Rusiya təyyarəsinin vurulmasına görə İsraili ittiham etdi
"Ölkə.Az" xəbər verir ki, bu sözləri Rusiya Müdafiə nazirliyinin rəsmi nümayəndəsi İqor Konaşenkov deyib.
“Əldə edilən obyektiv məlumatlar İsrail pilotlarının 15 rusiyalı hərbçinin ölümü ilə nəticələnən hərəkətlərinin ya qeyri-peşəkarlığı, ya da ən azından cinayət tərkibli məsuliyyətsizliyindən xəbər verir”, - Konaşenkov deyib.
Müdafiə nazirliyi qeyd edib ki, İsrail pilotları bilərəkdən Suriya raketlərinə qarşı İl-20 təyyarəsindən sipər kimi istifadə ediblər.
“İsrail pilotu anlayırdı ki, İl-20 təyyarəsinin effektiv əks etmə səthi F-16 qırıcısının analoji göstəricisindən xeyli böyükdür və zenit raketi məhz Rusiya təyyarəsini hədəf seçəcək”, - general-mayor əlavə edib.
Müdafiə nazirliyindən bildiriblər ki, F-16 qırıcısı İl-20 təyyarəsinə çox yaxınlaşıb, bu da Suriya tərəfindən təkrar hücum cəhdi kimi dəyərləndirilib.
Ölkə.Az
