“Roma” 20 yaşlı türk futbolçu aldı — 13,4 milyon avroya

“Roma” 20 yaşlı türk futbolçu aldı
13:15
16.07.2017
50
İdman
A
“Roma” “İstanbul Başakşehir”in yarımmüdafiəçisi Cengiz Ünderi transfer edib.

Bu haqda İtaliya klubunun saytı məlumat yayıb. Transfer romalılara 13,4 milyon avroya başa gəlib. Bundan başqa, “Roma” bonus olaraq əlavə 1,5 milyon avro da ödəyə bilər.

Türkiyə mllisinin 20 yaşlı futbolçusu ilə 2022-ci ilin iyunun 30-na qədər müqavilə imzalanıb. Cengiz yeni komandasında 17 nömrəli formanı geyinəcək. (qol.az)

Ölkə.Az

ŞƏRH YAZ
0

Bakıda Raquf Orucovun xatirəsinə həsr olunmuş cüdo turniri başladı — FOTOLAR

Bakıda Raquf Orucovun xatirəsinə həsr olunmuş cüdo turniri başladı
21:18
Bu gün
31
İdman
A
Bakı İdman Sarayında aprel döyüşlərində qəhrəmancasına həlak olmuş polkovnik-leytenant Raquf Orucovun xatirəsinə həsr olunmuş "Raquf Orucov Kuboku" ikinci beynəlxalq cüdo turnirinin rəsmi açılış mərasimi keçirilib.

"Ölkə.Az" AzərTac-a istinadən xəbər verir ki, mərasimdə dövlət və hökumət qurumlarının nümayəndələri, Milli Məclisin deputatları, veteran hərbçilər, şəhid ailələrinin üzvləri, tanınmış idmançılar, ictimai təşkilatların təmsilçiləri iştirak ediblər.

Əvvəla Azərbaycanın dövlət himni səsləndirilib, şəhidlərin xatirəsi bir dəqiqəlik sükutla yad edilib.

Sonra ordumuzun zəfər salnaməsinə qəhrəmanlıq səhifəsi kimi yazılmış 2016-cı ilin aprel döyüşləri haqqında qısa videoçarx nümayiş olunub.

Milli Məclisin deputatı Qənirə Paşayeva, Azərbaycan Cüdo Federasiyasının nümayəndəsi, Əməkdar Bədən Tərbiyəsi və İdman Xadimi Sahib İsmayılov aprel döyüşlərinin əhəmiyyətindən, hərbçilərimizin şücaətindən danışıb, Raquf Orucovun və digər şəhidlərin qəhrəmanlığının gənc nəsil üçün örnək olduğunu bildiriblər. Şəhid polkovnik-leytenantın qardaşı Zabil Orucov turnirin təşkilatçısı “Azman” holdinqə və "Judo Club 2012" idman klubuna ailə üzvləri adından təşəkkür edib.

Turnirin açılış mərasimində yeniyetmə cüdoçular nümunəvi çıxışlar ediblər. İncəsənət ustaları vətənpərvər ruhda musiqi parçaları səsləndiriblər.

Aprel döyüşlərində həlak olmuş hərbçilərin portretləri həkk edilən köynəklər geymiş ASAN könülləri tamaşaçıların alqışları altında meydançaya çıxıblar.

Sonda turnirdə iştirak edən idmançılar tatami üzərinə dəvət olunublar.

Ölkə.Az

ŞƏRH YAZ
0

Şəhriyar Məmmədyarov dünya çempionu ilə heç-heçə edib

Şəhriyar Məmmədyarov dünya çempionu ilə heç-heçə edib
19:02
Bu gün
69
İdman
A
Azərbaycanın mərhum qrossmeysteri Vüqar Həşimovun xatirəsinə həsr olunmuş "ShamkirChess 2018" superturnirində bu gün ilk turun görüşləri keçirilir.

Ölkə.Az"ın məlumatına görə, Azərbaycan şahmatçısı Şəhriyar Məmmədyarov ağ fiqurlarla dünya çempionu Maqnus Karlsenlə üz-üzə gəlib. Qarşılaşma 50-ci gedişdən sonra "sülh"lə yekunlaşıb - 0,5:0,5.

Hazırda Veselin Topalov (Bolqarıstan) - Teymur Rəcəbov (Azərbaycan),  Aniş Giri (Hollandiya) - Sergey Karyakin (Rusiya), Dinq Liren (Çin) - Radoslav Voytaşek (Polşa), David Navara (Çexiya) - Rauf Məmmədov (Azərbaycan) görüşləri davam edir. 

Qeyd edək ki, Şəhriyar Məmmədyarov ikinci turda polşalı Radoslav Voytaşeklə qarşılaşacaq. 

ŞƏRH YAZ
0
BAĞLA