Rusiya XİN: Rusiya ABŞ-ın güclü təzyiqinə cavab verməyə qadirdir

"Ölkə.Az" "Ria Novosti"yə istinadən xəbər verir ki, bu barədə Xarici İşlər Nazirliyinin şöbə müdiri Vladimir Yermakov bildirib.

Diplomat dünyada ABŞ-ın hərbi-texnoloji çəkisinin düşdüyünü bildirib. Onun sözlərinə görə, amerikalılar gec-tez Rusiya ilə danışıqlara başlayacaq.

Yermakovun qeyd edib ki, Vaşinqton Suriyaya edilən hücumdan sonra Moskva ilə dialoqu gücləndirə bilər.

Qeyd edək ki, şənbə günü ABŞ, İngiltərə və Fransa, Suriyadakı mülki və hərbi bölgələrə 100-dən çox raket atıb, nəticədə 3 nəfər yaralanıb. Onların əksəriyyəti Suriya hava hücumundan müdafiə sistemi tərəfindən zərərsizləşdirilib. Vaşinqton isə bu addımı Duma şəhərində həyata keçirilən kimyəvi hücumla əlaqələndirib.

Vladimir Putin bu hücumu "suveren dövlətə qarşı təcavüz aktı" adlandırıb.

Ölkə.Az