“Rixos Quba” yay mövsümünü Rusiyanın məşhur "Serebro" qrupu ilə açdı — FOTOLAR

“Rixos Quba” yay mövsümünü Rusiyanın məşhur
15:15
19.06.2017
350
Ölkə
A
17 iyun tarixində Rixos Quba Azerbaijan otelinin “Şimal” ziyafət zalında məşhur "Serebro" qrupunun iştirakı ilə yay mövsümün təntənəli açılış mərasimi keçirilib.

"Ölkə.Az" xəbər verir ki, sevilən qrup otelin qonaqları qarşısında ən qaynar hitləri, yeni mahnıları və mötəşəm şou proqramla çıxış ediblər. 

Tədbir xüsusi əyləncə proqramı əsasında təşkil olunub. Mövsüm açılışında maraqlı müsabiqələr, uşaqlar üçün animatorların çıxışı, səhərədək davam edən DJ musiqisi qonaqların böyük marağına səbəb olub. 

Qonaqlar arasında mehmanxanada istirahət edən yerli qonaqlar, eləcə də Rusiya, Ukrayna, İran, Gürcüstan, İsrail və digər ölkələrdən konsertə gələn turistlər, xüsusi olaraq konsertə dəvət edilmiş media nümayəndələri də var idi. Media nümayəndələri açılış mərasimində iştirakdan əlavə, Rixos Quba Azerbaijan otelinin xidmətləri, eləcə də otelin Qolf Klubu ilə tanış olublar.

Nəzərinizə çatdıraq ki, Rixos Quba Azerbaijan, 2013-cü ildə inşa edilmişdir, sahəsi 95 hektardır.  Otelin ərazisində dağ, meşə və göl mənzərəli 212 otaq, suit və villa, o cümlədən, 18 dəlikli peşəkar qolf meydançası, SPA mərkəzi, boulinq klub, kinoteatr, restoran, gecə klubu, əyləncə parkı mövcuddur.  

Rixos Quba Azerbaijan otelinin qonaqları Azərbaycan, türk və dünya mətbəxinin ləziz yeməklərindən, eksklüziv içki və şərablarından zövq ala bilərlər. Otel konfrans, biznes tədbirləri, eləcə də toy və digər ziyafətlərin keçirilməsi üçün ideal məkandır. Regionun ən böyük konfrans zallarından biri məhz burada yerləşir.

Özündə rahatlıq və müasir dizaynı əks etdirən Rixos Quba Azerbaijan 5 ulduz istirahət və möhtəşəm lüks tətil üçün ideal seçimdir. 

Ölkə.Az

ŞƏRH YAZ
0

Cəbhədə silahlar susmur

Cəbhədə silahlar susmur
09:35
Bu gün
259
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 112 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonu ərazisindəki adsız yüksəkliklərdə, İcevan rayonunun Paravakar kəndində və adsız yüksəkliklərdə yerləşən mövqelərdən Ağstafa rayonunun Köhnəqışlaq, Qazax rayonunun Kəmərli, Qaymaqlı, Cəfərli, Bala Cəfərli kəndlərində və adsız yüksəkliklərdə, Berd rayonunun Mosesqex, Çinari, Ayqedzor kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Ağdam, Koxanəbi, Muncuqlu, Qaralar kəndlərində və adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Çiləbürt, Ağdam rayonunun Şuraabad, Tağıbəyli, Şıxlar, Baş Qərvənd, Cəvahirli, Abdinli, Sarıcalı, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Aşağı Seyidəhmədli, Qorqan, Kürdlər, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

ŞƏRH YAZ
0

Azərbaycanda vəkillik vəsiqələri ilə bağlı — YENİLİK

Azərbaycanda vəkillik vəsiqələri ilə bağlı
09:30
Bu gün
254
Ölkə
A
Vəkillər Kollegiyasının Rəyasət Heyətinin növbəti iclası keçirilib.

Kollegiyadan “Ölkə.Az”a daxil olan məlumata görə, iclasda Vəkillər Kollegiyasının sədri Anar Bağırov Rəyasət Heyətinin cari fəaliyyəti barədə məlumat verərək 28.01.2018-ci il tarixdə vəkilliyə qəbul üzrə keçiriləcək imtahan hazırlıq işləri barədə məlumat verib.

İclasda həmçinin “Vəkil vəsiqəsi”nin yeni nümunəsinin təsdiqi məsələsi müzakirə olunub və qərara alınıb ki, artıq vəkillərə verilən vəsiqələr 3 il müddətinə deyil, qeyri-müəyyən müddətə - vəkilin səlahiyyəti müddətinə verilsin.

