Rusiya “qanuni oğrular”la mübarizəyə başladı
“Ölkə.Az” “Komsomolskaya Pravda”ya istinadən xəbər verir ki, deportasiya qərarı birbaşa olaraq daxili işlər naziri Vladimir Kolokolsev tərəfindən verilib.
Rusiya Daxili İşlər Nazirliyi Təhlükəsizlik Baş İdarəsinin məlumatına görə, 51 yaşlı Aslan Kobuladze və Suliko Şarikadze Gürcüstana, 43 yaşlı Kamçibek Kolbayev isə Qırğızıstana deportasiya ediləcək.
Bir müddət öncə isə Baçuka Paçuliya Gürcüstana, Dadaş Bakinskiy isə Azərbaycana göndərilmişdi.
Hazırda Rusiyada 432 “qanuni oğru” var. Onlardan 318-i azadlıqda, 114-ü həbsdə, 31-i istintaq altında, 19-u isə axtarışdadır.
“Kriminal avtoritetlər” arasında Gürcüstan vətəndaşları daha çoxdur - 242 nəfər. Onlar arasında ruslar (51), ermənilər (30), yezidilər (26), azərbaycanlılar (16), abxazlar (10), çeçenlər (8) və yəhudilər (7) də var.
Ölkə.Az