməlidir.

144.3-cü bəndə görə notarius daşınmaz əmlak üzərində sərəncam verilməsinə dair müqaviləni təsdiqlədikdən dərhal sonra onu elektron formada informasiya sistemləri vasitəsilə və təsdiqlənmiş yazılı formada sifarişli poçt göndərişi vasitəsilə daşınmaz əmlakın dövlət reyestrinə göndərməlidir. Belə müqavilə ondan irəli gələn mülkiyyət və digər əşya hüquqlarının daşınmaz əmlakın dövlət reyestrində qeydiyyatının aparılmasına dair ərizə hesab olunur və həmin müqavilə əsasında müvafiq hüquqlar dövlət qeydiyyatına alınır.

Mülki Məcəllənin 144.5-cü bəndi də yeni redaksiyada verilir. Belə ki, daşınmaz əmlaka mülkiyyət hüququ əmlakın fiziki cəhətdən bölünməsini nəzərdə tutmayan, lakin yaranacaq ümumi paylı mülkiyyətdə payların nisbətini faizlə müəyyənləşdirən bölünmə planı əsasında bölünə bilər. Mülkiyyətçi tərəfindən tərtib edilən belə bölünmə planı müvafiq icra hakimiyyəti orqanının müəyyən etdiyi qaydada təsdiq edildikdən sonra mülkiyyətçinin bölünmə nəticəsində yaranan payların hər birinə mülkiyyət hüququ daşınmaz əmlakın dövlət reyestrində qeydə alınır.

Sənəddə qeyd olunub ki, Azərbaycanda tikintisi başa çatmayan binadan mənzil alan alıcının üzərinə mənzilin alış qiymətini tikinti başa çatmazdan əvvəl tam şəkildə ödəmək öhdəliyi qoyula bilməyəcək.

Layihəyə əsasən, bu zaman ödəmələr müqavilələrdə ayrı mərhələ və hissələr nəzərdə tutulmayıbsa, bu Məcəlləyə əlavə edilmiş 770-1-ci maddədə nəzərdə tutulmuş şərtlər nəzərə alınmaqla və tikintinin mərhələləri üzrə hissələrlə həyata keçirilməlidir. Başqa sözlə, layihənin 770-1-ci maddəsinə əsasən, tikintisi başa çatmayan binanın yerləşdiyi torpaq sahəsində tərkib hissələrin bağlı olduğu payların özgəninkiləşdirilməsi zamanı yaranan podrat münasibətlərində alış qiymətinin (muzdun) ödənilməsi yalnız aşağıdakı şərtlər mövcud olduqda tələb edilə bilər:

- 770-1.1.1. Bu Məcəllənin 144-1.4-cü (Bölünmə planına əsasən, mülkiyyətindəki torpaq sahəsində yaranan paylara və tikintisi başa çatmayan binanın həmin paylara bağlı olan tərkib hissələrinə sərəncam verilməsi haqqında müqavilələr notariat qaydasında təsdiqlənməli və tərkib hissələri əldə edən şəxslərin xeyrinə bu məcəllənin 147-ci (Torpaq sahəsinə bağlı təminat qeydi) maddəsinə uyğun olaraq təminat qeydi aparılmalıdır) maddəsində nəzərdə tutulan müqavilə notarial qaydada təsdiq edilibsə;

- 770-1.1.2. Daşınmaz əmlakın dövlət reyestrində binanın yerləşdiyi torpaq sahəsində tərkib hissələrin bağlı olduğu paylar barədə əldə edənin xeyrinə təminat qeydi aparılıbsa;

- 770-1.2. Bu məcəllədə müəyyən edilən şərtlər tikintisi başa çatmayan binanın yerləşdiyi torpaq sahəsində tərkib hissələrin bağlı olduğu paylar üzərində mülkiyyət hüququnun keçməsi barədə satıcı qismində çıxış edən podratçının öhdəlik götürdüyü hallara da şamil edilir;

- 770-1.3. Müqavilələrdə ayrı mərhələ və hissələr nəzərdə tutulmayıbsa, alış qiymətinin (muzdun) ödənilməsi tikintinin mərhələləri üzrə hissələrlə göstərilən faizlərdən çox olmamaq şərti ilə aparıla bilər;

- 770-1.3.1. torpaq-qazma işlərinin başlanılmasından sonra-müqavilə məbləğinin 30 faizi;

- 770-1.3.2. tikilinin yan və daxili divarları, dam örtüyü hazır olduqdan sonra-müqavilə məbləğinin 10 faizi;

- 770-1.3.3. dam səthlərinin və navalçalarının (novların) qurulması işləri başa çatdıqdan sonra-müqavilə məbləğinin 8 faizi;

- 770-1.3.4. istilik təchizatı sistemlərinin quraşdırılması başa çatdıqdan sonra-müqavilə məbləğinin 3 faizi;

- 770-1.3.5. su xətlərinin çəkilməsi başa çatdıqdan sonra-müqavilə məbləğinin 3 faizi;

- 770-1.3.6. elektrik xətlərinin çəkilməsi başa çatdıqdan sonra-mqavilə məbləğinin 3 faizi;

- 770-1.3.7. pəncələrin quraşdırılması (şüşələrin taxılması da daxil olmaqla) başa çatdıqdan sonra-müqavilə məbləğinin 10 faizi;

- 770-1.3.8. daxili suvaq işləri başa çatdıqdan sonra-müqavilə məbləğinin 6 faizi;

- 770-1.3.9. birdən artıq tərkib hissəsi olan binada birdən artıq tərkib hissəyə xidmət edən sahələrin döşəmələri hazır olduqdan sonra-müqavilə məbləğinin 3 faizi;

- 770-1.3.10. fasad işləri başa çatdıqdan sonra-müqavilə məbləğinin 10 faizi;

- 770-1.3.11 su anbarı da daxil olmaqla, binaya xidmət edən və binadan ayrıca inşa edilən obyektlərin tikintisi başa çatdıqdan sonra-müqavilə məbləğinin 9 faizi;

- 770-1.3.12. bina tam hazır olduqdan və onun istismarına icazə verildikdən sonra-müqavilə məbləğinin 5 faizi;

- 770-1.4. Tikintisi başa çatmayan binanın yerləşdiyi torpaq sahəsində tərkib hissələrin bağlı olduğu payların alqı-satqı müqavilələrinə bu məcəllənin daşınmaz əşyaların alqı-satqısı haqqında müddəaları müvafiq surətdə tətbiq edilir.

Layihə səsə qoyularaq qəbul edilib.

ŞƏRH YAZ
0
BAĞLA