Röya radioları "yıxdı-sürüdü", bəstəkar dəstəklədi — VİDEO

Röya radioları
11:12
30.11.2017
3767
Maqazin
A
Bəstəkar-hüquqşünas Ruslan Əhmədoğlu əməkdar artisti Röya Ayxanın radiolarla bağlı səsləndirdiyi fikirlərə münasibət bildirib.

R.Əhmədoğlu Ölkə.Az-a açıqlamasında deyib ki, Röya Ayxanın radioları tənqid etməsini dəstəkləyir:

"On gün bundan əvvəl öz şəxsi "Instagram" səhifəmdə bununla bağlı şərh yazmışdım! Üç gün bizim bəzi radiolarımızı dinlədikdən sonra başa düşdüm ki, hazırda Azərbaycanda Elnarə xanımın "Fab boya" mahnısından başqa Azərbaycanda hit yoxdur. Bundan əlavə səhər saatlarında bəzi radio verilişləri var ki, orada aparıcılar qeyri-etik zarafatlar edir, əcaib səslər çıxarır, ləhcələrlə danışan insanları və dolayısıyla bölgələrimizi lağa qoyurlar. 
Radiolarda hər sahəyə aid verilişlərin olması çox gözəl haldır. Amma bunlar həftədə bir dəfə olsa, daha maraqlı olar. Çünki nə vaxt radionu açırsan,  maşın ustaları 1997 ci ilin 250 min yol sürülmüş "çeşka"sına hansı yağlardan tökmək üçün məsləhətlər verirlər. Bəzi radiolarımız çox yaxşı olardı kı, musiqimizə yeni və köhnə mahnılarımıza daha çox diqqət ayırardı. Çünki səslənmədikcə bəstəkar mahnılarımız, bəstəkarlarımız unudulub gedir. Bu kimi halları nəzarət etmək üçün bir mexanizm hazırlanmalıdır və buna nəzarət edən qurum yalnız kommersiya haqqında düşünən radiolara müəyyən məhdudiyyətlər qoyulmalıdır!"

Qeyd edək ki, Röyaa Ayxan da sosial şəbəkədəki hesabında bununla bağlı video paylaşıb. O, radioların durumunu biabırçılıq adlandırıb: 
"Doğrudan da biabırçılıqdır. Soruşun niyə? Maşında gedirəm və artıq 5-ci radioya çevirmişəm ki, türk mahnıları oxunur. Görəsən, biz bu qədər pul buraxırıq, bunların haqqını kim verəcək? Dörd gecədir Nihat Odabaşı ilə klip çəkirik. Sonra da yekə-yekə deyirik ki, türklər gəlir Bakıya bizimkiləri tanımır. Bizimkilər onların əlindən öpür. Düzdür, mən öpməmişəm. Amma öpənlərimiz çox olub. Radiolara səslənib deyirəm ki, ya işinizi bilin, ya da "işinizi bilin"! Çünki adam sizin üçün heç mahnı da oxuyub vermək istəmir. Ona görə də sonra deməyin ki, bizi heç kim görmür, saymır. Siz özünüz özünüzü saymırsınız. Sizə uğurlar olsun, qınından çıxıb qınını bəyənməyənlər!"

İntiqam VALEHOĞLU
Ölkə.Az

ŞƏRH YAZ
0

Türkiyədə plastik əməliyyat olunan məşhur ingilis modelin — İLK FOTOLARI

Türkiyədə plastik əməliyyat olunan məşhur ingilis modelin
18:35
19.01.2018
7817
Maqazin
A
İngiltərənin məşhur modeli və teleaparıcısı Lauren Gudger Türkiyədə bir sıra plastik əməliyyat keçirib.

"Ölkə.Az" xəbər verir ki, modelin əməliyyatdan sonra ilk fotoları yayımlanıb.

31 yaşlı televiziya məşhuru Lauren keçirdiyi əməliyyatlar səbəbindən mətbuatın gündəminə düşüb. Maraqlıdır ki, əməliyyat üçün model Türkiyəni seçib.

Fotokameraları görən Lauren günəş eynəyi taxaraq ərazini tərk edib.

Hikmət Həsənov
Ölkə.Az

ŞƏRH YAZ
0

Kənan Doğulu ailəsindən şad xəbər — Beren Saat hamilədir

Kənan Doğulu ailəsindən şad xəbər
17:30
19.01.2018
6429
Maqazin
A
4 ildir ailə həyatı quran Kənan Doğulu ata olmağa hazırlaşır.

"Ölkə.Az" xəbər verir ki, Berenin iki aylıq hamilə olduğu öyrənilib.

"Seda Sayanla bu gün" verilişində qonaq qismində iştirak edən Ebru Yaşar və jurnalist Bilal Özcan bu xəbəri verib. Bilal, Berenin 2 aylıq hamilə olduğunu iddia edib.

Bir müddət əvvəl Beren Saatin süni mayalanma vasitəsilə ana olmağa hazırlaşdığı bildirilirdi.

Qeyd edək ki, cütlük 2012-ci ildə tanış olub. Bu tanışlıq 2014-cü ildə tərəflərin nikah masasına əyləşməsi ilə nəticələnmişdi.

Hikmət Həsənov
Ölkə.Az

ŞƏRH YAZ
0
BAĞLA