Rusiya erməni mediasının hədəfində — TƏHLİL

Rusiya erməni mediasının hədəfində
12:05
25.06.2015
8595
Analitika
A

Ermənistanda gedən daxili çəkişmələr və kütləvi etiraz böyüməkdədir.

Bu gün informasiya kanalları ilə yayılan məlumatlarda İrəvan və Gümrüdə etirazçıların barrikadalar quraraq oturaq mitinqlərə davam edəcəyi bildirildi. Ölkə və ətrafında baş verən prosseslərə dünya mediasının münasibəti Ermənistan gündəminin əsas müzakirə mövzusudur. Erməni mətbuatı ölkədəki hadisələri işıqlandıran dünya mediasının xəbərlərini işıqlandırmaqdadır.

Bu gün Ermənistan mediasının baş xəbərləri arasında ən çox material Rusiyaya aid olan materiallar idi. Ölkədə baş verən hadisələri qeyri-obyektiv, birtərəfli işıqlandırdığına görə, Rusiya mediası ermənilərin qəzəbinə tuş gəlib. Mitinq iştirakçılarının Rusiya telekanalları tərəfindən "xuliqan", "düşmənlərə işləyən kütlə", "təxribatçı" kimi qiymətləndirilməsi erməniləri hiddətləndirib.

Ermənistanın aparıcı media orqanlarının manşetə verdiyi materiallar həqiqətən də Rusiyanın forpostu olan bu ölkədə sensasiya sayıla bilər. Rusiyanın qəsbkar, işğalçı, istismarçı, erməniləri qul etmiş bir imperiya kimi qiymətləndirilməsi Moskvaya şok təsiri bağışlayıb. Müxalif erməni analitiklərin təhlillərində Rusiya açıqdan-açığa Ermənistanın suverenliyinin qənimi, erməni xalqının çoxəsrlik düşməni kimi qələmə verilir. Rusiyalı siyasətçilər ermənilərin bu reaksiyası qarşısında hələlik ki, sükutlarını pozmayırlar. Kremlin və XİN-nin verdikləri bəyanatlarda vəziyyətin siyasi, dinc yolla həllinə ümid etdiklərini bildirdilər.

Ümumilikdə Ermənistanda baş verən prosseslər ən çox Rusiyanı narahat edir. Çünki Ermənistanın Rusiyaya hələ ödənməmiş çoxmilyardlıq borcu var. Ermənistannın onsuz da iflic olmuş iqtisadiyyatının böyük bir hissəsi Rusiyaya məxsusdur. Enerji şəbəkəsindən dəmir yoluna, rabitə sisteminə qədər bütövlükdə ölkə Rusiya şirkətlərinə məxsusdur. Ermənistana çəkdiyi xərci oradan götürə bilməyən Rusiyanın bu məsələdəki təşvişi başa düşüləndir. Hadisələr isə daha da pisləşməkdə, etirazçılara daha çox adam qoşulmaqda davam edir. İrəvan başda olmaqla bütün iri şəhərlərə əlavə polis vəsgır qüvvələri göndərilir.

Sonda oxucularımızın diqqətinə populyar erməni saytlarından birində gedən materialdan qısa bir hissəni təqdim edirik:

"Müasir rus propaqandası haqqında çox yazılar dərc edilib. Rusiya KİV-lərinin "çirkli kampaniyası" haqqında bütün dünyada əfsanələr gəzir. Bu gün bu çirkli kampaniyanın hədəfində Ermənistan və haqqını tələb edən erməni xalqı var. Rusiyanın aparıcı media orqanlarının Ermənistandakı hadisələri işıqlandırması isə heç bir etika çərçivəsinə sığmır. Rusiyanın rəsmi propaqandası sosial ədalət tələb edən erməniləri "xuliqan", "düşmənə işləyən ünsür", "təxribatçı" və "öz ölkəsinin düşməni" kimi qələmə verməsi erməni xalqını öz boyunduruğunda saxlamaq istəyən bu ölkənin iç üzünü bir daha ortaya qoyur"


Baş redaktordan
Ölkə.az

ŞƏRH YAZ
0

ABŞ Türkiyəni Rusiyaya “qısqanır”

ABŞ Türkiyəni Rusiyaya “qısqanır”
21:37
17.11.2017
554
Analitika
A
ABŞ hərbi hava qüvvələri müşavirinin müavini Hydi Qrant Türkiyə ilə bağlı açıqlama verib.

