Rus hərbçini öldürən erməni barədə hökm çıxarıldı

"Ölkə.Az" xəbər verir ki, İrəvan məhkəməsi Gümrüdə rusiyalı hərbçini qətlə yetirməkdə ittiham olunan Arman Cancuqazyanı həbs edib. Məhkəmənin qərarına görə, istintaq tam başa çatana qədər qətldə şübhəli bilinən erməni barədə həbs  qətimkan tədbiri seçib. Onun cinayəti tam sübuta yetiriləndən sonra, barəsində əsaslı qərar veriləcək.

Qeyd edək ki, aprelin 22-də Ermənistanda rusiyalı hərbçi öldürülüb. Hadisə Gümrü şəhərində qeydə alınıb. Verilən məlumata görə, Rusiyanın 102-ci hərbi bazasının əsgərinin meyiti aşkarlanıb.  Meyit şəhərdə yerləşən hərbi bazanın yaxınlığındakı mağazanın qarşısında tapılıb. Araşdırmalar zamanı məlum olub ki, hərbçi aldığı bıçaq xəsarətlərindən ölüb. Müayinə zamanı hərbçinin döyüş silahı olan bıçaqla öldürüldüyü məlum olub. Hərbçinin boynu kəsilib və onun bədəninə 8 bıçaq zərbəsi vurub.

İlk öncə Arman Cancuqazyanın psixi xəstə olduğu bildirilib. Hətta bu səbəbdən də, onu mart ayında hərbi xidmətdən kənarlaşdırıblar. Lakin sonradan Arman Cancuqazyanın qətli törədərkən tan anlayışlı halda olduğu bildirilib. 

Ziya Səccad
Ölkə.Az