Rövnəq Abdullayev yeni direktor TƏYİN ETDİ

Rövnəq Abdullayev yeni direktor TƏYİN ETDİ
16:58
11.12.2019
1760
İqtisadiyyat
A

SOCAR-ın prezidenti Rövnəq Abdullayevin əmri ilə Məmmədov Bəxtiyar İbrahim oğlu Heydər Əliyev adına Neft Emalı Zavodunun direktoru, zavodun keçmiş direktoru İsmayılov Elman Abbas oğlu isə SOCAR-ın emal üzrə vitse-prezidentinin müavini təyin olunub.

SOCAR-dan "Ölkə.Az"a verilən məlumata görə, Bəxtiyar Məmmədov 1971-ci ildə anadan olub. Azərbaycan Neft Akademiyasını (indiki Azərbaycan Dövlət Neft və Sənaye Universiteti) bitirdikdən sonra “Azərneftyağ” NEZ-də əmək fəaliyyətinə başlamış, 2015-ci ilə kimi zavodda müxtəlif vəzifələrdə çalışmışdır. 2015-2016-cı illərdə Heydər Əliyev adına NEZ-də şöbə rəisinin müavini, 2016-2019-cu illərdə isə Karbamid Zavodunun baş mühəndisi – direktor müavini işləmişdir.

ŞƏRH YAZ
0

Dünya iqtisadiyyatı tarixi fəlakətlə üz-üzədir — 500 milyard dollar

Dünya iqtisadiyyatı tarixi fəlakətlə üz-üzədir
05:07
Bu gün
690
İqtisadiyyat
A
Çinin Uhan şəhərini cənginə alan və bir neçə ölkədə də yoluxma faktı qeydə alınan koronavirusla bağlı bütün dünyada həyəcan təbili çalınır.

"Ölkə.Az" baku.ws-ə istinadən xəbər verir ki, artıq Azərbaycanda qabaqlayıcı tədbirlərin görülməsi üçün qurumlara göstərişlər verilib.

Məsələ 1,3 milyard əhalisi olan Çin, 11 milyon əhalisi olan Uhan şəhərindən getdiyi üçün normal olaraq bütün dünya təhülkədədir. Dünya ticarət dövriyyəsinin ABŞ-la birlikdə əsas hissəsini əlində tutan Çindən hər gün onlarla ölkəyə təyyarə reysləri həyata keçirilir. Bu isə virusun yayılma radiusunun genişlənmə ehtimalını da artır. Məlumat üçün bildirək ki, Azərbaycan artıq martın 28-nə qədər Pekinə uçuşları dayandırıb.

Virus bütün dünyada yayılacağı təqdirdə planetimiz böyük fəlakətlə üz-üzə qala bilər. Heç şübhəsiz ki, bu fəlakətdən ən çox ziyan çəkəcək ölkə Çin olacaq. Çünki bir çox ölkə artıq Çinlə gediş-gəlişi müvəqqəti olaraq məhdudlaşdırıb. Bu isə Çinin birbaşa iqtisadiyyatına böyük zərbə vurur. Təkcə Çin deyil, bu ölkə ilə ticarət əlaqələri sayəsində milyardlarla gəlir qazanan ölkələrin də ticarətinə zərbə dəyə bilər.

Araşdırmaçıların hesablamalarına görə, virus bütün dünyada yayılarsa, dünya iqtisadiyyatına 500 milyard dollar ziyan dəyə bilər.

Xatırladaq ki, 2003-cü ildə yayılmış SARS virusuna görə, dünya iqtisadiyyatı 40 milyard dollar itirmişdi.

Bir məqamı qeyd edək ki, virus artıq neftin qiymətinin aşağı düşməsinə səbəb olub. Belə ki, virusun yayılmasından sonra Çinin günlük tələbatı 260 min barrel azalıb və nəticədə qlobal bazarda neftin qiyməti 60 dollardan da aşağı düşüb.

Qeyd edək ki, Uhan şəhəri ticarət və turizm baxımında ən önəmli şəhərlərdən biridir. Bir sıra qlobal şirkətlərin zavodları da bu şəhərdə yerləşir.

Ölkə.Az

ŞƏRH YAZ
0

Mərkəzi Bankdan 100 milyon manatlıq addım

Mərkəzi Bankdan 100 milyon manatlıq addım
22:28
28.01.2020
638
İqtisadiyyat
A
Yanvarın 29-da Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə depozit hərracı keçiriləcək.

"Ölkə.Az" xəbər verir ki, hibrid hərracda 100 000 000 (yüz milyon) manat məbləğində vəsaitin cəlbi nəzərdə tutulur.

Depozit hərracının müddəti 28 gündür.

"Bloomberg" ticarət sistemində keçiriləcək hərrac üzrə faiz dərəcələri 5,76% - 7,49% faiz təşkil edir.

Ölkə.Az

ŞƏRH YAZ
0
BAĞLA