Rumıniyanın ən məşhur cadugərinin dəbdəbəli həyatı

"Ölkə.Az" xəbər verir ki, slovakiyalı fotoqraf Lusiya Sekerkova Rumıniyanın falçılar kraliçası ilə görüşüb. Fotoqraf bu görüşü lentə alıb və Mariya Kampinanın evinin fotolarını mətbuata ötürüb.

Mariya əvvəlcə razılıq verməsə də, sonradan razılıq verib. Falçı evini fala baxma və cadu pozma qarşılığında əldə etdiyi pul ilə alıb.
Fotoqrafın dediyinə görə, cadugər qadınlar fala baxdırmağa gələnlərlə əvvəlcə lağlağı edirlər. "Bu il üç uşağın olacaq", "öləcəksən"-deyib qəhqəhə çəkən falçılar da var.

Falçılar əvvəlcə "müştəri"nin səbrini sınayırlar. Müştəri qorxudulur, müxtəlif ehtimallar irəli sürülür.

Bundan başqa dərman bitkiləri ilə bağlı qədim biliklərə sahib olan bu falçılar eliksir də hazırlayırlar. Bunlar arasında diş əti üçün qarqara, depresiyaya düşənlər üçün vücud yağları, mədə ağrısını müalicə edən bitki çayları var.

Rumıniyalı qızlarda fala baxdırmaq adəti ailədən gəlir. Falçılıq mədəniyyəti Paqan mədəniyyətindən gəlsə də, falçıların əksəriyyəti özünü xristian kimi təqdim edir.  Falçıların çox olduğu bu ölkələrdə rəqabət də böyükdür. Bir çox falçı internetdə səhifə açaraq reklamla məşğul olur.

Avropada falçıların qiyməti 20-50 avro arasında dəyişir.

Hikmət Həsənov
Ölkə.Az