Rövşən Rzayev BMT-nin nümayəndəsi ilə görüşdü

Rövşən Rzayev BMT-nin nümayəndəsi ilə görüşdü
16:35
17.05.2018
1255
Ölkə
A
Qaçqınların və Məcburi Köçkünlərin İşləri üzrə Dövlət Komitəsinin ("Qaçqınkom") sədri Rövşən Rzayev BMT-nin Azərbaycandakı rezident əlaqələndiricisi və “İnkişaf Proqramı”nın rezident nümayəndəsi Qulam İshaqzai ilə görüşüb.

Dövlət Komitəsindən "Ölkə.Az"a verilən məlumata görə, Azərbaycanın qazandığı uğurlardan, ölkədəki qaçqın və məcburi köçkün problemlərinin həlli istiqamətində həyata keçirilən tədbirlərdən danışan Dövlət Komitəsinin sədri Azərbaycanın beynəlxalq təşkilatlarla qarşılıqlı əməkdaşlığa xüsusi önəm verdiyini qeyd edib. O bildirib ki, qaçqın və məcburi köçkünlərin sosial problemlərinin həlli Azərbaycan Prezidenti İlham Əliyevin daim diqqət mərkəzindədir. Azərbaycanın Birinci vitse-prezidenti Mehriban Əliyevanın təşəbbüsü ilə bu istiqamətdə ardıcıl və məqsədyönlü tədbirlər həyata keçirilir. O, Azərbaycanda bir milyondan çox qaçqın və məcburi köçkününün olmasına baxmayaraq, Azərbaycan iqtisadiyyatının sürətlə inkişaf etdiyini vurğulayıb.

Qeyd edib ki, müstəqilliyinin ilk illərindən qaçqın və məcburi köçkün problemi ilə üzləşən Azərbaycan, yurd-yuvasından didərgin düşmüş insanların bir çox çətinliklərinin həllinə nail olub. Dünyada qaçqın və məcburi köçkün probleminin dövlət tərəfindən həll olunmasından söz düşəndə, ilk növbədə Azərbaycanın nümunə göstərildiyindən danışıb. Bildirib ki, bir sıra nüfuzlu beynəlxalq təşkilatların rəhbərləri tərəfindən, Azərbaycanın təcrübəsinin dünyanın bir çox ölkələri üçün nümunə olduğu dəfələrlə vurğulanıb. Bütün bunlara baxmayaraq məcburi köçkünlərin problemlərinin həlli istiqamətdə hələ də görüləsi işlərin olduğunu diqqətə çatdırıb.

Dövlət Komitəsinin sədri münaqişə nəticəsində doğma yerlərindən didərgin salınmış soydaşlarımızla bağlı BMT agentliklərinin həyata keçirdikləri humanitar və inkişaf layihələrini xatırladıb, dəstəyə görə təşəkkürünü bildirib.

BMT ilə Dövlət Komitəsi arasında əməkdaşlığı yüksək qiymətləndirən Qulam İshaqzai mövcud olan sıx və səmərəli münasibətlərin daimi inkişaf edəcəyinə əminliyini ifadə edib. Azərbaycanda qaçqın və məcburi köçkün probleminin dövlət tərəfindən həll olunmasına toxunaraq dünyada belə bir nümunənin çox az olduğunu bildirib. BMT-nin Azərbaycan xalqının rifahı və təhlükəsiz gələcəyi naminə qarşılıqlı əməkdaşlığı davam etdirməyə hazır olduğunu bəyan edib.

Görüşdə Ermənistan-Azərbaycan, Dağlıq Qarabağ münaqişəsi, qaçqın və məcburi köçkünlərin problemləri, onların həyat şəraiti, eyni zamanda gələcək əməkdaşlığın prespektivləri ilə bağlı müzakirələr aparılıb.

ŞƏRH YAZ
0

Azərbaycanda iki bacıdan örnək addım — VİDEO

Azərbaycanda iki bacıdan örnək addım
23:25
Bu gün
227
Ölkə
A
Xaçmazda iki bacı hər kəsə örnək olacaq addım atıb.

"Ölkə.Az" xəzərtv-yə istinadla xəbər verir ki, bildirir ki, Xaçmazda yaşayan Nailə və Hava Rüstəmli bacıları küçə itləri üçün sığınacaq qurublar. Hava Rüstəmli hələ uşaq yaşlarından heyvanlara sevgi və qayğı göstərdiyini, sığınacaq qurmaq arzusunun da o vaxtdan yarandığını deyir.

Rayonun Yergüc kəndində yerləşən sığınacaqda 100-dək it bəslənilir. İki ilə yaxındır ki, fəaliyyət göstərən bu məkan təkcə Xaçmazdakı yox, qonşu rayonlarda olan sahibsiz itlər üçün də nəzərdə tutulub. Əvvəllər köhnə fermanı icarəyə götürən könüllülər indi daha uyğun bir yerə köçüblər. Sığınacaqdakı itlərin əksəriyyəti bura ölümcül vəziyyətdə gətirilib və müalicə olunub.

Əvvəlcə valideynlərinin etirazı ilə qarşılaşan sığınacaq sahibləri bu təşəbbüslərindən əl çəkməyiblər. İndi isə onların valideynləri də bu sığınacağa gələrək itlərə qayğı göstərir. Könüllülərin dəstəyi ilə sığınacağa iki işçi də təyin olunub. Buradakı itlərə vaxtlı-vaxtında peyvəndlər vurulur, gündəlik olaraq normal qidalanmasına diqqət yetirilir.

Qonşu rayonlardakı könüllülər də bu sığınacağa maraq göstərir, sahibsiz itləri buraya gətirir, onlara qayğı göstərilməsinə, dərman və qida ilə təmin edilməsinə köməklik edirlər.

Ölkə.Az

ŞƏRH YAZ
0

Məşhur qida məhsullarında virus aşkarlandı — VİDEO

Məşhur qida məhsullarında virus aşkarlandı
22:12
Bu gün
1742
Ölkə
A
Azərbaycana qida məhsulları idxal edən bir sıra məşhur şirkətlərə Qida Təhlükəsizliyi Agentliyi tərəfindən ciddi xəbərdarlıq edilib.

"Ölkə.Az" xəbər verir ki, bu barədə REAL-a müsahibəsində AQTA-nın Qida Təhlükəsizliyi şöbəsinin müdiri Fərid Əmirov bildirib.

Onun sözlərinə görə, həmin məhsullar ölkəyə idxal olunarkən AQTA-nın müvafiq laboratoriyalarında müayinə olunub və sınaq nəticələrinə əsasən qeyd olunan məhsullarda bir sıra nöqsanlar - bakteriyalar aşkar edilib.

Fərid Əmirov qeyd edib ki, insan orqanizmi üçün təhlükəli olan bu məhsullar sentyabrın 22-dək bütün ticarət şəbəkələrindən yığışdırılmalıdır. Bununla bağlı həmin məhsulları idxal edən şirkətlər AQTA-ya müraciət etməlidir.

AQTA rəsmisi uşaqların qidalanmasında daha çox istifadə olunan və bakteriyalar aşkarlanan həmin məhsulların adlarını açıqlayıb.

Ölkə.Az

ŞƏRH YAZ
0
BAĞLA