“Rixos Quba” yay mövsümünü Rusiyanın məşhur "Serebro" qrupu ilə açdı — FOTOLAR

“Rixos Quba” yay mövsümünü Rusiyanın məşhur
15:15
19.06.2017
1243
Ölkə
A
17 iyun tarixində Rixos Quba Azerbaijan otelinin “Şimal” ziyafət zalında məşhur "Serebro" qrupunun iştirakı ilə yay mövsümün təntənəli açılış mərasimi keçirilib.

"Ölkə.Az" xəbər verir ki, sevilən qrup otelin qonaqları qarşısında ən qaynar hitləri, yeni mahnıları və mötəşəm şou proqramla çıxış ediblər. 

Tədbir xüsusi əyləncə proqramı əsasında təşkil olunub. Mövsüm açılışında maraqlı müsabiqələr, uşaqlar üçün animatorların çıxışı, səhərədək davam edən DJ musiqisi qonaqların böyük marağına səbəb olub. 

Qonaqlar arasında mehmanxanada istirahət edən yerli qonaqlar, eləcə də Rusiya, Ukrayna, İran, Gürcüstan, İsrail və digər ölkələrdən konsertə gələn turistlər, xüsusi olaraq konsertə dəvət edilmiş media nümayəndələri də var idi. Media nümayəndələri açılış mərasimində iştirakdan əlavə, Rixos Quba Azerbaijan otelinin xidmətləri, eləcə də otelin Qolf Klubu ilə tanış olublar.

Nəzərinizə çatdıraq ki, Rixos Quba Azerbaijan, 2013-cü ildə inşa edilmişdir, sahəsi 95 hektardır.  Otelin ərazisində dağ, meşə və göl mənzərəli 212 otaq, suit və villa, o cümlədən, 18 dəlikli peşəkar qolf meydançası, SPA mərkəzi, boulinq klub, kinoteatr, restoran, gecə klubu, əyləncə parkı mövcuddur.  

Rixos Quba Azerbaijan otelinin qonaqları Azərbaycan, türk və dünya mətbəxinin ləziz yeməklərindən, eksklüziv içki və şərablarından zövq ala bilərlər. Otel konfrans, biznes tədbirləri, eləcə də toy və digər ziyafətlərin keçirilməsi üçün ideal məkandır. Regionun ən böyük konfrans zallarından biri məhz burada yerləşir.

Özündə rahatlıq və müasir dizaynı əks etdirən Rixos Quba Azerbaijan 5 ulduz istirahət və möhtəşəm lüks tətil üçün ideal seçimdir. 

Ölkə.Az

ŞƏRH YAZ
0

Mərhum naziri hazırda o əvəz edir

Mərhum naziri hazırda o əvəz edir
19:53
Bu gün
342
Ölkə
A
Xəbər verdiyimiz kimi, Müdafiə sənayesi naziri Yavər Camalov dünən vəfat edib. 69 yaşlı Y. Camalov uzun müddət ağır xəstəlikdən əziyyət çəkib və günorta saatlarında Bakıda evində səhhəti qəfil pisləşib və dünyasını dəyişib.

“Ölkə.Az”ın Unikal.org-a istinadən verdiyi məlumata görə, Y. Camalovu nazirin müavini Yəhya  Musayev əvəz edir.

Qeyd edək ki,  Y. Musayev Azərbaycan Prezidentinin 15 dekabr 2006-cı il tarixli Sərəncamı ilə müdafiə sənayesi nazirinin müavini təyin edilib.

Ölkə.Az

ŞƏRH YAZ
0

“Türk Ulduzları” aviasiya qrupu ölkəmizə gəlib — FOTO

“Türk Ulduzları” aviasiya qrupu ölkəmizə gəlib
16:15
Bu gün
2575
Ölkə
A
Azərbaycan Ordusunun 100 illiyi ilə əlaqədar keçiriləcək bayram tədbirlərində iştirak etmək məqsədilə Türkiyə Hərbi Hava Qüvvələrinin “Türk Ulduzları” aviasiya qrupuna daxil olan 8 ədəd F-5 tipli təyyarələri ölkəmizə gəlib.

"Ölkə.Az" Report-a istinadən xəbər verir ki, iyunun 26-da hərbi paraddan sonra saat 12.30-da “Solo Türk” və “Türk Ulduzları” aviaqrupuna daxil olan 2 ədəd F-16 və 8 ədəd F-5 tipli təyyarələrin Bakı buxtası üzərində nümunəvi uçuşları keçiriləcək.

Ölkə.Az

ŞƏRH YAZ
0
BAĞLA