Ronaldu 12 oyunluq cəza ala bilər

 "Ölkə.Az" xəbər verir ki, "Barselona" klubu ilə oyunda hakimi itələdiyi üçün Ronaldu bir neçə oyundan uzaqlaşdırıla bilər.

Oyunun baş hakimi Rikardo De Burqos Benqoeçea protokolda qeyd edib ki, qırmızı kart alan portuqaliyalı onu itələyib. İspaniya futbol federasiyasının qaydalarına əsasən Ronaldu 4-12 oyundan uzaqlaşdırıla bilər.

Bu kənarlaşdırma ilk olaraq çempionatda baş tutacaq. Beləcə Ronaldu "Barselona"ya qarşı cavab oyunu ilə yanaşı "Deportivo", "Valensiya", "Levante" və "Real Sosedad" klublarına qarşı oyunda stadiona çıxmayacaq.

Qeyd edək ki, "Real"-"Barselona" qarşılaşması Madrid klubunun 3-1 hesablı qələbəsi ilə başa çatıb.

Hikmət Həsənov
Ölkə.Az