“Rusiya dünyada sülh istəyirsə, ...” — ABŞ-dan Putinə mesaj

“Rusiya dünyada sülh istəyirsə, ...”
21:09
15.12.2017
4324
Dünya
A
ABŞ Rusiya və Çini KXDR-ə qarşı təzyiqləri artırmağa çağırıb.

“Ölkə.Az” xəbər verir ki, bu barədə ABŞ dövlət katibi Reks Tillerson bildirib. Onun sözlərinə görə, əsasən də Rusiya Şimali Koreya ilə münasibətləri bir qədər azaltmalıdır.

“Şimali Koreyadan Rusiyaya gedən işçilərə çalışmağa icazə verilir. Bu yolverilməzdir. Əgər Rusiya və Çin Şimali Koreyanın nüvə silahı istehsalına qarşıdırlarsa, bu zaman onunla əməkdaşlıqdan çəkinməlidirlər. Əgər Rusiya dünyada sülh istəyirsə, Şimali Koreyaya qarşı təzyiqləri artırmalıdır”, - deyə Reks Tillerson bildirib.

Eyni zamanda dövlət katibi KXDR ilə Amerikanın əməkdaşlığını da mümkün sayır. Bunun üçün isə Amerikanın şərtləri var: “Şimali Koreya təhdidedici davranışlarını dayandırmalıdır. Bu zaman onlarla danışıqlara başlaya bilərik. KXDR danışıqlar masasına oturmaq üçün cəhd etməlidir. Bunun üçün isə bütün dünya, xüsusən Şimali Koreya ilə əməkdaşlıq edən dövlətlər təzyiqləri artırmalıdırlar”.

Ziya Səccad
Ölkə.Az

ŞƏRH YAZ
0

Şanxayda 200 min insan təxliyə edilib — Tayfun təhlükəsinə görə

Şanxayda 200 min insan təxliyə edilib
09:52
Bu gün
650
Dünya
A
Çinin şərqində, Şanxay şəhərində hakimiyyət 192,7 min nəfəri təhlükəsiz yerlərə təxliyə edib.

"Ölkə.Az" yerli mətbauata istinadən xəbər verir ki, buna səbəb Çin sahillərinə yaxınlaşan "Ampil" qasırğasıdır.

Yerli vaxtla saat 05:00-a görə, tayfun Şanxaydan 145 km məsafədə olub və şimal-qərb istiqamətində 25 km/s sürəti ilə hərəkət edib.

Qeyd olunur ki, Çjetszyan vilayətində də təxliyə işləri aparılıb, lakin burada onlar o qədər də miqyaslı olmayıb - 38 min insan təxliyə olunub.

Ölkə.Az

ŞƏRH YAZ
0

Yaponiyada orta ömür həddi rekord səviyyəyə çatıb

Yaponiyada orta ömür həddi rekord səviyyəyə çatıb
09:18
Bu gün
572
Dünya
A
Yaponiya Səhiyyə Nazirliyi bəyan edib ki, 2017-ci ildə ölkədə orta ömür həddi rekord səviyyəyə çatıb.

"Ölkə.Az" xəbər verir ki, ötən il Yaponiyada kişilər üçün orta ömür həddi 81,09 yaş təşkil edib ki, bu da bir il əvvəlki göstərici ilə müqayisədə 0,11 qədər çoxdur. Qadınlar üçün isə bu rəqəm 87,26 yaşa bərabər olub və bu da əvvəlki göstəricidən 0,13 qədər çoxdur.

Yaponiyada həm kişilər, həm də qadınlar üçün bu göstərici altı ildir ki, dayanmadan artır. Yapon qadınlar uzunömürlülüyə görə Honkonq qadınlarından sonra dünyada ikinci yeri tuturlar.

Yapon kişilər isə həmin göstərici üzrə üçüncü yerdədirlər. Onlar Honkonq və İsveçrə kişilərindən geri qalırlar.

Ölkə.Az

ŞƏRH YAZ
0
BAĞLA