Röyayla Aygünün ilk məhkəməsinin VAXTI AÇIQLANDI

Röyayla Aygünün ilk məhkəməsinin VAXTI AÇIQLANDI
16:03
09.01.2018
7681
Maqazin
A
Əmək artist Röya Ayxanın həmkarı Aygün Bəylərə qarşı Səbail Rayon Məhkəməsinə yazdığı iddia ərizəsi icraata götürülüb.

"Ölkə.Az"-ın məlumatına görə, iddia ərizəsinə yanvarın 23-də Səbail rayon Məhkəməsində baxılacaq. 

Qeyd edək ki, A. Bəylər ARB televiziyasının "Səhər-səhər" verilişində Röya Ayxana qarşı sərt ifadələr səsləndirmişdi:

"Röya hansı sənətlə gəlib? Röyakimilər çoxdur… Elə 80 faizi o gündədir. Mən sənətkaram! Onu xalqın qarşısında bu səviyyədə qaldırmaq ixtiyarın yoxdur. Nigarı Röyanın yanına qoysan, sənətdə onu sökər. Qorxmuram... Mən sənət üçün doğulmuşam. Qıraqdan gələn adam haqqında mənim yanımda sənətdən danışa bilməzsən. Sənəti olmayanlardan danışırsan, xoşum gəlmir. Mən onun səsinə qulaq asa bilmirəm. İlk gələn vaxtlar məndən məsləhət aldı ki, sən bu sənətə tək gəlmisən, mən necə edim?

Çox söhbətlər var. Tədbirə çağırırlar, gedib oxuyur. Biz o vaxt tədbirdə sənətkarlar görəndə salam verməyə qorxurduq. Bunlar yox. Adamın varsa, ödül də alacaqsan. Başına papaq qoy, makiyajsız al bunu. Kimə görə sənətkardır? Buna görə oxumaqdan iyrənirəm. Röyadan qabaq gələnlər var. Mənim fikrim hamıdan artıq olmalıdır. Mən əziyyət çəkmişəm. Saç yapışdırıb, klip çəkib, sənətə gələ bilməzsən".

Röya Ayxan isə sosial şəbəkədəki hesabında Aygün Bəylərin xanəndə adına layiq hərəkət etmədiyini yazmışdı:

"Media nümayəndələrindən xahiş edirəm, bunun adını qalmaqal adlandırmasınlar. Əgər kimsə öz qadınlığına hörmət etmirsə, öz işidir. Mən sənətimə də, işimə də, özümə də hörmət edirəm. Bunu gərək üç il öncə edərdim, amma boynundan atdı. Sübut da etdik, üstünə çox gedib pərt etmək istəmədim. Ona çox keçdim, amma bu dəfə həddini aşdı. Xanəndədirsə, xanəndə adına layiq hərəkət etsin. Mən pop sənətçisiyəm, onun  mənimlə, mənim də onunla heç bir əlaqəm yoxdur. Olmadı, olmayacaq da. Bizim oxuduğumuz janrlar başqadır. Amma xanəndələri belə ucuzlaşdırmasın. Dostlarımdan da xahiş edirəm, ona görə mənə heç kim zəng etməsin”

İntiqam VALEHOĞLU

Ölkə.Az

ŞƏRH YAZ
0

Bakıda tanınmış müğənni həbs edildi

Bakıda tanınmış müğənni həbs edildi
17:27
Bu gün
4027
Maqazin
A
Bakıda tanınmış müğənni, “Velizadə prodakşn”ın rəhbəri Tural Vəlizadə həbs edilib.

"Ölkə.Az" oxu.az-a istinadən xəbər verir ki, T.Vəlizadə dörd nəfərə qarşı dələduzluqda ittiham edilir.

Belə ki, o, azərbaycanlı iş adamlarına Türkiyənin tanınmış müğənniləri Sıla və Ebru Gündeşi Bakıya gətirib, konsert vermələrini təmin edəcəyinə söz verib.  T.Vəlizadə ümumilikdə həmin şəxslərdən 200 min ABŞ dolları məbləğində pul alıb, lakin vədinə əməl etməyib. 

