Rumıniya və Moldova birləşir
Rumıniya və Moldova birləşmək üçün qarşılıqlı addımlar atır.
“Ölkə.Az” xəbər verir ki, Rumıniya parlamenti birləşmə niyyətinə aid deklarasiya qəbul edib.
Parlament tarixə “Bessarabiya” kimi düşən bu günkü Moldova torpaqlarının Rumıniya ilə birləşməsinin 100-cü ili ilə bağlı həyata keçirilən xatirə tədbirində Moldova ilə birləşməyə aid niyyət deklarasiyasını yayımlayıb.
Bu deklarasiya Rumıniya xalqının Moldova ilə birləşmə arzusunu dilə gətirir və belə bir halın Moldova xalqının qərarı ilə həyata keçirləcəyini, Rumıniya xalqının isə artıq buna hazır olduğunu vurğulayır.
Hikmət Həsənov
Ölkə.Az
