"Roma" - "Qarabağ" oyununu kim idarə edəcək?

19:02
04.12.2017
1010
İdman
A
UEFA Çempionlar Liqasında qrup mərhələsinin son turunda keçiriləcək "Roma" - "Qarabağ" oyununun hakimləri açıqlanıb.

"Ölkə.Az"ın Trend-ə istinadən verdiyi məlumata görə, oyunu alman hakimlər idarə edəcək.

Görüşün baş hakimi Tobias Ştiler olacaq. Ona Mayk Pikel və Yan Sidel kömək edəcəklər. Əlavə köməkçi hakimlər Bastian Dankert və Harm Osmers olacaq. Dördüncü hakim funksiyasını Kristian Gittelmann yerinə yetirəcək.

Dekabrın 5-də baş tutacaq "Roma" - "Qarabağ" oyunu saat 23:45-də başlayacaq.

ŞƏRH YAZ
0

Millimiz İtaliya yığmasına uduzdu

Millimiz İtaliya yığmasına uduzdu
23:38
25.09.2018
140
İdman
A
Dünya çempionatının keçiriləcəyi Yaponiyada təlim-məşq toplanışında olan voleybolçu qadınlardan ibarət Azərbaycan milli komandası yoldaşlıq görüşünə çıxıb.

"Ölkə.Az"ın "Report"a istinadən məlumatına görə, rəqib İtaliya yığması olub.

Senday şəhərində keçirilmiş qarşılaşma Faiq Qarayevin baş məşqçisi olduğu kollektivin məğlubiyyəti ilə yekunlaşıb - 0:3. İtaliya voleybolçuları setləri 25:21, 25:19 və 25:20 hesablı üstünlüklə başa vurublar.

İki komanda sentyabrın 26-da yenidən üz-üzə gələcək.

Azərbaycan millisi Cənubi Koreya, Rusiya, Tailand, ABŞ, Trinidad və Tobaqo ilə C qrupunda yer alıb. İtaliya isə B qrupunda Bolqarıstan, Kanada, Çin, Kuba, İtaliya və Türkiyəyə qarşı mübarizə aparacaq. Çempionata sentyabrın 29-da start veriləcək. İlk turda Azərbaycan ABŞ-la, İtaliya Bolqarıstanla qarşılaşacaq.

Ölkə.Az

ŞƏRH YAZ
0

"Qarabağ" - "Arsenal" oyununa 20 min bilet satılıb

16:18
25.09.2018
458
İdman
A
Avropa Liqasında “Qarabağ” və İngiltərənin ”Arsenal” komandaları arasında keçiriləcək II tur matçına indiyədək satılan bilet sayı açıqlanıb.

“Ölkə.Az” Ağdam klubunun rəsmi "facebook" səhifəsinə istinadən xəbər verir ki, artıq 20 min bilet sahibini tapıb.

Oyunun keçiriləcəyi Bakı Olimpiya Stadionu 70 minədək tamaşaçı tutumuna malikdir. Biletlərin qiymətləri 2 manat, 5 manat, 15 manat, 20 manat və 50 manatdır. Onları Qarabağ FK Fan-şop ("Park Bulvar"), İticket kassaları, Sumqayıt şəhəri ("ASAN Xidmət"), "28 Mall" və "Gənclik Mall"dan almaq mümkündür.

Qeyd edək ki, “Qarabağ” - ”Arsenal” oyunu oktyabrın 4-ü saat 20:55-də keçiriləcək.

ŞƏRH YAZ
0
BAĞLA