Ronaldu və Messini Rusiyada duz-çörəklə qarşıladılar — VİDEO

Ronaldu və Messini Rusiyada duz-çörəklə qarşıladılar
18:23
11.06.2018
2383
İdman
A
Futbol üzrə dünya çempionatı Rusiyada keçiriləcək.

“Ölkə.Az” xəbər verir ki, bu səbəbdən artıq bir çox tanınmış futbol ulduzu Rusiyaya səfər edib. Rusiyada isə məşhur ulduzlar-Ronaldu və Messini rus adətinə uyğun olaraq duz-çörəklə qarşılayıblar.

Ronaldu çörəyin üstünə düz səpərək onu yeyib.

Videonu oxucularımızla bölüşürük.

Hikmət Həsənov
Ölkə.Az

ŞƏRH YAZ
0

İdmançılarımız üç medal qazandı

İdmançılarımız  üç medal qazandı
18:13
Bu gün
1066
İdman
A
Karate üzrə yeniyetmə və gənclərdən ibarət milli komandamız Venesiyada keçirilən ilin sonuncu liqa turnirində üç medal qazanıb.

Azərbaycan Milli Karate Federasiyasından "Ölkə.Az"a bildiriblər ki, 14-15 yaşlı yeniyetmələrin yarışında Hüseyn Məmmədli (57 kq) və Tale Yaqubov (63 kq) qızıl medal qazanıblar. Turnirdə 16-17 yaşlı idmançıların mübarizəsində isə Əminağa Quliyev (61 kq) gümüş medala sahib olub. 

Qeyd edək ki, 16-17 yaşlı gənclərdən ibarət komandamızın liderlərindən olan Polina Qurenko (53 kq) məşqlərdə zədələndiyi üçün yarışa qatıla bilməyib. 

Dünya Karate Federasiyasının (WKF) bu ildən etibarən təşkil etməyə başladığı gənclər liqası beynəlxalq turnirinin yekun yarışında 67 ölkədən 2600-dən çox karateçi mübarizə aparıb. 

Bu yarış baş məşqçi Anar Allahverdiyevin rəhbərlik etdiyi yeniyetmə və gənclərdən ibarət komandamız üçün fevralda Danimarkada keçiriləcək Avropa çempionatına hazırlıq xarakteri daşıyıb. 

Ölkə.Az

ŞƏRH YAZ
0

Çempionlar Liqasında 1/8 finalın püşkü atılacaq

Çempionlar Liqasında 1/8 finalın püşkü atılacaq
11:51
Bu gün
1953
İdman
A
Bu gün Çempionlar Liqasında 1/8 final mərhələsinin püşkü atılacaq.

"Ölkə.Az" xəbər verir ki, İsveçrənin Nyon şəhərində keçiriləcək püşkatma mərasimi Bakı vaxtı ilə 15:00-da başlayacaq. 

Belə ki, klublar qrup qalibi və ikincisi olmaqla 2 səbətə bölünüblər. Əsasnaməyə görə, eyni qrupdan çıxanlar və bir ölkəni təmsil edənlər 1/8 finalda üz-üzə gələ bilməzlər. 

Qrup birinciləri: 

"Borussiya" (Dortmund, Almaniya) 

"Barselona" (İspaniya) 

PSJ (Fransa) 

"Porto" (Portuqaliya) 

"Bavariya" (Almaniya) 

"Mançester Siti" (İngiltərə) 

"Real" (İspaniya) 

"Yuventus" (İtaliya) 

Qrup ikinciləri: 

"Atletiko" (İspaniya) 

"Tottenhem" (İngiltərə) 

"Liverpul" (İngiltərə) 

"Şalke" (Almaniya) 

"Ayaks" (Hollandiya) 

"Lion" (Fransa) 

"Roma" (İtaliya) 

"Mançester Yunayted" (İngiltərə) 

Qeyd edək ki, 1/8 final mərhələsinin ilk oyunları 12-13 və 19-20 fevralda, cavab qarşılaşmaları isə 5-6 və 12-13 martda keçiriləcək. 

ŞƏRH YAZ
0
BAĞLA