Rusiya Ankaraya yeni səfir təyin etdi

Rusiya Ankaraya yeni səfir təyin etdi
13:38
19.06.2017
64
Siyasət
A
Rusiya Türkiyədəki yeni səfirini təyin edib.

"Ölkə.Az" xəbər verir ki, yeni Ankara səfiri Aleksey Yerxov təyin edilib.

Rusiya prezidenti Vladimir Putin Rusiyanın Ankaradakı səfiri kimi Aleksey Yerxovun təyin edilməsi barədə qərarnaməni imzalayıb. Yerxov 2016-cı ilin dekabr ayında sui-qəsdə məruz qalan mərhum səfir Karlovun yerinə təyin edilib. Bir müddətdir ki, səfir vəzifəsini Karlovun müşaviri Sergey Panov icra edirdi.

Yerxov isə daha əvvəl Rusiyanın İstanbuldakı konsulluğunda vəzifə tutub. 

Hikmət
Ölkə.Az

ŞƏRH YAZ
0

İlham Əliyevin ünvanına daha bir təbrik

İlham Əliyevin ünvanına daha bir təbrik
21:36
20.04.2018
3309
Siyasət
A
“Total” Şirkətlər Qrupu İdarə Heyətinin sədri, baş icraçı direktoru Patrik Puyane Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə,Az"ın xəbərinə görə, təbrik mətnində deyilir:

"Hörmətli cənab Prezident.

Sizi yenidən Azərbaycan Respublikasının Prezidenti seçilməyiniz münasibətilə səmimi qəlbdən təbrik edirəm.

Bildiyiniz kimi, “Total” Şirkətlər Qrupu Azərbaycan Respublikasının Dövlət Neft Şirkəti ilə birgə əməkdaşlıq edərək Azərbaycanın neft və qaz sənayesinin uzunmüddətli inkişafına töhfə vermək niyyətindədir.

Bu xoş imkandan istifadə edərək “Total” Şirkətlər Qrupu adından və şəxsən öz adımdan yeni prezidentlik dönəmində Sizə uğurlar arzulayıram".

Ölkə.Az

ŞƏRH YAZ
0

Prezident İqtisadiyyat Nazirliyinin səlahiyyətini azaltdı

Prezident İqtisadiyyat Nazirliyinin səlahiyyətini azaltdı
21:08
20.04.2018
3122
Siyasət
A
İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti İqtisadiyyat Nazirliyinin tabeliyindən çıxarılıb.

"Ölkə.Az"ın məlumatına görə, bu, Azərbaycan prezidenti İlham Əliyevin bu gün imzaladığı “İstehlak bazarına nəzarət, standartlaşdırma, metrologiya və əqli mülkiyyət hüquqları obyektlərinin mühafizəsi sahəsində idarəetmənin təkmilləşdirilməsi ilə bağlı tədbirlər haqqında” sərəncamında əksini tapıb.

İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti əsasında mərkəzi icra hakimiyyəti orqanı olan Antiinhisar və İstehlak Bazarına Nəzarət Dövlət Agentliyi yaradılıb. Sərəncama əsasən ləğv edilmiş Standartlaşdırma, Metrologiya və Patent üzrə Dövlət Komitəsinin texniki tənzimləmə, standartlaşdırma, metrologiya, uyğunluğun qiymətləndirilməsi, akkreditasiya və keyfiyyətin idarə edilməsi sahəsində səlahiyyətləri Antiinhisar və İstehlak Bazarına Nəzarət Dövlət Agentliyinə verilib.

Ölkə.Az

ŞƏRH YAZ
0
BAĞLA