Ruhi xəstə qohumunu öldürüb, özünə qəsd etdi
Sabunçu rayonunda qətl hadisəsi baş verib.
"Ölkə.Az"APA-ya istinadən xəbər verir ki, hadisə paytaxtın Sabunçu rayonu Bilgəh qəsəbəsində qeydə alınıb.
Qəsəbə sakini, ruhi xəstə, 1957-ci il təvəllüdlü Sərvər Rzayev qohumu və qonşusu, 1977-ci il təvəllüdlü Abbasov Zakir Akif oğlunu bıçaqla qətlə yetirib. O, daha sonra evinin yaxınlığındakı transformator kabinəsinə daxil olaraq yüksək gərginlikli elektrik xəttinə toxunaraq intihar edib.
Faktla bağlı Sabunçu rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.
Ölkə.Az
