Röyanın milyonluq bağ evi müsadirə olundu — FOTOLAR

Röyanın milyonluq bağ evi müsadirə olundu
14:25
26.07.2017
117
Maqazin
A
Xəbər verdiyimiz kimi, tanınmış sahibkar, "Çudo Peçka" mağazalarının rəhbəri Cəlilov Çingiz Asim oğlu həbs olunub.

Baş Prokurorluğun yaydığı məlumatda deyilir: Çudo Peçka” və "ÇP Aqro” MMC-lərinin təsisçisi Cəlilov Çingiz Asim oğlu "Bank Standard” QSC Kommersiya Bankının İdarə Heyətinin sədri olmuş Kriman Səlim Eldaroviçlə qabaqcadan razılaşmaqla əlbir olaraq həmin dövrdə banka müxtəlif mənbələrdən, o cümlədən xarici və daxili investorlardan və depozitlərdən daxil olmuş külli miqdarda pul vəsaitləri hesabına 21 milyon 874 min manat məbləğində krediti bankın Müşahidə Şurasının razılığı olmadan dəyəri süni olaraq artıq qiymətləndirilmiş əmlakları girov qoymaqla özünün, yaxın qohumlarının və qohumluq münasibətində olduğu, eləcə də rəhbərlik etdiyi cəmiyyətlərdə işləyən ayrı-ayrı şəxslərin adlarına guya bağ evinin alınması, mənzil təmiri, torpaq alınması və bu kimi digər təyinatlarla rəsmiləşdirilməsinə nail olmuş, daha sonra qeyd olunan kredit müqavilələri əsasında banka guya külli miqdarda kredit borcu olduğu görüntüsünü yaradaraq bir neçə dəfə restrukturizasiya (kreditin və ya onun ödənilməsi şərtlərinin dəyişdirilməsi) etdirməklə mənimsədiyi 13 milyon 962 min manat pul vəsaitini Səlim Krimanla öz aralarında bölüb.

Bu gün həbs olunan sahibkar, müğənni Röyanın eks-qayınatası Çingiz Cəlilovun cinayət işi ilə əlaqədar son günlər baş vermiş əməliyyatların təfərrüatları məlum olub.

"Ölkə.Az" big.az-a istinadən xəbər verir ki, hələ keçən ay Cəlilovun sahibi olduğu "Çudo peçka" dükanlar şəbəkəsinə daxil olan bütün iaşə obyektlə vergi borclarına görə möhürlənərək bağlanıb. Bundan sonra Cəlilovun adına olan milyonlarla dəyəri olan bağ evləri və Bakıda yerləşən yaşayış evləri müsadirə olaraq əlindən alınıb. Müsadirə olunan daşınmaz əmlaklar arasında iş adamının guya Röyaya bağışladığı Nabranda tikdirdiyi bir neçə milyon dəyəri olan bağ evi də əlindən alınıb.

Ölkə.Az

ŞƏRH YAZ
0

Azərbaycanlı aparıcı nikah mərasiminə anasının gəlinliyində gəldi — FOTO / VİDEO

Azərbaycanlı aparıcı nikah mərasiminə anasının gəlinliyində gəldi
15:00
Bu gün
159
Maqazin
A
"Lider" telekanalının keçmiş əməkdaşı, "Kino evi" verilişinin aparıcısı Zeynəb Abdullah ailə həyatı qurur.

 "Ölkə.Az"-ın məlumatına görə, sənətçi mayın 15-də İbrahim Feyzullayev adlı rejissorla nikah masasına əyləşib. Maraqlısı budur ki, Z.Abdullah nikah evinə anasının gəlinliyi ilə gəlib:

"Anam mənim üçün hər şeydir. Onun gəlinliyi də mənimçün dəyərlidir. Buna görə də nikah evinə anamın gəlinliyi ilə gəldim".

Qeyd edək ki, aparıcının ailə qurduğu İbrahim Feyzullayev "Kino evi" verilişinin rejissorudur.

 

İntiqam VALEHOĞLU
Ölkə.Az

ŞƏRH YAZ
0

"Mənim kimi qadına hər kişi dözə bilməz" — Samirə

14:12
Bu gün
544
Maqazin
A
Meyxanaçı-müğənni Samirə Yusifqızı ailə qurmaq ehtimalı barədə danışıb.

Sənətçi "Ölkə.Az"a açıqlamasında bildirib ki, hər kişi onun rejimini qəbul etməz:

"Mənim kimi qadına hər kişi dözə bilməz. Çünki bizim nə gecəmiz, nə gündümüzümüz var. Bütün günü qastrollarda, konsertlərdə, başqa şəhərlərdə oluruq. Onu hansı kişi götürər?"

S.Yusifqızı bildirib ki, yalnız bir halda kiminsə evlilik təklifini qəbul edib, sənətdən uzaqlaşar:

"Kimsə desə ki, sənətdən uzaqlaş, hər şeyini təmin edirəm, uzaqlaşaram. Bu yaşa qədər nə etmişəmsə, etmişəm. Bundan sonra sənət geriyə gedəcək də".

Ölkə.Az

ŞƏRH YAZ
0
BAĞLA