Robot ilk dəfə simfonik orkestrə dirijorluq edib
İki əlli YuMi adlı robot İtaliyanın Piza şəhərində simfonik orkestrə dirijorluq edib.
Ölkə.Az oxu.az-a istinadən xəbər verir ki, konsert Verdi teatrında baş tutub. Robotu tenor Andrea Boçelli “dəvət edib”.
Robotun dirijorluq etdiyi Lukka şəhərinin orkestri, Cuzeppe Verdinin “Riqoletto” operasından La donna è mobile, Cakomo Puççininin “Canni Skikki” operasından O mio babbino caro ariyalarını, həmçinin Pyetro Maskanyinin “Cavalleria rusticana” operasından pasaj ifa edib.