Rusiyada anonim zəng — Putinin yoluna 50 bomba qoyulub

Rusiyada anonim zəng
11:35
18.11.2017
1810
Dünya
A
Rusiya prezidenti Putinin maşın karvanının Sankt-Peterburq şəhərində keçəcəyi yola 50 bomba quraşdırılıb.

"Ölkə.Az" xəbər verir ki, Kremlin mətbuat katibi Dmitriy Peskov bildirib ki, bu barədə 60 anonim zəng daxil olub. 

Cümə günü Putin Peterburqa səfər edib və Mədəniyyət Forumunda iştirak edib. 

Peskov deyib: "60 zəng daxil oldu və 50 müxtəlif bomba barədə xəbər verildi. Bu bombalar prezidentin maşın karvanının keçəcəyi ərazilərə quraşdırılmışdı".

Təhlükəsizlik xidməti məsələyə əl qoyub. Zənglər dövlət başçısının iş qrafikinə təsir etməyib.

Peskov həm də qeyd edib ki, zənglər ölkə xaricindən gəlib. Onun sözlərinə əsasən, bunu telefon xuliqanları və telefon terrorçuları həyata keçirir. Gec-tez bu anonim zəngi edənlər tapılacaq.

Hikmət Həsənov
Ölkə.Az

 

ŞƏRH YAZ
0

Gürcüstanda seçkiqabağı təxribatın qarşısı alındı

Gürcüstanda seçkiqabağı təxribatın qarşısı alındı
12:32
Bu gün
91
Dünya
A
Gürcüstan Dövlət Təhlükəsizliyi Xidməti (DTX) ölkədə seçkiqabağı təxribatın qarşısını alıb.

"Ölkə.Az" xəbər verir ki, bu barədə DTX məlumat yayıb.

Təxribatın konkret olaraq nədən ibarət olduğu açıqlanmır. Bildirilir ki, son vaxtlar seçki kampaniyası ilə əlaqədar olaraq əhalinin daha çox toplaşdıqları yerlərdə təxribatlara hazırlıq barədə DTX-ya operativ məlumatlar daxil olurdu. Xidmətin əməkdaşlarının həyata keçirdikləri operativ axtarış-əməliyyat tədbirləri nəticəsində təxribatların qarşısı alınıb.

DTX bəyan edib ki, təxribatlara və ölkədə sabitliyin pozulmasına qarşı mübarizə Daxili İşlər Nazirliyi ilə birlikdə davam etdiriləcək. Ölkənin demokratik imicinə, eləcə də əhalinin təhlükəsizliyinə xələl gətirəcək hərəkətlərin qarşısı alınacaq.

Ölkə.Az

ŞƏRH YAZ
0

İsrail Qəzza zolağı ilə sərhədi açdı

İsrail Qəzza zolağı ilə sərhədi açdı
12:13
Bu gün
113
Dünya
A
İsrail Qəzza ilə buraxılış məntəqələrinin işini bərpa edib.

"Ölkə.Az" xəbər verir ki, sərhədin açılmasına səbəb "Erez" və "Kərəm-Şalom" NBM-lərini insanların keçidi və yüklərin daşınması üçün yaranan gərginlikdir.

Qeyd edək ki, dörd gün əvvəl sözü gedən məntəqələr Fələstin tərəfindən açılan atəş səbəbindən bağlanmışdı.

Ölkə.Az

ŞƏRH YAZ
0
BAĞLA