KORONAVİRUSA YOLUXANLARIN SAYI - CANLI STATİSTİKA

Ronaldo azərbaycanlı futbolçuya — Çatmağa çalışır

Ronaldo azərbaycanlı futbolçuya
21:06
11.09.2019
3822
İdman
A
Dünyanın ən məşhur futbolçularından biri olan Kriştiano Ronaldonun karyerasını bitirməyə çox qalmayıb. Amma 34 yaşlı portuqaliyalı zamana uduzmur, yüksək oyun səviyyəsini qoruyur. Milli komandanın heyətindəki növbəti çıxışı da buna sübutdur.

"Ölkə.Az" xəbər verir ki, Portuqaliyanın kapitanı Kriştiano Ronaldo Litvanın qapısına 4 qol vurub. Komandasının 5:1 hesablı səfər qələbəsində məşhur futbolçu birbaşa rol oynayıb.

Ronaldo bununla da milli komandanın heyətindəki qolların sayını 92-yə çatdırıb. “Yuventus”un oyunçusu İran milli komandasının azərbaycanlı futbolçusu Əli Daeiyə çatmağa çalışır. Daei İranın heyətində keçirdiyi oyunlarda 109 qol vurmaqla rekord müəllifi olub.

Karyerasını davam etdirənlərdən heç kim Ronaldo qədər zirvəyə yaxın deyil. Hindistanın hücumçusu Sunil Çetri 71 qol vurub. Oynayanların siyahısında üçüncü yerdə 68 qolla argentinalı Lionel Messi gedir.

Ronaldo milli komandanın heyətində keçirdiyi oyunların sayına görə isə 16-cü yerdədir. Hücumçu Portuqaliyanın formasını 160 dəfə geyinib. Rekord misirli Əhməd Həsənə məxsusdur (184 oyun). (bizimyol.info)

Ölkə.Az

ŞƏRH YAZ
0

"Bavariya"nın kapitanı Bundesliqada 400-cü oyununa çıxıb

23:50
26.05.2020
1115
İdman
A
Almaniya Bundesliqasının XXVIII turunda Dortmund "Borussiya"sı ilə keçirilən oyun "Bavariya"nın kapitanı Manuel Noyer üçün əlamətdar olub.

''Ölkə.Az'' Apasport.az-a istinadən xəbər verir ki, hazırda davam edən turun mərkəzi qarşılaşması qapıçının Bundesliqada 400-cü matçı olub.

34 yaşlı qolkiper bu göstəriciyə çatan 3-cü futbolçu kimi tarixə düşüb. Bu baxımdan rekord "Verder"in hücumçusu Klaudio Pizarroya məxsusdur. Onun aktivində 487 görüş var. İkinci pillədə "Union"un üzvü Kristian Gentner (402) qərarlaşıb.

Qeyd edək ki, "Bavariya" Coşua Kimmixin 43-cü dəqiqədə vurduğu yeganə qol sayəsində səfərdə 1:0 hesabı ilə öndədir.

Ölkə.Az

ŞƏRH YAZ
0

Deputatdan Azərbaycanın idman siyasəti ilə bağlı maraqlı paylaşım — VİDEO

Deputatdan Azərbaycanın idman siyasəti ilə bağlı maraqlı paylaşım
18:16
26.05.2020
892
İdman
A
Deputat Ülvi Quliyev sosial media hesabında Azərbaycanın idman siyasətinə həsr olunmuş video paylaşıb.

Videoda deputatın dilindən Azərbaycandakı idman siyasətinin əsas üstünlüklərindən söz açılır, bu siyasətin əsasının dövlət başçısı İlham Əliyevin xidmətləri ilə bağlılığı vurğulanır:

“Gənclər siyasətimizin əsas istiqamətlərindən biri də idmanımızın inkişafıdır, gənclərimizin sağlam həyat tərzidir. İdman yeganə vasitədir ki, ölkəni, onun rəmzlərini bütün dünyada təmsil edir. Azərbaycan idman ölkəsidir. Bu istiqamətdə dünya miqyasında işlər görülür. Nəticə olaraq idman sürətlə inkişaf edir.

Son vaxtlar Azərbaycanın ev sahibliyi etdiyi dünya çempionatları, Avropa Oyunları, İslam Həmrəylik Oyunları ölkəmizin potensialını, bizim siyasətimizi, imkanlarımızı bütün dünyaya çatdırır. İdmançılar xalqlar və ölkələr arasında xoş münasibətlər yaradır.

Ölkə başçısının bu sahədə apardığı siyasət ölkəmizdə idmanın hərtərəfli inkişafına səbəb olub. İdmanın inkişafı ilə bağlı bütün məsələləri diqqətində saxlamağı, idmançılara qayğısı, onların problemləri ilə daima maraqlanması idmanın inkişafına yüksək töhfələr verib”.

Video Prezident İlham Əliyevin sözləri ilə başa çatır:

“İdman Azərbaycanda dövlət siyasətidir”.

ŞƏRH YAZ
0
BAĞLA