Rövşən Rzayev məcburi köçkünlər ilə görüşdü

Rövşən Rzayev məcburi köçkünlər ilə görüşdü
18:45
22.05.2018
1546
Ölkə
A
Mayın 22-də Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev növbəti dəfə məcburi köçkünləri qəbul edib.

Komitədən "Ölkə.Az"a verilən xəbərə görə, qəbulda Dövlət Komitəsinin sədr müavinləri, şöbə və departament müdirləri, Bakı şəhəri üzrə sektor müdirləri və ərazisi işğal olunmuş rayonların icra hakimiyyəti başçılarının müavinləri iştirak ediblər. Bakı şəhərindən və bölgələrdən qəbula gələn məcburi köçkünlərlə mövcud problemlər, görülən işlərlə bağlı söhbətlər aparılıb. Onlar ayrı-ayrılıqda dinlənilib, qaldırılan məsələlərlə bağlı geniş izahat verilib.

Qəbulda müraciətlərin əsasən mənzillə bağlı olduğu nəzərə alınaraq qeyd olunub ki, ölkədə qaçqın və məcburi köçkünlərin problemlərinin həlli həmişə olduğu kimi hazırda da Azərbaycan Prezidenti İlham Əliyevin diqqət mərkəzindədir. Ölkənin Birinci vitse-prezidenti xanım Mehriban Əliyevanın rəhbərliyi və təşəbbüsü ilə qaçqın və məcburi köçkünlərin həyat şəraitinin yaxşılaşdırılması istiqamətində irimiqyaslı işlər, sosial yönümlü layihələr həyata keçirilir. 

Qeyd olunub ki, qəzalı binalarda yaşayan məcburi köçkünlərin problemlərinin həlli, o cümlədən mənzil-məişət şəraitlərinin yaxşılaşdırılması istiqamətində mərhələli və sistemli şəkildə işlər həyata keçirilir. Qəbul zamanı məcburi köçkünlər tərəfindən əsasən mənzil, qeydiyyat, kommunal xidmətlər, təmir-bərpa, işədüzəlmə və digər bu kimi məsələlərlə bağlı kollektiv və fərdi qaydada müraciətlər edilib.

Dövlət Komitəsinin sədri müraciətlərin qısa müddətdə araşdırılması və müvafiq tədbirlər görülməsi üçün tapşırıqlar verib.

ŞƏRH YAZ
0

Nazirlik sürüşmə zonası ilə bağlı yeni məlumat yaydı

Nazirlik sürüşmə zonası ilə bağlı yeni məlumat yaydı
21:29
15.10.2018
1343
Ölkə
A
Badamdardakı sürüşmə sahəsində ümumi dinamikada gərginlik qalmaqdadır.

Bu barədə "Ölkə.Az"a Ekologiya və Təbii Sərvətlər Nazirliyi tərəfindən yaradılan Qərargahdan məlumat verilib.

"Sürüşmə zonasında saat 21-00-a olan monitorinqlərin nəticəsinə əsasən, sürüşmə sahəsi üzərində asılı qalmış süxurların xırda hissələrinin yamaca doğru hərəkəti yenə də müşahidə edilir. Ümumi dinamikada gərginlik qalmaqdadır", - deyə məlumatda bildirilir.

Ölkə.Az

ŞƏRH YAZ
0

Çaylarda suyun səviyyəsi açıqlanıb

Çaylarda suyun səviyyəsi açıqlanıb
20:00
15.10.2018
1395
Ölkə
A
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, ötən günlər ərzində yağan yağış nəticəsində respublikanın bəzi çaylarında, xüsusən də, Lənkəran-Astara bölgəsi çaylarında sululuğun artımı müşahidə olunub. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 55-65, Kiçik Qafqazın çaylarında 30-80, Lənkəran-Astara çaylarında 50-70, Naxçıvan Muxtar Respublikası çaylarında 5 faizini təşkil edir.

Departamentdən "Ölkə.Az"a bildiriblər ki, oktyabrın 15-də Kür çayının Qıraqkəsəmən məntəqəsində suyun səviyyəsində dəyişiklik müşahidə olunmayıb. Hazırda məntəqədə su sərfi saniyədə 110 kubmetr olmaqla ongünlük normanın 65 faizini təşkil edir. 2017-ci ildə isə bu rəqəm saniyədə 167 kubmetr təşkil etməklə ongünlük normanın 99 faizinə bərabər olub.

Qanıx çayının Əyriçay məntəqəsində suyun səviyyəsində dəyişiklik müşahidə edilməyib. Hazırda məntəqədə su sərfi saniyədə 65 kubmetr olmaqla ongünlük normanın 61 faizini təşkil edir. Ötən il isə bu göstərici saniyədə 101 kubmetr təşkil edərək ongünlük normanın 94 faizinə bərabər olub.

Oktyabrın 15-də Kür çayının aşağı axınında suyun səviyyəsində əsasən artım qeydə alınıb. Belə ki, Kür çayının Surra məntəqəsində 6, Salyanda 2, Araz çayının Novruzlu məntəqəsində 7 santimetr artım müşahidə olunub. Lakin suyun səviyyəsi Şirvanda 2, Bankədə isə 1 santimetr azalıb.

Hazırda Surra məntəqəsində suyun səviyyəsi 336 (2017-ci il oktyabrın 15-də 381 sm), Şirvanda 179 (2017-ci il oktyabrın 15-də 273 sm), Salyanda 137 (2017-ci il oktyabrın 15-də 210 sm), Bankədə 167 (2017-ci il oktyabrın 15-də 197 sm), Araz çayının Novruzlu məntəqəsində isə 40 santimetrə (2017-ci il oktyabrın 15-də 108 sm) bərabərdir.

ŞƏRH YAZ
0
BAĞLA