Robert Prosineçki hansı yığmaya baş məşqçi təyin olundu?

Robert Prosineçki hansı yığmaya baş məşqçi təyin olundu?
18:47
04.01.2018
1258
İdman
A
Futbol üzrə Azərbaycan millisinin sabiq baş məşqçisi Robert Prosineçki Bosniya və Herseqovina yığmasına rəhbərlik edəcək.

"Ölkə.Az" Report-a istinadən xəbər verir ki, bununla bağlı qərar Bosniya və Herseqovina Futbol İttifaqının İcraiyyə Komitəsinin bu gün keçirilən iclasında qəbul olunub. 48 yaşlı mütəxəssislə 2020-ci il Avropa çempionatının seçmə mərhələsinin sonunadək müqavilə bağlanılıb. Prosineçki Azərbaycan yığmasındakı köməkçiləri Qordan Tsipriç və Draqan Spasiç, eləcə də qapıçılar üzrə məşqçi Kenan Hasagiç və seleksiyaçı-məşqçi Elvir Rahimiçlə birgə çalışacaq. Yeni baş məşqçinin qarşısına AVRO-2020-yə vəsiqə məqsədi qoyulub.  

Qeyd edək ki, Bosniya və Herseqovina yığmasının sabiq baş məşqçisi Mehmed Bajdareviç komandaya DÇ-2018-ə vəsiqə qazandıra bilmədiyi üçün istefaya göndərilib. Robert Prosineçkinin isə ötən ay Azərbaycan millisi ilə başa çatan 3 illik müqaviləsinin müddəti uzadılmayıb. 

ŞƏRH YAZ
2

Azərbaycan atleti Avropa çempionatında gümüş medal qazandı

Azərbaycan atleti Avropa çempionatında gümüş medal qazandı
22:12
Bu gün
147
İdman
A
Oktyabr ayının 20-27-si tarixlərində Polşanın Zamots şəhərində keçirilən yaşı 20 və 23-ə qədər olan gənclər arasında ağır atletika üzrə Avropa birinciliyi davam edir.

“Ölkə.Az” xəbər verir ki, 35 ölkədən 383 atletin mübarizə apardığı turnirdə Azərbaycan yığma komandasının üzvləri də iştirak edirlər.

Onlardan daha biri – Paşa İbrahimli yaşı 23-ə qədər olan gənclərin 69 kq çəki dərəcəsindəki mübarizəsində körpücük üzərinə çıxıb.

O, birdən qaldırma hərəkətində 136 kq-ı ram edərək 4-cü olub.

Atletimiz təkanla qaldırma hərəkətində 165 kq-ı başı üzərinə qaldıraraq bu hərəkətdə Avropa birinciliyinin gümüş medalına sahib çıxıb.

Toplam 301 kq (136+165) nəticə ilə Paşa İbrahimli yekun sıralamada 4-cü yeri tutub.

Ölkə.Az

ŞƏRH YAZ
0

İdmanla bağlı milli strategiya hazırlanacaq

İdmanla bağlı milli strategiya hazırlanacaq
20:45
Bu gün
111
İdman
A
Azərbaycanda kütləvi bədən tərbiyəsi və idmanın inkişafı üzrə milli strategiya hazırlanacaq.

"Ölkə.Az"ı məlumatına görə, bu, 2019-cu il dövlət büdcəsinin zərfində öz əksini tapıb.

Sənəd layihəsinə əsasən, bu məsələ 2019-2022-ci illər üzrə idman sahəsində dövlət siyasətinin əsas istiqamətlərindən biri kimi müəyyən edilib.

Digər prioritetlər uşaq, yeniyetmə və gənclər arasında bədən tərbiyəsi və idmanın geniş təbliği, təhsil alan yeniyetmə və gənclərin maraqları, yaşı və sağlamlıq səviyyələri nəzərə alınmaqla, bədən tərbiyəsi məşğələlərinin təşkili olacaq.

Bununla yanaşı, əhalinin bütün təbəqələrindən olan insanların fiziki inkişaf səviyyəsinin yüksəldilməsi üçün lazımi şəraitin yaradılması, idman sənayesinin yaradılması, idman sahəsində sponsorluq fəaliyyətinin stimullaşdırılması nəzərdə tutulur.

Ölkə.Az

ŞƏRH YAZ
0
BAĞLA