“Ölkə.Az” xəbər verir ki, açıqlamaya əsasən, əgər Türkiyə Rusiyadan “S-400” raket hücumundan müdafiə sistemini alsa, NATO texnologiyalarıəldə etmə imkanı məhdudlaşdırılacaq. Qrant Türkiyəyə “S-400” sistemləri mövzusunda xəbərdarlıq edib: "Əgər Türkiyə “S-400” alsa, NATO texnologiyaları əldəetmə imkanı məhdudlaşdırılacaq. Növbəti mərhələdə isə Türkiyənin “F-35” tipli 5-ci nəsil bombardman təyyarələri əldə etmə və istifadə imkanlarına qarşı tədbirlər görülə bilər".

“S-400” müqaviləsinin Türkiyə ilə NATO arasındakı hərbi əməkdaşlığa ciddi təsir edəcəyini qeyd edən Haydi NATO strategiyasının “S-400”sistemlərilə əməkdaşlığa icazə vermədiyini vurğulayıb. Əgər Türkiyə "S-400"ləri alsa, ABŞ-ın necə davranacağını hələ müəyyənləşdirmədiyini deyən Qrant davam edib: "Əvvəlcə müqavilənin həyata keçirilib-keçirilməyəcəyinə, gələcəkdə bir yerdə necə işləyəcəyiməzə baxacağıq. Amma hazırda bu sistemlərlə əməkdaşlıq etməyəcəyimizi söyləyə bilərəm".

Yayılan xəbərlərlə bağlı Türkiyə və Rusiya mətbuatında müxtəlif şərhlər yazılır. Mütəxəssislər hesab edirlər ki, ABŞ bu və ya digər addımlarla Türkiyəyə təzyiqlər edir ki, Rusiya ilə əlaqələrini genişləndirməsin. Azərbaycanlı siyasətçilər isə məsələyə birmənalı yanaşmırlar. Politoloq Elxan Şahinoğlu “Ölkə.Az”a açıqlamasında bildirib ki, əslində verilən bəyanatlar Türkiyəyə qarşı təhdid və təzyiqlər kimi qiymətləndirilməməlidir. Onun fikrincə, ABŞ Türkiyə kimi müttəfiqini itirəcəyindən ehtiyatlandığı üçün bu tip addımlar atır.

“ABŞ-dan Türkiyəyə elə güclü təzyiq olduğunu düşünmürəm. Çünki Türkiyə eyni tipli raketləri NATO-dan almaq istəyirdi. Onlar Türkiyəyə bu tipli silahları satmırdılar. Ona görə də, Türkiyə hökuməti havadan müdafiə raketlərini Rusiyadan almağa məcbur oldu. Bu səbəbdən də, hazırda Amerikanın tələbi məntiqli deyil. Türkiyə NATO-ya lazımdır. Ona görə də, Amerikada təzyiq yox, narahatlıq bildirirlər. Bütün hallarda Amerika Türkiyənin NATO-dan çıxmasının təşəbbüskarı olmayacaq”, - deyə E.Şahinoğlu bildirib.

