KORONAVİRUSA YOLUXANLARIN SAYI - CANLI STATİSTİKA

Rus bölməsində oxuyub, 700 bal toplayan məzunlar — İndi haradadırlar? - SİYAHI

Rus bölməsində oxuyub, 700 bal toplayan məzunlar
00:17
21.04.2019
8233
Ölkə
A
Son günlərdə sosial şəbəkələrdə rus bölməsində təhsil alan şagirdlər barədə müxtəlif fikirlər səsləndirilir. Bu fikirlərin bəziləri sözügedən şagirdlərin təhsil səviyyələrinin aşağı olması və rus bölməsi üzrə 700 bal toplayan abituriyentlərə rast gəlinməməsiylə bağlıdır.

"Ölkə.Az" azedu.az-a istinadənrus bölməsində təhsil alaraq  ali təhsil müəssisələrinə müxtəlif illərdə keçirilən qəbul imtahanlarında maksimum nəticə göstərən şəxsləri diqqətə çatdırır:

Nərgiz İsmayılbəyli

Nərgiz  İsmayılbəyli 1990-cı ildə Bakı şəhərində anadan olub. 2007-ci ildə10 nömrəli tam orta məktəbi fərqlənmə attestatı ilə bitirib. 2007-ci ildə ali məktəblərə qəbul imtahanlarında  IV ixtisas qrupu üzrə 700 bal toplayaraq Azərbaycan Tibb Universitetinin II müalicə-profilaktika fakültəsinə qəbul olunub. Prezident təqaüdünə layiq görülən Nərgiz 2013-cü ildə isə həmin universiteti fərqlənmə diplomu ilə bitirib. 

2011-ci ildə yay istehsalat-təcrübəsi çərçivəsində İtaliyanın Genuya Universitetinin klinikasında ginekologiya şöbəsində həkim köməkçisi kimi fəaliyyət göstərib. "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində İtaliyanın Roma "La Sapienza" Universitetində (Universita di Roma "La Sapienza")  "prenatal diaqnostika və dölün patologiyası" ixtisası üzrə magistratura təhsili alıb.

Hazırda Bakıda Ginekoloq olaraq çalışır.

Şahbaba Məmmədov

Şahbaba Məmmədov 1998-ci il oktyabrın 5-də Rusiyanın Sankt Peterburq şəhərində anadan olub.

"Tərəqqi" texniki-humanitar liseyinin məzunu olan Şahbaba Məmmədov 2016-cı ildə 700 balla Azərbaycan Dövlət İqtisad Universitetinə (indiki UNEC-red.)qəbul olunub.

Şahbaba hazırda UNEC-in Beynəlxalq İqtisadiyyat Məktəbində maliyyə ixtisası üzrə təhsil alır.

Elmir Əhmədov

Elmir Əhmədov  2000-ci ildə Rusiya Federasiyasında anadan olub. 2006-ci ildə Quba şəhər 3 saylı orta məktəbin birinci sinfinə daxil olub. 2017-ci ildə isə Akademik Zərifə Əliyeva adına liseyi fərqlənmə attestatı ilə bitirib.

O, orta məktəbdə müxtəlif illər ərzində Azərbaycan və rus bölmələrində oxuyub.

2017-ci ildə qəbul imtahanlarında maksimum nəticə göstərən Elmir, hazırda Bakı Ali Neft Məktəbində Proseslərin Avtomatlaşdırılması Mühəndisliyi (PAM) ixtisası üzrə təhsil alır. 

Ölkə.Az

ŞƏRH YAZ
0

Ananı yaraladı, oğlu ilə qızını öldürdü — BAKIDAKI DƏHŞƏTLİ QƏTLİN TƏFƏRRÜATI-VİDEO

Ananı yaraladı, oğlu ilə qızını öldürdü
15:49
Bu gün
1206
Ölkə
A
Bakıda bacı-qardaşı qətlə yetirməkdə təqsirli bilinərək həbs olunan Azər Cəfərovun cinayət işi.

"Ölkə.Az" xəbər verir ki, hadisə Nərimanov rayonunun Keşlə qəsəbəsində baş verib. 2001-ci il təvəllüdlü Saqil Qasımzadə və onun 26 yaşlı bacısı Fəridə qətlə yetirilib.

