Ruhi xəstə Obamanın qızına evlilik təklifi edib
Sabiq ABŞ prezidenti Barak Obamanın qızını ruhi xəstə olan bir kişi təqib edib.
"Ölkə.Az" xəbər verir ki, xüsusi xidmət orqanı əməkdaşları 18 yaşlı Maliya Obamanı təqib edən şəxsi saxlayıblar. Ruhi xəstə olan kişi qıza evlilik təklifi etmək istəyib.
Verilən xəbərə görə, ruhi xəstə 30 yaşlı Nyu-York sakini Ceyr Nilton Kardosodur. O, əvvəllər də Ağ evin ərazisinə keçməyə cəhd edib. Ceyr Nilton 10 aprel tarixində Maliyadan ona ərə getməsini xahiş edib və yalvarıb. Eyni zamanda prezident qızının təcrübə keçdiyi binaya daxil olub. İki gün sonra Kardoso Maliyanı təqib etməyə başlayıb.
Kardoso ilə söhbət edən xüsusi xidmət orqanı əməkdaşları qərara alıblar ki, çox güman onun psixi problemləri var. Ceyr ekspertizadan keçmək üçün xəstəxanaya göndərilib.
Hikmət
Ölkə.Az