Ekspertin fikrincə, NATO Türkiyəyə qarşı ikili münasibət bəsləyir: “Türkiyə Rusiya ilə hərbi əməkdaşlığı getdikcə artırmaq fikrindədir. NATO buna görə Türkiyəyə qarşı təzyiqləri artıra bilməz. Çünki Türkiyə NATO-ya lazımdır. Lakin onların Türkiyəyə ikili münasibəti var. NATO təlimlərində Norveçdə qoyulan stenddə düşmənlərin fotoları asılıb. Fotolar içində Mustafa Kamal Atatürkün və Ərdoğanın şəkli olub. Bu səbəbdən də, Ankara Norveçdə keçirilən NATO təlimlərindən 40 hərbçisini geri çağırıb. Türkiyə Qərblə əməkdaşlıqda böhran yaşayır. Amerika Suriya məsələsində radikal kürdlərə dəstək verir. Avropa Birliyi də üzvlüyə qəbul etmir. Ərdoğan hökuməti də məcbur olub alternativ istiqamətlərə yönəlir. Bu istiqamətlərdən biri də Rusiya ilə hərbi və iqtisadi əməkdaşlığın genişlənməsidir”.

Ziya Səccad
Ölkə.Az

ŞƏRH YAZ
0

Putinlə Ərdoğan niyə tez-tez görüşür? — Prezidentlərin sirləri barədə POLİTOLOQ RƏYİ

Putinlə Ərdoğan niyə tez-tez görüşür?
22:27
16.11.2017
908
Analitika
A
Rusiya prezidenti Vladimir Putinlə türkiyəli həmkarı Rəcəb Tayyib Ərdoğan 7-ci dəfə görüşəcək.

"Ölkə.Az" xəbər verir ki, bu barədə Rusiya mətbuatı məlumat yayıb. Verilən məlumata görə, Rusiyanın Soçi şəhərində İran, Türkiyə və Rusiya arasında üçtərəfli Suriya müzakirələri keçiriləcək. Türkiyəni görüşdə prezident Ərdoğan təmsil edəcək. Bu, Ərdoğanın Putinlə 6-cı görüşü olacaq. Prezidentlərin görüşü 22 noyabr tarixinə planlaşdırılıb. İranı isə görüşdə prezident Ruhani təmsil edəcək.

Qeyd edək ki, 2017-ci il ərzində Ərdoğan Putinlə 6 dəfə görüşüb. Onlar arasında bu ilin 11 ayı ərzində 13 dəfə telefon danışığı olub. Bu isə iki ölkə tarixində rekord sayılır. Dünya mətbuatında vurğulanır ki, iki ölkə rəhbəri bu ilin son aylarında daha sıx münasibətdə olublar. Dünya siyasətçiləri məsələyə müxtəlif aspektdən yanaşırlar. Azərbaycanlı mütəxəssislər də iki ölkə rəhbərinin tez-tez görüşməsinə birmənalı yanaşmırlar. Politoloq Adıgözəl Məmmədov “Ölkə.Az”a açıqlamasında bildirib ki, Putinlə Ərdoğanın tez-tez görüşü əslində bir neçə səbəbdən baş tutur.

“Birinci məsələ iki ölkə rəhbərinin arasında fikir ayrılıqlarını olmasıdır. Hələlik Putin Ərdoğanla ümumi rəyə gələ bilmir. İranın dövlət başçısının da artıq bu müzakirəyə qoşulması Rusiyanın mövqeyini gücləndirəcək. Burada Bəşər Əsəd rejiminin reanimasiyasında söhbət gedir. Faktiki olaraq İŞİD-in sonuna çıxılıb. Bundan sonra Suriyanın gələcək taleyi müzakirə olunur. Etiraf etmək lazımdır ki, Suriyada əsas söz sahib Rusiyadır. Düzdür Suriyada PKK və YPG kimi kürd qruplaşmaları ABŞ tərəfindən çıxış edirlər. Onları da, başqa regionda olduğu kimi neytrallaşdırmaq çox asandır. Putin də, bu səbəbdən ümumi razılaşmaya can atır. O, çalışır ki, Ərdoğan Bəşər Əsədlə kontakta girsin. Ola bilsin ki, Əsədi keçid dövrü üçün saxlayırlar. Sonradan ölkə rəhbərliyinə başqası gətirilə bilər. Lakin hazırda Suriyada əsas Rusiyaya bağlı rejimin taleyi müzakirə olunur”, - deyə A.Məmmədov bildirib.

Ziya Səccad
Ölkə.Az

ŞƏRH YAZ
0
BAĞLA