Hadisəni törətməkdə şübhəli bilinən paytaxt sakini, əvvəllər məhkum olunmuş Azər Cəfərov tutulub.

Azər Cəfərov ifadəsi zamanı bildirib ki, qətlə yetirdiyi şəxslər arvadının qohumları olub. O, ifadəsində əvvəlcə Saqil Qasımzadəni qətlə yetirərək avtomobilin yük yerinə qoyduğunu, daha sonra isə ailənin digər üzvlərinin yaşadığı evə yollandığını bildirib.
Hadisə baş verən günü Azər həyətinin arxa tərəfində hasar üçün taxtaları daşımaq lazım olduğundan qonşuluqda yaşayan Lətifə Məmmədovanın oğlu Saqili köməyə çağırıb.

Azər Cəfərov: "Bir az Saqilnən taxta daşıdıq sonra birdən yadına düşdü ki, Lətifənin böyük oğlu deyirdi ki, evdə pul yığıram.Fikirləşdim ki, borclarımı qaytarmaq üçün evlərində 5 min manata yaxın pul olar"

Bu məqsədlə o, həmin məbləği ələ keçirmək barədə düşünüb.

Həmin gün saat 18-radələrində taxta parçası ilə qəflətən Saqilin başına möhkəm zərbə vurub və nəticədə o, huşunu itirərək yerə yıxılıb. Daha sonra oğlanın əllərini, ayaqlarını və boğazını trosla bağlayıb, onu avtomobilinin yük yerinə yerləşdirib.

Sonra qohumları Lətifəgilin evinə tərəf gedən Azər Cəfərov yolda ailənin böyük oğlu Fərid Qasımazadə ilə rastlaşıb və onlar birlikdə mənzilə daxil olublar. Qadın onlara yemək süfrəsi açıb. Bir müddətdən sonra Azər qohumları ilə sağollaşaraq Fəridlə birlikdə evdən çıxıb.

Fərid Qasımzadənin evdə olmadığına əmin olandan sonra Azər yenidən həmin mənzilə qayıdıb. Qapını isə onun üzünə Lətifə Məmmədova açıb. Azər Cəfərov qapını açan qadına sağ əlində hazır vəziyyətdə olan kəsici alətlə boyun və sinə nahiyyəsindən bir neçə zərbə endirib.

Qadın yerə yıxılaraq hərəkətsiz vəziyyətdə qalıb. Bu zaman Lətifənin qızı Fəridə anasını yerdə yıxıldığını görüb qışqırmağa başlayıb.

Vaxtı itirmək istəməyən Cəfərov dərhal giriş qapısının yanında qıza hücum edərək boğazından ardıcıl zərbələr vurub.

Məhkəmə tibbi ekspertizanın rəyinə əsasən Fəridə Qasımovanın üzərində 27 ədəd kəsilmiş-deşilmiş yara aşkar edilib.

Azər Cəfərov hadisədən sonra qətlə yetirilən şəxslərin mənzilindən oğurluq da edib. O, evdən 207 ABŞ dolları və 250 manat pulu götürərək hadisə yerini tərk edib.

Cinayət Məcəlləsinin bir neçə maddəsi ilə ittiham olunan Azər Cəfərov məhkəmənin hökmü ilə ömürlük azadlıqdan məhrum edilib.

Ölkə.Az

 

ŞƏRH YAZ
0

Bakıda “Gelandewagen”in sürücüsündən ağlasığmaz hərəkət — Tıxacda qalmamaq üçün...-VİDEO

Bakıda “Gelandewagen”in sürücüsündən ağlasığmaz hərəkət
15:22
Bu gün
1962
Ölkə
A

Sosial şəbəkədə Bakıda yol hərəkəti qaydalarını pozan sürücünün görüntüləri yayılıb.

"Ölkə.Az" avtosfer.az-a istinadən xəbər verir ki, sürücü tıxacda qalmamaq üçün ağlasığmaz hərəkət edib.

O, idarə etdiyi 99-TD-088 qeydiyyat nişanlı, “Mercedes Gelandewagen” markalı avtomobillə ayırıcı zolağın üzərindən əks istiqamətə keçərək, yolunu dəyişmək istəyib.

Bu zaman avtomobilin alt hissəsi ayırıcı zolağa ilişərək, qəribə manevri çətinləşdirib.

ŞƏRH YAZ
0
BAĞLA