Eyni zamanda iclas ərzində fərdi qaydada fəaliyyət göstərmək istəyən vəkillərin müraciətlərinə, vəkillərin mükafatlandırılması məsələlərinə, habelə Vəkillərin İntizam Komissiyasının rəylərinə baxılaraq müvafiq qərarlar qəbul olunub.

Vəkillər Kollegiyasının Rəyasət Heyəti eyni zamanda bəzi məsələləri Vəkillər Kollegiyasının üzvlərinin diqqətinə çatdırıb.

Qeyd edilib ki, məlum olduğu kimi Vəkillər Kollegiyasının 13.01.2018-ci il tarixli iclasında aşağıdakı iki məsələ qaldırılıb və bununla bağlı Ədliyyə Nazirliyinin Qeydiyyat və notariat baş idarəsinə müraciət ünvanlanması ilə bağlı qərar qəbul olunmuşdu. “Qeyd olunan problemlərin həlli ilə bağlı Vəkillər Kollegiyasının rəhbərliyi ilə Qeydiyyat və notariat baş idarəsi arasında əldə olunub.

Belə ki, notariat qurumlarında vəkillərin səlahiyyətlərinin müəyyən edilməsi üçün müvəkkillər tərəfindən vəkillərə verilən etibarnamələrin təsdiqilə bağlı, qanunvericilikdəki boşluqlar səbəbindən, anlaşılmazlıqlar yaranırdı. Bu, əsasən onunla bağlı idi ki, bir sıra hallarda vəkillər notariat orqanlarına qeyd edilən məsələ ilə əlaqədar müraciət edərkən, onların üzərində bu və ya digər səbəbdən vəkilin səlahiyyətlərini təsdiq edən vəsiqələr olmurdu. Belə olan halda, notariat orqanları qeyd edilən hüquqi hərəkətin icrasını həyata keçirə bilmirdilər.

Rəyasət Heyətinin qərarına əsasən, vəkillərin cari reyestr məlumatları elektron-notariat sisteminə əlavə olunması üçün Ədliyyə Nazirliyinin Qeydiyyat və notariat baş idarəsinə təqdim olunub. Növbəti günlərdən etibarən artıq üzərində vəkil vəsiqəsi olmayan və ya vəsiqəsinin müddəti keçmiş vəkillər öz şəxsiyyət vəsiqələrini notariat orqanlarına təqdim etməklə müvafiq əməliyyatlar apara biləcəklər.

Məlumdur ki, vəkillər öz müvəkkillərinə hüquqi yardım göstərmək üçün onlarla müqavilə bağlayıb order alırlar. Məsləhətxanada vəkillərə verilən orderlər müdirin möhürü və imzası ilə təsdiqlənir, fərdi vəkillər isə orderləri özləri təsdiqləyirlər. Məlumdur ki, hər bir order unikal reyestr nömrəsi olan sənəddir. Təcrübədə məhkəmə təmsilçiliyi ilə bağlı orderin əsli məhkəmələrə təqdim olunur. Sonradan məhkəmədə baxılan iş ilə bağlı vəkillər sübutların toplanılması məqsədilə notariat orqanlarına sorğu verilməsi və ya təmsilçilik üzrə etibarnamənin alınması üçün həmin orderlərin surətini ya məsləhətxana müdirlərinə təsdiqlətdirir və ya fərdi vəkildirsə, özü təsdiqləyib, notariusa təqdim edir. Lakin bu günədək notariuslar həmin orderlərin təsdiq olunmuş surətlərini “müəyyən edilmiş qaydada təsdiq olunmadığı” üçün (Qeyd: MPM-nin 73.5-ci maddəsi) qəbul etmirdilər.

Ədliyyə Nazirliyinin Qeydiyyat və notariat baş idarəsi ilə əldə olunmuş razılığa əsasən, bundan sonra vəkil qurumlarının müdirləri və ya fərdi qaydada fəaliyyət göstərən vəkillərin özləri tərəfindən təsdiq edilmiş orderlərin surətiləri notariat orqanları tərəfindən qəbul olunacaq və hər hansı əlavə notarial təsdiqə ehtiyac olmayacaq. Ədliyyə Nazirliyinin Qeydiyyat və notariat baş idarəsindən verilən məlumata görə bu barədə tapşırıq ölkə üzrə bütün notariat orqanlarına ən yaxın günlərdə göndəriləcək”, - deyə, Kollegiyanın məlumatında bildirilib.

ŞƏRH YAZ
0
BAĞLA