Zərərçəkmişlərin şikayətləri əsasında saxlanılan T.Vəlizadənin barəsində Cinayət Məcəlləsinin 178.3.2-ci (külli miqdarda törəldildikdə) maddəsi ilə ittiham irəli sürülüb və həbs-qətimkan tədbiri seçilib. 

Onun cinayət işinin ibtidai istintaqı yekunlaşdırılaraq Bakı Ağır Cinayətlər Məhkəməsinə göndərilib. Hazırda hakim Cavid Hüseynovun sədrliyi ilə T.Vəlizadənin cinayət işi araşdırılır. 

O, ittiham üzrə özünü təqsirli bilmədiyini və iş adamlarından pulu borc aldığını söyləyib. 

Bu gün keçirilən məhkəmə iclasında zərərçəkmiş Rövşən Hacıyevin vəkili Babək Həmidov vəsatət qaldırıb. 

O, cinayət işində adı şahid qismində keçən Əli Vəliyevin də cinayət məsuliyyətinə cəlb edilməsini istəyib. 

Vəkil qeyd edib ki, Ə.Vəliyev iş adamı R.Hacıyevin işçisi olub, T.Vəlizadəni də onunla o tanış edib:

“Rövşən müəllimə türkiyəli müğənnilər Sıla və Ebru Gündeşin Bakıya konsert üçün gətirilməsi təklifini Əli verib. Əli də Rövşən Hacıyevdən ümumilikdə 140 min dollar pul alıb, Turala verib. Tural isə deyir ki, Əli ona ümumilikdə 120 min dollar pul verib. Məhkəmədən xahiş edirəm ki, həmin şəxs də cinayət məsuliyyətinə cəlb edilsin”.

Dövlət ittihamçısı vəsatətə münasibət bildirmək üçün məhkəmədən vaxt istəyib. 

Məhkəmə prosesi yanvarın 25-də davam etdiriləcək. 

ŞƏRH YAZ
0

Meraya Keri erməni əsilli köməkçisini məhkəməyə verdi

Meraya Keri erməni əsilli köməkçisini məhkəməyə verdi
17:20
Bu gün
3629
Maqazin
A
Son illər məşhur müğənni Meraya Kerinin şəxsi həyatında bəxti gətirmir.

“Ölkə.Az” xəbər verir ki, əri Nik Kennenlə ayrılan müğənni milyarder Ceyms pekerlə qısa roman yaşasa da, cütlük toy ərəfəsində ayrıldı. Hazırda Meraya gənc rəqqas Brayan Tanaka ilə görüşür. Amma onların da münasibətini stabil adlandırmaq olmaz. Bununla yanaşı, Meraya keçmiş assistenti ilə də məhkəmə çəkişməsindədir.

2017-ci ildə keçmiş cangüdəni Maykl Anello seksual zorakılıq ittihamı ilə məhkəməyə müraciət etdi. Bir müddət sonra isə ulduzun şəxsi assistenti Stella Buloçnikov da eyni ittihamla məhkəməyə şikayət etdi. Bu yaxınlarda isə Meraya ilə köməkçisi Liana arasında qalmaqal baş verib. Keri bildirib ki, erməni əsilli Liana Şahnazaryan bir çox illər ərzində onu şantaj edir və susmaq müqabilində külli miqdarda pul alır. Şahnazaryanın əlində olan video rolikə görə Merayadan 8 milyon dollar tələb etməsi ulduzun səbrini daşırıb.

Meraya şikayət ərizəsində qeyd edib ki, Şahnazaryanın əlində həqiqətən də onun “şəxsi həyatı”na dair video çarx var. Onlardan bəziləri intim kadrlardır. Keri bildirib ki, köməkçisi qovulacağı təqdirdə bu videonu yaymaqla hədələyib.

Hikmət Həsənov
Ölkə.Az

ŞƏRH YAZ
0
BAĞLA