Robert Prosineçki Azərbaycan millisi ilə bağlı qərarını açıqladı

Robert Prosineçki Azərbaycan millisi ilə bağlı qərarını açıqladı
09:38
11.10.2017
286
İdman
A
Robert Prosineçki futbol üzrə Azərbaycan milli komandasının sükanı arxasında qalmağa qərar verib.

"Ölkə.Az" "Report"a istinadən xəbər verir ki, bu barədə 48 yaşlı mütəxəssisin özü index.hr saytına müsahibəsində bildirib.

R.Prosineçki yaxın günlərdə danışıq aparmaq üçün Azərbaycana səfər edəcəyini söyləyib. Xorvatiyalı baş məşqçi hazırkı işini davam etdirəcəyi fikrində olduğunu vurğulayıb: “AFFA ilə vəziyyətə aydınlıq gətirmək üçün bir neçə gündən sonra Azərbaycanda olacağam. Çox güman ki, Azərbaycanda qalacağam”.

Xorvatiyalı mütəxəssis Sloveniya yığmasının baş məşqşçisi postuna dəvət almasına da münasibət bildirib. O, yayılan xəbərləri təkzib edib: “Almaniyadan dünən gecə qayıtmışam. Zaqrebə gəlməyim 12 saatımı aldı. Xəbərləri qəzetdən oxudum. Ola bilər ki, məni Sloveniya millisində görmək istəyirlər. Amma hazırkı anadək heç kim mənimlə əlaqə saxlamayıb. Bu, sabah da baş verə bilər. Ona görə də heç nə deyə bilmərəm”.

R.Prosineçki dünya çempionatının "pley-off" mərhələsinə yüksələn Xorvatiya millisində baş məşqçi dəyişikliyinin əleyhinə olduğunu söyləyib. Onun sözlərinə görə, Zlatko Daliç komandaya Ukrayna üzərində qələbə qazandıra bilibsə, yenə şans qazanmalıdır. Təcrübəli mütəxəssis həmvətənlərinin "pley-off"da Şimali İrlandiya ilə üz-üzə gəlmə ehtimalına da münasibət bildirib. O, seçmə mərhələdə Azərbaycan yığması ilə eyni qrupda yer almış britaniyalıların Xorvatiya ilə qarşılaşmada heç bir şansa malik olmadığını söyləyib: "Düzdür, Şimali İrlandiya yaxşı komandadır, güclüdür, yüksək keyfiyyətli və mütəşəkkil komandadır, onlara qarşı oynamaq çətindir. Amma Xorvatiya yoldaşlıq görüşündə bu kollektivi yenmişdi. Fikrimcə, biz güclüyük və "pley-off"da rəqib Şimali İrlandiyaya olsa, Rusiyanı görəcəyik".

Qeyd edək ki, 2014-cü ildən Azərbaycan millisinə rəhbərlik edən R.Prosineçkini müqaviləsinin müddəti dekabrda başa çatır.

Ölkə.Az

ŞƏRH YAZ
0

İlin ən yaxşı futbolçusu açıqlandı

İlin ən yaxşı futbolçusu açıqlandı
01:28
Bu gün
27
İdman
A
İngiltərənin paytaxtı Londonda FIFA ötən ilin ən yaxşı futbolçusunun adını açıqlayıb.

"Ölkə.Az" xəbər verir ki, FIFA-nın prezidenti Canni İnfantino bu mükafatı İspaniyanın “Real Madrid” klubunun və Xorvatiya millisinin yarımmüdafiəçisi Luka Modriç təqdim edib.

Xorvatiyalı 2017/2018-ci il mövsümündə “Real Madrid” klubunun heyətində UEFA Çempionlar Liqasının qalibi olub. Həmçinin futbolçu Rusiyada keçirilən dünya çempionatının finalçısıdır. Modriç İngiltərənin “Liverpul” klubunun misirli hücumçusu Məhəmməd Salah və hazırda İtaliyanın “Yuventus” komandasında forma geyinən portuqaliyalı forvard Kriştianu Ronaldunu qabaqlayıb.

Ən yaxşı qadın futbolçu adına altıncı dəfə braziliyalı Marta layiq görülüb. Hazırda ABŞ-ın “Orlando Prayd” klubunda çıxış edən 32 yaşlı hücumçu Ada Hegersberq (“Lion” Fransa, Norveç) və Cenifer Marojanı (“Lion” Fransa, Almaniya) üstələyib.

Qadınlardan ibarət komandalar arasında ən yaxşı baş məşqçi nominasiyasında Reynal Pedros fərqləndirilib. O, Fransa “Lion”una Çempionlar Liqasını qazandırıb. Pedros Yaponiya millisindəki həmkarı Asako Takakura və Almaniya yığmasına rəhbərlik edən Sarina Viqmandan üstün olub.

Rəmzi yığmanın tərkibi isə belə olub: David De Xea, Dani Alveş, Marselo, Serxio Ramos, Rafael Varan, Eden Azar, Nqolo Kante, Luka Modriç, Kriştianu Ronaldu, Kilian Mbappe, Lionel Messi. Ronaldu və Messi mükafatlandırma mərasimində iştirak etməyib.

“Fair Play” mükafatına Türkiyənin “Erzurumspor BB” klubunun almaniyalı hücumçusu Lennart Tay layiq görülüb. Ən yaxşı fanat nominasiyasında isə Peru azarkeşləri birinci yeri tutub.

Ölkə.Az

ŞƏRH YAZ
0

Kişilәrdәn ibarәt şahmatçılarımız 43-cü Ümumdünya Şahmat Olimpiadasına qәlәbә ilә başlayıb

Kişilәrdәn ibarәt şahmatçılarımız 43-cü Ümumdünya Şahmat Olimpiadasına qәlәbә ilә başlayıb
20:29
24.09.2018
319
İdman
A
Gürcüstanın Batumi şəhərində keçirilən 43-cü Ümumdünya Şahmat Olimpiadasına start verilib.

"Ölkә.Az" report-a istinadla xәbәr verir ki, Azərbaycanın kişilərdən ibarət əsas milli komandası ilk turda Beynəlxalq Fiziki Məhdudiyyətli Şahmat Assosiasiyasının (İPCA) kollektivi ilə üz-üzə gəlib.

Görüşlərdən sonra üstünlük əsas milli komandanın tərəfində olub. Arkadi Naydiç və Teymur Rəcəbov rəqibləri ilə heç-heçə edib. Eltac Səfərli və Rauf Məmmədov isə görüşlərini qələbə ilə başa vurublar.

Azərbaycan - Beynəlxalq Fiziki Məhdudiyyətli Şahmat Assosiasiyasının (İPCA) komandası - 3:1

Teymur Rəcəbov (2751) - İqor Yarmanov (2376) - 0,5:0,5

Arkadi Naydiç (2721) - Andrey Qurbanov (2305) - 0,5 - 0,5

Rauf Məmmədov (2699) - Dmitri Scerbin (2264) - 1:0

Eltac Səfərli (2676) - Andrey Tersinsev (2194) - 1:0 

Ölkә.Az

ŞƏRH YAZ
0
BAĞLA