Roma Papasının verdiyi sual Melanya Trampı çaşdırdı
Donald Tramp Vatikanda Roma Papası I Fransisklə görüş zamanı maraqlı anlar yaşanıb.
“Ölkə.Az” xəbər verir ki, katoliklərin ruhani lideri Roma Papası Fransisk görüş zamanı Donald Trampın həyat yoldaşı Melanya Trampa maraqlı sual verərək onu çaşdırıb. Roma Papası Melanyadan ərinə nə yedirdiyini soruşub.
“Siz onu nə ilə bəsləyirsiz? Potica verirsiz? (Bu Sloveniyanın ənənəvi yeməklərdəndir).”, - deyə Roma Papası soruşub.
Melanya Tramp isə ilk əvvəl sözü başa düşməyib və maraqlı “nə?” soruşub. Daha sonra Melanya Tramp Roma Papasının nə dediyini anlayaraq, gülümsəyib.
Qeyd edək ki, Donald Trampın ən çox xoşladığı yemək steykdir. Bu barədə “New York Times” məlumat yayıb. Verilən məlumata görə, Amerika lideri yaxşı qızardılmış steyki ketçup ilə yeməyi çox sevir.
Ziya Səccad
Ölkə.Az
